أعزائي الأعضاء هذه قصيدة عاطفيه كانت نتاج شعور قد خالجني ففاضت قريحيتي بهذه الأبيات التي أرجو ان ترتقي الى ذوائقكم ...
تحبني واحبك بكل الأحساس=تودني واعطيك كل الموده
لا جيتني قدرك على العين والراس=أمد كفي وانت كفك تمده
قول وتكلم ما علينا من الناس=كلامك اللي تستحي منه بده
عطني مثل ما أعطيك واثبت على ساس=ظرفك على كل الجوانب تحده
أعرف ترى للوقت معيار وقياس=والحبل لا ترخيه ولا تشده
خلك قنوع ولا يجي فيك وسواس=كلٍ مصيره واقفٍ عند حده
بكره إيلا فكرت واعلنت الإفلاس=اللي مع المفلس يصيرون ضده
لصار كل الهرج حبرٍ بقرطاس=باب يجي من يمه الريح سده
الحميدي بن فارس بن مصاول بن مدلج الميزاني