من عز نفسه عزه الله عن النـاس///العازمي

من عز نفسه عزه الله عن النـاس=وانا عزيـز وعزتـي راس مالـي
مانيب من يتبـع سواليـف بـلاس=اعز نفسـي عنـه وابعـد مجالـي
مبعد مجالي عن هرابيـد الانجـاس=اهـل الـردى ياجعلهـم للزوالـي
اللي سوالفهم تجي مالهـا اقيـاس=افلان قـال وقـال وافـلان قالـي
اللي بدون احساس يدفن بلا احساس=لاناشـدن عنـه ولاقلـت غـالـي
واقول في بعض الرجاجيل لابـاس=رجـال فاالكلمـه وباالفعـل خالـي
يجذبك باالكلمه معا زيـن الالبـاس=وتقول هذا اللـي يسمـا الهلالـي
ولانيب اعم الناس والناس اجنـاس=احدن يحوش الطيب واحدن موالـي
النفس تبغا طيب الـذات والسـاس=معـرب الجديـن عمـن وخـالـي
لاحتاس فكري قلت لاباس يـاراس=أذكـر فعـول مبهريـن الـدلالـي
اللي لهم في ساحة الطيب نبـراس=نعم الرجال ونعـم ذيـك الرجالـي
افعالهم تذكر علـى قـب الافـراس=يذكرهـم التـاريـخ اول وتـالـي
نعم الرجال اللي تنومس تنومـاس=ياطيب فزعتها علـى كـل حالـي
اهل المواقف فعلها يرفـع الـراس=واهل البيوت الشامخـات العوالـي
وصلاة ربي عـد ماهـب نسنـاس=وعداد ماذعـذع علينـا الشمالـي

الشاعر/ مناور العازمي



أبن مصاول

أحسن الناقل , وابدع المنقول له


قصيدة جميلة تحمل الكثير من المعاني السامية