الميزاني والاسلمي

هذه مساجله شعرية جرت بيني وبين الشاعر المعروف عقيل الاسلمي الشمري

وانا مسند اليه هذه القصيده وقد نشرت في قناة الصحراء العام الماضي
والشاعر عقيل هو صاحب القصيده الي منها البيت المشهور( قالوشنب قلت الشنب راح دوره =هذا زمانٍ فيه الاشناب تنداس)

دارت دواوير الزمن يابو سلمان = وتغيرت كل العلوم القديمــــــه
وصار التساوي بين شايب وشبان = وكلٍ على ماقيل عقـــــــله خصيمه
فيما مضى ياتيك للعلم برهـــــــان = العلم بيّن للعقـــــول الفهـــــــيمه
ولاثارت الطلقه على غـــير نيشان = ولا احدٍ رضى يوم اللقا بالهزيمه
واليوم مدري وش تغير ووش كان = وش صار بالدنيا يامال الغنيمه
خطو الولد يمشي على غير عنوان = ويقلب عيونه مثل عين البهيمه
بعد العصر يجلس على باب دكان = ويناظر العالم بنظره سقــــــــيمه
وبعد العشاء جلسة معسل ودخان = وتسمع لحنهم مع رباب وحليمه
ومقاطع بلوتوث والوضع خربان = الوضع مزري والعواقب وخيمه
وسهره على البلوت لين الفجر بان = ومن بينهم قامت تدور الشتيمه
ووقت الضحى يجيك دايخ وتعبان = وعلى فراش النوم مثل الهشيمه
يقضي نهاــــره نوم والليل سهران = ويقول انا رجال عندي عزيمه
مضيـــــعٍ دينه ولاهــــــو بربحان = لابد من يومٍ يشــــــوف الهزيمه
يلقا حسابه يوم روغات الاذهــــان = ليا اجتمع ذاك الخصيم وخصيمه
يالله دخيلك من صواديف الازمان = ياربنا جيب العواقـــــــب سليمه

وهذا رد الشاعر عقيل

اعداد ماينزل من الغيث هتان = مزنٍ تزبر باخر الليل ديمه
يامرحبا ياطيب الذكر والشان = يابن الرجال الي تذب الخريمه
ترحيبةٍ من قلب وشعور ولسان = بك يالمطيري ياصحيبي مقيمه
جتني بيوتك يالنداوي بليهــــان = مثايلٍ فيها لشخصك وسيمه
بنيت قافٍ جزل وافي ومليان = ياستاد دكتور القصيد وحكيمه
تشكي علي الوقت والوقت قزان = وقبلك شكيت الوقت وانا نديمه
تشكي شبابٍ ساوو اليوم شيبان = ماعاد به تقدير ولا حشيـــــــــمه
شبابنا في كل الاحوال خسران = راحو ورا الموضه سوات الهليمه
شبابنا بدا به اليـــــــــوم نقصان = ماله مع اهل الطيب سهم وسهيمه
يلبس افرنجي يدخل السوق عريان = وصداقته مع مثل شكله حميمـــــــه
تلقى المسجل يرفعه وقت الاذان = يفتر والنيات ماهي سليمـــــــــــــــــه
شئٍ عجيب يخلي الفكر حيران = الوضــــــع مزري والله الي عليمــــه
راح الحيا ياصاحبي تقل ماكان = السلم راح ومـــــاله اليــــــــــوم قيمه
وانا ماعم الناس كله بحقـــــران = اخص ناسٍ جعلهــــــا للوهيمـــــه
يالله تسترنا برحمه وغفـــــــران = والعـــــز والصحــــــه علينا تديمه

روعة الجزاله والابداع يابو عيسى وصح لسان الشاعر عقيل الاسلمي

خطو الولد يمشي على غير عنوان ويقلب عيونه مثل عين البهيمـه


بعد العصر يجلس على باب دكان ويناظر العالـم بنظـره سقيمـه
وبعد العشاء جلسة معسل ودخان وتسمع لحنهم مع رباب وحليمـه
ومقاطع بلوتوث والوضع خربـان الوضع مزري والعواقـب وخيمـه
وسهره على البلوت لين الفجر بان ومن بينهم قامت تـدور الشتيمـه


[SIZE="6"]والله أنك صادق هالايام أشوف كثرة الجلوس عند السوبر ماركت وبخصوص وقت الاختبارات

صح لسانك أخ أبن غلاب والله يعطيك اللعافيه وتقبل مروري[/SIZE]

صح لسانك يا أبو عيسى وقصيدة جزلة ورد الشمري رائع وصح لسانه أستمتعت بقرأتهما فلك كل الشكر على نقلهما الى المنتديات ومثل هذه القصائد هي ما نحرص على قرأته والإستمتاع به..

الف شكر وصح لسانك يا أبو عيسى

صح لسانك ولسان الشمري

عز الله انها قصيدة جزله

يعطيك الف عافية

صح لسانك يا أبو عيسى وقصيدة جزلة ورد الشمري رائع وصح لسانه

تحياتي لكـ,,,,أخي العزيز

المشاركة الأصلية كتبت بواسطة علي حميدان الدجيما

روعة الجزاله والابداع يابو عيسى وصح لسان الشاعر عقيل الاسلمي

اشكرك على المداخله يابو حسين

المشاركة الأصلية كتبت بواسطة سفيرأمطير

خطو الولد يمشي على غير عنوان ويقلب عيونه مثل عين البهيمـه


بعد العصر يجلس على باب دكان ويناظر العالـم بنظـره سقيمـه
وبعد العشاء جلسة معسل ودخان وتسمع لحنهم مع رباب وحليمـه
ومقاطع بلوتوث والوضع خربـان الوضع مزري والعواقـب وخيمـه
وسهره على البلوت لين الفجر بان ومن بينهم قامت تـدور الشتيمـه


[SIZE="6"]والله أنك صادق هالايام أشوف كثرة الجلوس عند السوبر ماركت وبخصوص وقت الاختبارات

صح لسانك أخ أبن غلاب والله يعطيك اللعافيه وتقبل مروري[/SIZE]

اخي سفير شكرا لك

المشاركة الأصلية كتبت بواسطة أبن مصاول

صح لسانك يا أبو عيسى وقصيدة جزلة ورد الشمري رائع وصح لسانه أستمتعت بقرأتهما فلك كل الشكر على نقلهما الى المنتديات ومثل هذه القصائد هي ما نحرص على قرأته والإستمتاع به..

الف شكر وصح لسانك يا أبو عيسى

الهدف من النقل هو استمتاعكم شكرا لك يابو ضيف الله

المشاركة الأصلية كتبت بواسطة ثامرالميزاني

صح لسانك ولسان الشمري

عز الله انها قصيدة جزله

يعطيك الف عافية

صح لسانك اخي ثامر شكرا لك