[سلام الله سلام(ن) كـل ماهبـت هبـوب النـود
تفاخربـه هبـوب النـود إليـا هبـت هبايبهـا
سلام الله على اهل الحفل وكل اللي لفـوه وفـود
اقولـه للابـة (صويـان) حاضرهـا وغايبهـا
تلبس ياسمـاء جـده لخالـد واشتبـك بـورود
وصدى فرحتك فـي جـده بمشرقهـا ومغربهـا
دعاني يمكم فهد(ن) تربـى فـي عريـن فهـود
ويشرفنـي البـي دعـوة الغـالـي وأوجبـهـا
مشيت من القصيم وجيت بوصات(ن) لأبوي العود
بمواجيب الرجال اللـي سلـوم الطيـب مذهبهـا
وجمعتك ياحروف الشعر وسقتك سوق ركب الذود
مرابعها ورى عـرق النفـود وجيـت شاعبهـا
ركاب الطيب والمبدأ تزاحـم عنـد ربـع الجـود
بحراها لابة (صويـان) وعجـلات(ن) ركايبهـا
على ايمن وركها وسم العقيلي والوسـوم وكـود
لياجالت مـع المطـران مدركـت(ن) مضاربهـا
اقوله يـوم حمـران النواظـر كالجبـال السـود
وما أحد يرقى الجبال السود إليا بانت صعايبهـا
وأنا عهد(ن) علي انـي لأمجـد لابتـي بحـدود
وما احد يجحد فعـول مطيـر والتاريـخ كاتبهـا
ترى للمعجزات مطيـر رايـه والفعـول شهـود
ثلاث(ن) عجـزت كـل القبايـل مـن عجايبهـا
اقولـه والقبايـل مابهـا تقصيـر او منـقـود
وغيري قالها لمطيـر .. وهـذا حـق واجبهـا
ومادام ان الزمان ادرى وعباد الله خيـر أشهـود
أجي لمطير فـي وسـط المحاضـر وأستعزبهـا
واقـووول الله ياربعـي لياهبـت هبـوب النـود
ترى لمطير ربعـي فعـل إليـا هبـت هبايبهـا
وعسى الله يحفظ الإسلام ويحفظ عزنا آل سعـود
ويدوم العـز فـي دار(ن) تعلـت مـن حبايبهـا