طلال أنا يابوك أبامرك ونهاك
وصية(ن) مني ومثلك بغاها
أحفظ حقوق الرب وضبط لممشاك
والنفس لاتخضع وتتبع هواها
والوالدين ألهم حقوقٍ بشرواك
بذكرك من خوف تجهل حداها
أكمل مواجيبن بها الرب وصاك
أحقوق تلقى عند ربك جزاها
وخلك مع ربعك وفياً بممشاك
والناس ميزطيبها من رداها
واللاش لوتحتاج له قرش معطاك
وأهل والوفاءدايم كثيرن عطاها
وخلك على العلياموجه مطاياك
وجهة قروم الناس دايم تراها
وخلك مع الدنيا بشوشٍ محياك
أضحك لهاقدام تبدي خفاها
وخلك ثقيلٍ(ن)والطوافح تعداك
وزلات ربعك لاتدور وراها
ومن جاك من بد الخلايق تنصاك
حيه ورحبه وكمل قراها
وإنشد عن الطيب إليا غاب مجاك
إليا أقفت به الخطوه ونفسه حداها
يمكن هرج له واحدٍ في مقفاك
بعلوم من شين الطبايع تراها
واللاش لامن صد إياني إياك
تتعب ركابك سايرٍ في قفاها
حذراء تبين للضعايف خفا ياك
هراجة المجلس قليلاً حلاها
هذا شتم هذا وهذا شتم ذاك
وكلاً عن الثاني علومه رواها
ماجاك خيراً منه إن كان مذاك
والخير مامن خير مكثر شنا ها
هذي وصايا أبوك والعلم ينصاك
الناس ميز طيبها من رداها