يقولون الصدف لاجاتلك خيرن من الميعاد=ولابرهن صواديفن تحش القلب وتله
صدفت الي بعد ماشفتها جرح الخفوق ازتاد=وصوفه في بنات المجتمع في هزمن قله
قصيره خطوته لاجاك يمشي كن فيه اقياد=حرام انه ملك عضون شمال الصدر وحتله
سئلته وين داره قال بعد العارض المنقاد=من اهل النخوه اللي ماتجي من يمهم زله
نضر نضرة تعرف انها الها في هالحياة ابعاد=صويب ارموشها يانمر يبطي مابرى غله
خلق فتنه لعشاق الهوا لقلوبهم صياد=يحير عودها ماينفرق دقه ولا جله
شبح بالعين فيه شبحة المعجب وفيه اعناد=جمالن من طغاه تسج حتى في حلا ضله
ذكرت الغايب الي قال برجع لك لاكن معاد=وحرك فرحتن في داخلي عامين منشله
يبيدن الجبال وجرح خلي فالحشا ماباد=على طول السنين وعامل الذكرى على حله
التعديل الأخير تم بواسطة مجري خضر ; 27 - 07 - 10 الساعة 02:58 AM
صح لسانك مليوووووون يابو ريان على الابداع والحرف الفاخر
ذكرت الغايب الي قال برجع لك لاكن معـاد
وحرك فرحتن في داخلـي عاميـن منشلـه
يبيدن الثياب وجرح خلـي فالحشـا مابـاد
على طول السنين وعامل الذكرى على حلـه
لو لم اقرأ الا هاذين البيتين لقلت اني اكتفيت شعراً . لاهنت ودام ابداعك