بسم الله الرحمن الرحيم
السلام عليكم ورحمة الله وبركاته
هذه القصيدة موجهه الى الشاعر و الصقار / سعود الحابوط
يامـل قلبن من عـــذاب الـولــع فاح=فوح الدلال اللي على الجـــمر ويــفـوح
اســـهر بليـلي ليــن فـلاّج الاصـباح=وهـواجســن بالصـدر تــاتيــه وتــروح
مــغير اصــرفها بـــونات وصـــياح=قــالوا تــروح وقــلت اشــلون بــاروح
والله يالـولا انــهـار واحـلام وافــراح=وامـّـي غـلاها داخـل الصــدر والــروح
لاازوع زوع الــطــير من غــير مــلــواح=وقت العــشا اخـطى من الدعــو واللـــــوح
يـابو محـــمد شبــّـة النـار ومـــراح=في موقعن تــوه من الســـــيل مجــــروح
والصــبح مقناصي مع الـطــــــير شـلاّح=طــير الحــرار اللي به القــنـص مســــموح
نــاخذ لـــنا ســجـة مع البـر وارتـاح=قــدام لايجـري عـلى العــمـر ســامـوح
ورزقي عـلى اللـي بامـره تسـير الاريـاح=اللي خلق مــوسى وهـارون مـــع نــــوح
واقبل تحياتي عـسى وقـــتك اربـــاح=تـكتب لك البيـــضا على عــالي اللــوح
.