المعنى ماهو صاحي ونشوف رأي ابو رباح .
سوار الذهب :
كل ماقفى عام واقبل علينا وجه عام = دق مستور العصيمي جرس وأومت عصاه
عام الأول كان يضحك ليا رد السلام = كيف قالوا يعبد الصوم ويكب الصلاه
مستور :
كل مااقبل عام قمنا وقام الحظ قام = وأنت عن مستور روحت مرواح القطاه
احمد الله واشكره قبل يصحون النيام = وانت كيف تصوم شهرك ولاتد الزكاه
سوار الذهب :
اللسان يساعد القلب في نطق الكلام = وان سمعنا فيك مافيك فله يافلاه
قل يامال الشام وانته يمن ماانته بشام = لاتقوم تناشد الموت وش معنى الحياه
مستور :
اللسان اللي يورطك في الشئ الحرام = اقطعه ياصاحبي من بغى سئٍ لقاه
انت تسبح في بحور المحبه والغرام = والبحر لو جاه ضميان مايقطع ضماه
سوار الذهب :
انتقمنا منك والله شديد الانتقام = والعصيمي سجلوا مبتداه ومنتهاه
كل ماشفناك جهمه يسمونك جهام = وانت قلي من ملى الدلو عنك ومن كفاه
مستور :
جعل ابو عبدالله ان كان ولى للرحام = والخطا ماهو خطايه واقول انه خطاه
ياغلام الله يخليك لامك ياغلام = من يقارن هضبة المهد بجبال السراه
سوار الذهب :
كل مانلقى جنازه شرينا ثوب خام = وانت يامستور من هاه ترجع في هواه
الندم والدم تحت العصب والا العظام = لاتسميها مناجاه ماحولك نجاه
مستور :
سلحوك مطير بالبندقية والحزام = مار مستور العصيمي على راسك حصاه
خير من شبعة نهارين لقمة من سنام = خلها ياصاحي الفكر سيفاً في خباه
سوار الذهب :
ماعلى مثلك حرج لاتلوم ولاتلام = انتهى المشوار مازلت صافي ياصفاه
انت يامستور مزحوم من كثر الزحام = اشهد أن الفقر ماهو بشئ امع الغناه
مستور :
الصفوف اللي تصلي تقدا بالامام = ارخ سمعك واسمع الشيخ وكتاباً قراه
اختم الموضوع والله يدلك للختام = والتبس لك ثوباً أبيض جديداً من طواه