ياهاجسي حانت مواعيد الافكار=وجني بنات الفكر والله وكيلي
ونويت الد العين فالجول واختار=وارد قراح ومشربي سلسبيلي
الشعر وهبه والمعاني لها اذكار=وكلن على ماقال حمله ثقيلي
حنا لنا بالشعر مارد ومصدار=واشعارنا تبقى الجيلن الجيلي
انشد وتلقى العلم مع زود الاخبار=ومع كل رجالن يعد الحصيلي
وحنا لنا باشعر سجه ومشوار=وكم من غليلن ذاق منا الغليلي
ومن بعدها ياراكبن فوق فكسار=من فوق فكسارن جديد المديلي
اركب وسلملي على نسل الاحرار=ناجي ولد محماس زبن الدخيلي
وقله نويت اجيه مع وقت الاسحار=يم الشمال ويم ذاك الفصيلي
دارن به التقدير مع بن وبهار=ومنصى الرجال اللي ترد الجميلي
يازين فيها يافتى شبت النار=مع هرجة الطيب قليل المثيلي
هرجن نزيه ولايجي فيه هذار=غير العلوم الطيبه طول ليلي
وناخذ لنا اسبوعين وندوج الاقطار=ونبعد عن اللي يستحب النقيلي
رد الشاعر ناجي محماس
ياهاجسي مانقبل اليوم معذار=لازم على رد الجميل تعنيلي
مدام شعري فيه ماني بمحتار=بالشعر مايبرد مع الوقت حيلي
اطب وسط السوق والد الانظار=دايم على الجزله ابدفع حصيلي
اما تجيني طيب واحلى الابكار=والا الرديه حالفن ماتجيلي
حنا لنا بالشعر هيبه ومقدار=ناطا على راس الوعر مانميلي
ونجور لامن الزمن فوقنا جار=ونشب نار بكل راس الفتيلي
خذ يانديبي جيب من عال الاسعار=لكزز ومظمونه بكرت الوكيلي
منصاك منهو ساكنن داخل الدار=متعب ولد عايض ولاله مثيلي
وبلغ سلامي له قبل وقت الاسحار=وقله سلامك واصلن للعميلي
ونكان يبغانا بعد جات الامطار=نسج هذا شي يبرد غليلي
مدام ابو عايض من رجالن اخيار=لنا الشرف مدام لنا عميلي