تعال ياملفي الميزاني

وشاح وجهك ابيض ولاهنت

صحت ألسنتكم جميعا

صح لسااانك

الجميع تصبحون على خير ومع السلامه

تصبحون على خير وبيض الله وجيهكم وبالذات صفي

لاهنتم شعرانا
وماقصرتم والله
استمتعنا معكم
ويعطيكم العافيه

المحاورة بتاريخ6/1/1431هـ

السيف القاطع
سلام الله عليكم جعل دورات السنين اتعـود=تـدور ايامهـا والليالهـا ماغـاب غيبهـا
عسا الله يحمي الاوطان لين ان الامان يسود=ويكفي ربي الاوطان من كثـرت مصايبهـا

ملفي الميزاني
هلا يامرجبا ترحيبه آل سعود بآل سعود=وآل سعود سنتها تقدر شيـب شايبهـا
رفعت يدينك لرب العباد الخالق المعبود=عسى الله يقبل الدعوه ويكفينا نشايبهـا

السيف القاطع
يدوم اللك البقا وان سلمت ابيوتك من المنقود=وترى كل الرجال اسلومها من دون واجبهـا
ترى بعض الدعوي دربها ياصاحبي مسـدود=وخلـك بالـدروب البينـه والعـوج جنبهـا


ملفي الميزاني
ليامن لقيت النقد حاضر والبرى مـردود=واذا مانته بجايبها ترى مانـي بجايبهـا
عسى حزامك مجود زين ومعبيه بالبارود=لاتدخل معركه وانته تراوي مانت راغبها


السيف القاطع
اجل خلك معي والجود ياملفي من الماجود=وانا ماجيب للعربان غير اللـي يناسبهـا
حزامي كاربه ماوسطه ألا صافي العبرود=وعندي بندقن تطرح هدفهـا لارميتبهـا

ملفي الميزاني
على شعيل الكبير الحمل اشوفه من عصر مشدود=بعد طاح الحيا والبـدو وطـت عـن ركايبهـا
معك بندق وجيت ولاانت لاصايـد ولا مصيـود=تحمد بالسلامـه جيـت والبنـدق سلمـت ابهـا

السيف القاطع
شعيل اللي تقوله يهبد الحاشي مع المفـرود=وبخفوفه قعد ياطى الحيايـا مـع عقاربهـا
ليا هالحين ماش خلاف والدعوى سهود مهود=ولا تحكم على العربان قبـل انـك تجربهـا

ملفي الميزاني
سمعنا ثم سلمنا ماسمعنا الا دنين رعـود=مزونن رشها راكد وصلفاتـن هبايبهـا
الا يابو سهود مهود لوتسمع وصاة العود=مادورت الك في حيد الجبل حاجه تلوذبها


السيف القاطع
انا ليه عليـك ملاحظـه ومثبتـه بشهـود=الك مده وعندك ساعتـن تومـي عقاربهـا
تبى تقعد لحالك مامعك غير اقشرن مقـرود=لاكن حافظ على الدستور مع ناسن تصاحبها

ملفي الميزاني
وانا مالي ومال القصه اللي حبلها معقود=بعد جاء المدعي وشهوده تفتل شواربها
الا ياصحابنا الاقصين والله ماعليكم زود=ترى جتني علومك مير عينك لاتلدبهـا

السيف القاطع
ليا جتنا علومك يامليفي بين نقص وزود=ترى منته محول لك رجالن عن مناصبها
ترانا نستحي ياهل الوفاء ونقدر اهـل الجـود=لاكن العالم اللي هايته نمزع غواربهـا

ملفي الميزاني
ترى سرعتك زادت والطريق مراقب ومرصود=و تـرى ماكـل لفـه يالدريـول تاتلفبـهـا
وترى حنا لأجل حامد نراعي في شعور حمود=بعـد ماجبتهـا ياصاحبـي لازم تروحبـهـا

السيف القاطع
ليا كثرت حلامك والحيا ياصاحبي مفقود=انا ماقدر الجهـال لاجابـت حضايبهـا
الا يمقدرن محمود شف حبل الشقا ممدود=تخير بالحبال اللي تناسبلك تلـو ابهـا

ملفي الميزاني
انا في قمه الاخلاق وامرح ياولـد ملهـود=اثر بعض العرب دشداشته فالسوق قالبهـا
وانا ماني على بعض السوالف ياولد محدود=مريح في مكاني وانت زوزيت وسريتبهـا

صح لسانك ملفي الميزاني ولاهنت واشكر كل منت تابع وشجع وبلا خص صفي وعلى راسهم المشرف والمنسق للمحاوره ابو راكان تحياتي للجميع :


وارجوو من ابو راكان تعديل بعض البيوت والتي حصل فيها نقص بعض الجمل او الحروف

1= ترانا نستحي ياهل الوفاء ونقدر اهل الجود : كلمت ( الوفاء ) صقطت البارح عفوياً وذا تركت طلع البيت مكسور :
2= انا ماقدر كذا الصحيح : وانا من السرعه شبكت الميم مع القاف وكتبتها كذا مقدر
3 = الا يمقدرن محمود سقط حرف الاف : ارجوو تعديلها ابو راكان وشاكرين ومقدرين
المقصد لجل مايختف مفهومهاا على القارء وشكرً

محاورة قمة ولنا مده ما شفنا مثلها بارك الله في ملفي الميزاني وبارك الله في السيف القاطع الشاعرين المبدعين ...فهكذا تكون المحاورة وإلا فلا

كما أشكر المشرف العام ومنسق هذه المحاورات القدير أبو راكان

أبن مصاول

صح بدنك يالسيف القاطع ولاهانو الحاضرين وعلى رأسهم جبر الخواطر
بيض الله وجيهكم