تفضل ياعايض الحريص

ماقصرتوا ياشعارنا.واشكر الحضور على المتابعة.وانتظروا تنسيق المحاورة

صح ألسنتكم جميعآ

وبيض الله وجيهكم

صحت السنتكم وشعار امتعتونا بهذه المحاوره الجميله ونشوفكم على خير

المحاورة بتاريخ 27/3/1431هـ

ابو سلطان المطيري
ياسلام الله تسليمه لـي ابهـا مقدريـه=يابني ميزان مروين الرماح ام السناني
والله اني لامشيت امشي ورجليني جريه=ماعليه من فلان ولاعليه مـن فلانـي


ملفي الميزاني
ياهلا يامرحبا سلـم الجـدود الأوليـه=قالها قلبي ووردها على مثلـك لسانـي
ياعسى مشيك عدال وياعسى نيرتك حيه=وانتبه لي لاعتزيت ولاتقرب من حصاني

ابو سلطان المطيري
البقا وانته من رجال المواقـف والحميـه=عارفٍ كل العلوم وعارفٍ كـل المعانـي
يالله اني زابنك كلي من صدوف المنيـه=جعلني ما اموت لين احط ابن عمي مكاني


ملفي الميزاني
ماعلى شرواك زود وقالو النيـه مطيـه=ماتجيب الا السمان ولانجيب الا السماني
والله اني ماخبر فمطير مجهول الهويـه=كلبونا عيال عم ولو يدور ابنا الزمانـي


ابو سلطان المطيري
حط صفر العولمه في جنب صفر الجاهليه=ثم رجع عشرهن ياطيـب النيـه ثمانـي
ماجهل فعل ابن صاعب غير راعين الرديه=عبدليٍ وافتحر في طيب ذربيـن اليمانـي

ملفي الميزاني
النجوم اللي على صدر السماء تضرب تحيه=لاتحـط ولاتشيـل ولاتـزودهـا تـرانـي
صاملن في حر شمس وصاملن في ظل فيه=والعبادل تاج راسي كلهم قاصـي ودانـي

ابو سلطان المطيري
شد حيلك دام فيك العمر باقي لـه بقيـه=والسماء فيها الجدي يبرا له سهيل اليماني
كان ياملفي على الصمله لك عزومٍ قويه=ذب ريعان الذيابه لاتجي حول الطمانـي


ملفي الميزاني
الوعد قـدام والرجـال مايتـرك خويـه=علم ابوي وعلم جدي فالزمـان الأولانـي
وكل طيرن ياوسيع البال ياقع مـع حليـه=ياعساك من الطيور اللي لها فالوقت شاني

ابو سلطان المطيري
نجزي الحسنه بحسنـه نجـزي السيـه بسيـه=وانت رجلٍ وجهك ابيض بين اصاحيب وعواني
راح نص اليـل والذمـه مـن الذمـه بريـه=ياعسا تسلم وانا اسلـم مـن زمنـا القلبانـي

ملفي الميزاني
الله يعز الرجال اهـل الكـرم والمقدريـه=اتنومس يوم اسوق الرجل مع طيب مجاني
كلبونا رجـل واحـد والعـزاوي عبدليـه=وقتنا الماضي وحاضرنا وهذا آخر بيانـي

صحت ألسنتكم يا الشعار ( أبو سلطان ، ملفي الميزاني )
ولا هنتوا وبيض الله وجيهكم على هالمحاورة الممتعة . .

ألف شكر لكم

أبوسلطان صح لسانك والمعذره على الغياب لأني كما أخبركم أبوراكان كنت بعيداً عن الجهاز والجايات أكثر إنشالله
وملفي ماقصر كفى ووفى هو راعي الوقفات وهوعضو فما بالكم الحين وهو مشرف ههههههههههه
محاوره جميله وشعار أجمل يعطيكم العافيه