يامن يدورني وأنا عنه أنشد

المطـاوي
قديم هذا الاسم / مشاء الله عليك
سراء الليل

المشاركة الأصلية كتبت بواسطة عايض الحريص

لابله أنت البخيص ولك بأهل جده مداخيل= سيلك على أهل البحر والنيل من مبطي نحاوي
تبغى الصراحه كريم يدين والله مانت ببخيل=يمناك تعطي العطا واللي مجملها المطاوي

الله الله الله
صح السانك يا خال
كفووووووووووووووووووو
ولا هانو الربع جميع

الله يكافيك شر مسيلمه وطيور ابابيل=وجده ترا امرٍ من الله مايدانيها الشواوي
وترا الكرم سلمنا ياصاحبي جيلٍ ورا جيل=والاانت يمناك نعرف ماتمد الا الرشاوي

المشاركة الأصلية كتبت بواسطة عبدالرحمن العقيلي

الله يكافيك شر مسيلمه وطيور ابابيل=وجده ترا امرٍ من الله مايدانيها الشواوي
وترا الكرم سلمنا ياصاحبي جيلٍ ورا جيل=والاانت يمناك نعرف ماتمد الا الرشاوي

صح السانك يا بو حمد
كفووووووووووو
ولا هنت يا الغالي

صح السنتكم ياشعارنا وماقصرتوا ومتعتونا بهذه المحاورة.واشكر كذلك الحضور على المتابعة.وانتظروا تنسيق المحاورة

المحاورة بتاريخ 15-16/5/1431هـ

عايض الحريص
حيالله الشاعر اللي له ليال يحط ويشيـل=ناوي على شي لكن ماعرفنا ويش ناوي
ما أذمكم يالهوامل تتعبون الجيش والخيل=وحنا ذوي عون لا جينا مضيعة الهقاوي

عبدالرحمن العقيلي
دام البقا فيك ياعايض عدد مايمطر السيل=قدمك ديارٍ خلا خالي وفيها الذيب عـاوي
والاد عون الوفا والطيب وزحول الرياجيل=هم عزوتي كان شبت نارها وقت العزاوي

عايض الحريص
إكرب حزامك ترى طرقتك منها يفتر الحيل=وترى الشقا بند ما يصرف مرتب للشقاوي
الله يحييك قدرك يادحيـم البـن والهيـل=في مجلس(ن)ما يملك لو تطول يالفـداوي

عبدالرحمن العقيلي
ياراعي الكيف شب النار وافطن للمعاميل=مالك ومال الشقا والعنجهيه والدعـاوي
حذراك حذراك لاتمشي لحالك تالي الليـل=ماكل ساريٍ سرا يصبح بتال الليل ضاوي

عايض الحريص
يامدور الكيف ماش اليوم كيف ولا فناجيـل=وإن كان تبغى القهاوي روح يم أهل القهاوي
ليابغيت المساري ماعلي من أزهـر الذيـل=وأنته لياصرت خايف لاتـروح الا مخـاوي

عبدالرحمن العقيلي
حذرت عايض وانا خايف عليه من الغرابيل=انا احسب انه قبل لانعرفـه حـرٍ نـداوي
اثر المحاصيل ياهل العرف ماحوله محاصيل=اقفا وولا زمانـه مـع شليويـح العطـاوي

عايض الحريص
يقولها واحد(ن) حـول برجلـه فالمحابيـل=لكن من طاح جعلـه مايطيـح الا متسـاوي
كنت أحسب إنك منول مثل نجم الجدي وسهيل=وأثرك شاعر طرب بالعود ياعيسى الحساوي


عبدالرحمن العقيلي
تبيـن الخافيـه ياعايـض ليـالٍ مقابيـل=انا على طيبتي وانته بطيبي منـت غـاوي
ماافضل اللي سواتك يتبعون القـال والقيـل=والا انت توك شباب ومجلسك وسط القهاوي

عايض الحريص
إن كان مالك بماض الوقت كيل مع أهل الكيل=في تالي الوقت كل(ن)صار بالنعمه رهـاوي
عينك شكت من سهرها وأنت قضيت المناديل=ولد هوى بالهوى مغرم وأنا ماني هـواوي

عبدالرحمن العقيلي
تقولها وانت ماتعرف بحر جده من النيـل=انا غني في محلي وانت رجـالٍ غنـاوي
رجليك ويديـك لاميزتهـا دق المخاليـل=متى عرفت الهوى حتى تعرف اللي يهاوي


عايض الحريص
لابله أنت البخيص ولك بأهل جـده مداخيـل=سيلك على أهل البحر والنيل من مبطي نحاوي
تبغى الصراحه كريم يدين والله مانت ببخيـل=يمناك تعطي العطا واللي مجملهـا المطـاوي

عبدالرحمن العقيلي
الله يكافيك شر مسيلمه وطيـور ابابيـل=وجده ترا امرٍ من الله مايدانيها الشواوي
وترا الكرم سلمنا ياصاحبي جيلٍ ورا جيل=والاانت يمناك نعرف ماتمد الا الرشـاوي

عايض الحريص
عبدالرحمن العقيلي
صحت ألسنتكم
أبدعتوا وأمتعتوا
الله لا يضركم
والف شكر للحضور المشرف من الجميع
وعلى راسهم الإستاذ ابن مصاول
والإستاذ حصاان مطير
والرجل المتميز بالحضور دايماً منسق المحاورة أبو راكان

صح السنتكم الشاعران ابو فارس وابو حمد ولاهنتم جميعاً..

كما اشكر الحضور المميز لهذه المحاوره ..

صحت السنتكم جمييييييييعا

محاوره كايفه وشعااار وافين

الله لا يهينكم جميعا

صح السنتكم
ابو فآآرس وابو حمد
ولا هنتو يا الذيابة

واشكر منسق المحاورة
ابو راكان

وكما اشكر الاخوان اللي إستمتعو با المحاورة