معلقة في مدح مطير

بسم الله الرحمن الرحيم

اعضاء وزوار منتديات الموازين الرسمية الافاضل
السلام عليكم ورحمة الله وبركاته وبعد
يسرني بعد هذه الغيبة ان اصافحكم جميعاً بهذة المعلقة والتي من خلالها
يُمجّد شاعرها قبيلته قبيلة مطير وكما يقال لكل قبيلة حق على شاعرها
وشاعر هذه القصيدة هو الشاعرالمبدع/بدرالشيب

ويقول:-

خير البداية بإسم منشي حقوق السحاب=اللي يجازي نفوس الخلق بأعمالها
ومن بعد ذكره فتحت لمنهج الشعر باب=وتركت بوابة المتروك بأقفالها
هذي سنه كامله وانا أنتظر للجواب=مستأذن الفكر حاجه وآتحرالها
معلقة شعر ماهي في غلاف الكتاب=على المسامع يعيد الوقت موالها
عنوانها المدح بإسلوب الثقة والآداب=بعد سلام(ن)بثامن بيت يهدالها
سلام ياملّك ربعي محتمين الركاب=ليا ثار عج الرمك والجيش يبرالها
وسلام يافعل ربعي موردين الحراب=لاجات كل فرس(ن)تجمح بخيّالها
وسلام ياعزوة(ن) رجالهم مايهاب=يطول كل الفعول اللي ماأحد طالها
وسلام يادار ربعي نفد والإ هضاب=والإ فجوج(ن) يلجّ الذيب بجبالها
مطير قبيلة(ن)منها المعادي يهاب=قبيلة(ن)ينطق التاريخ بأفعالها
قبيلة(ن) عزّها المولى عزيز الجناب=لين إفرضت فالحجاز ونجد منزالها
سادوا بحدْ السيوف اللي تقص الرقاب=وسادوا بشقراء(ن)ضريبتها تهيالها
وسادوا بشلفاء(ن) لها دمْ المعادي خضاب=في ساعة(ن)تفخر العذراء برجالها
إما طلع منتصر والإ إنثنى فالتراب=وهي واقفه تحتريه ومنشغل بالها
مطير يحسب لها في كل ماقف حساب=قوم(ن)تطول وتقول وتصدق أقوالها
ساروا تحت بارق(ن) كنّه جناح العقاب=في راي من كل طاله شرب فنجالها
شيخ(ن)ليا ثار عج الخيل مثل الضباب=من قوْ باسه ليا شبّت تعدالها
الهارف اللي بربعه ماطمع فالزّهاب=مطامعه خيل واللي يفتل عقالها
شيخ(ن) غطت شهرته عنتر وشهرة ذياب=تزهاه الأمجاد أخو جوزاء ويزهالها
زعيم عزوة مطير وهو بسن الشباب=لأنه بطل فالجزيره وأول أبطالها
معمّه أبيض مايلبس له على الراس كاب=وليا اعتزى دور الحمله وجمّالها
هذا هو الصدق والواقع وعين الصواب=يقولها الفعل بدر الشيب ماقالها

صح السانك ع القصيده الرائعه....
يعطيك العافيه....

صح لسانك ودام بوحك ولا خلينا من وجود بصراحه معلقه بكل ثقه ولاهي غريبه الجزاله من اهلها

صح صح لسان الشاعر بدر الشيب ابداااع غير محدوود واشكرك اخوي فااااايز شكر خااص

صح لسان الشاعر بدر الشيب

وبيض الله وجهك على نقلك لها اخوي فايز

يعطيك الف عافيه

صـــــــــــحـ لســــــــــــــانك

صح لسان الشاعر المبدع /بدرالشيب ولا هنت اخي فائز على النقل الموفق

وقصيدة تطفح بالفخر والحماسة التي تجعل الراس يشوش لكل بيت فيها

صح لسانك اخوي فايز ويعطيك العافية

المشاركة الأصلية كتبت بواسطة عنود الصيد

صح لسانك اخوي فايز ويعطيك العافية

صح الله بدنكـ

أختي/عنود الصيد

والله يعطيكـ العافيهـ
واشكركـ على مروركـ المميز والآكثر من رائع


وتقبلي آجمل تحياتي وتقديري،،،،

المشاركة الأصلية كتبت بواسطة أبن مصاول

صح لسان الشاعر المبدع /بدرالشيب ولا هنت اخي فائز على النقل الموفق

وقصيدة تطفح بالفخر والحماسة التي تجعل الراس يشوش لكل بيت فيها

صح الله بدنكـ
أخوي/ابن مصاول

والله يعطيكـ العافيهـ
واشكركـ على مروركـ المميز والآكثر من رائع


وتقبل آجمل تحياتي وتقديري،،،،