ياللي دفنتوا ليه تبكون؟؟

غير متواجد حالياً

يااللي دفنتوا جثته ليه تبكون؟
لولا الحيا لأقول معكم(خذوني)
منه أنحرمت وكنت أنا عنه مسجون
ماأذكر لمحته غير مره بعيوني
شفته وكانت فرحتي مالها لون
عجزت لأوصف من لمحته شجوني
يالتني كنت *الكفن *يوم تمشون
أبقى معه بالقبر ثم تدفنوني
أوليتني من خلفكم كنت*مجنون*
أتبع خطاكم والعذر هو* جنوني*
أبكي وراكم وأدعي إن كان تدعون
مايكفي أنه عاش عمره بدوني
تكفون هاكم عمري اليوم تكفون
برخص حياتي دام خابت ظ نوني
مافادني صبري ولافادني عون
ولافادني دمع (ن) حرق لي جفوني
ياما بكيته والبكي يحرق العيون
ميت أو أنه حي دمعي بعيوني
(العام) كان بفرحته يعزف لحون
واليوم تحت الأرض ماهو( بكوني)
لكن أنا في فرحته كنت(مدفون)
فوق الثرى واليوم موته شجوني
سميت قلبي عقب فرقاه (...)
هو والليالي عن هناه أمنعوني
ياليتني ماعشت لحظه بهالكون
وياليت ربعي في سكات *أذبحوني*
وياليتكم عن همي اليوم* تدرون*
منه أنحرمت ومن عزاه *أحرموني*
حتى بوفاته يوم أنا طحت * مطعون*
أخفيت طعناتي قبل *لايفضحوني *
بكيت لكن ماتظاهرت بالهون
أبكي وأقول الموت هو سبة *طعوني*
وأنا كان في* حبي *أنا ماتحسون
دلوني لقبره و هناك *(أتركوني)*

((مماراق لي))