أحبها حب الشرف والطيبين ** حبي لها ماهو مثل بعض الشباب

غير متواجد حالياً

الموت شفـته في حياتي مرتين=من واحد" فرقـاه ووصـاله عـذاب
شفته بعـد ماقلت حلم النايـمين=واللـه ماكـنه ثمان سنين غاب
له صـورتن سـبحان رب العـالمين=صـورة مـلاكً في سويدا القلب ذاب
في قـلبي الذكـرى ورسم العاشقين=مكتوبه في خافقي كـتب الكتـاب
في عيني اليمنا حجاجه والجبين=وفي عيني اليسرى جروحي والصواب
من شوفته نسيت كـل الحاضرين=لحظه لقاه وشوفته بعد الغياب
ذكـرت ذكـرى باقيه للاولين=ذكرى مايمحاها لاهجر ولاعتاب
ذكرى بقت في خاطري يامسلمين=القلب بلقع دهر والذكرى سحاب
كتمت حبي وإشتياقي والحنين=لين إمتلاء صدري غلا والرأس شاب
من يوم كنا صغار دار الدارسين=ماخط لي شارب ولالبست حجاب
تعاقب الأيام في وجه السنين=نكبر ويكبر حبنا والإنجذاب
أثر الغلا يبني وحنا غافلين=بنا الغلا في صدونا كبر الهضاب
ياللي تحسب إني سليت أخذ اليقين=أطرد ورى الأمال وأسج الركاب
أحبها حب الشرف والطيبين=حبي لها ماهو مثل بعض الشباب
اللي محبتهم كلام مراهقين=وقلوبهم شتاء وجمعاهم خراب
أحبها حب" على تقوى ودين=وسلم العرب والخوف من يوم الحساب
واللي يقول أصبر وتنسا قلت لين=تنسا كفوف الغيد من نقش الخضاب
والا أسمع .. أسمع زين وأنظر لي بعين=تدري متى أنساها ليا شاب الغراب
لها بقلبي رسم ود مايبين=ألا لها وألا معي تحت التراب
أموت ماضيعت سر المومنين=الغافلين لباسهم مني ثياب
ماني بحبل في يدين عن يدين=ولاني بوجهك ورد وإن قفيت داب
أنشهد إني ماسمعت الحاسدين=ولاهرجت إلهم ولا أعطيهم جواب
أنصحت في حبي لناس" غايبين=وهرج الحسد قفلت دونه كل باب
صبرت صبر ويامعين الصابرين=والله كريم ومن رجاء ربه ماخاب
يالله ياقابل صلاة الخاشعين =ياواحد" تخضع لهيبتك الرقاب
يارب تهديني صراط المهتدين=وأنا دخيلك من حسابك والعقاب
وتختار لي خيرتك يامعط الثمين=أنت الجناب اللي يعز إبك الجناب
إن كان ما أنته جامع شمل الثنين=غيرك مايبغى للثنين إلا الذهاب
أنت المعين اللي بعطفك نستعين=ماغيرك أحد نرتجي منه الثواب
يامعشر العشآق عندي كلمتين= آحلامكم وآمآلكم مثل آلسرآب

"

مطلق بن دعيج