الشاعر محمد غازي الميزاني في مجاراة للشاعر الكبيرسعد بن جدلان الاكلبي

اخواني اعضاء المنتديات الكرام اسعد الله مساءكم بكل خير
قام الشاعر الكبير:سعد بن جدلان الاكلبي بزيارة للشيخ مصلح بن سند بن مدلج الميزاني زيارة خاصة بعد دعوة تلقاها منه وبعد ماقام ابو فيصل بواجبه قدم له قصيده مادحا اياه. وقد قمت بمجاراته في هذه القصيدة ...
والان نترككم مع القصيدتين...

يقول الشاعر سعد بن جدلان:

الله البادي وانا فالمبتدا بدّيته=والبدايه نبتدي باسم الله الرحماني
المطيري وجّه الدعوه وانا لبّيته=لجل حشمة من دعاني جيت صوبه عاني
ياسلام الله على شيخ جذبنا صيته=لخ مصلح بن سند بن مدلج الميزاني
طيّب تدفع له الامداح ومهاويته=كاسب كلمة نعم من قاصي ومن داني
زعت من ديرة عيال كليب حتى جيته=حشمة الشيخ العزيز وربعه المطراني
فاتح صدره لضيفانه ومجلس بيته=بالمحبه والكرامه والكريم معاني
الكلام الزين في شرواه لاغنّيته=ينجرد في مدح مثله خاطري ولساني
دايم دمث الجناب اجيه ماملّيته=مار ضيق الوقت فالتعبير ماكفّاني
والمعذره في ضميري هرج ما وفّيته=غير يبشر بالعوض كان الاله احياني
والنهاية يالامير اللي شعانا صيته=اقبل الباقه من الشاعر سعد جدلاني

مجاراة الشاعر محمد غازي الميزاني:

البدايه باسم رب بالخفا ناجيته=جل قدره واعتلى شانه عظيم الشاني
الشعر في عالم الجزلات انا ماشيته=لن لايمكن تصير الاوله للثاني
بيت ابن جدلان فيما يقصده جاريته=والكلام اللي يثبت صحته برهاني
انت من مبداك راع الطيّبه خاويته=مثل مصلح يوم مصلح للكرم عنواني
للمعالي عد وانته للعلا عديته= والمعاني عند ابن جدلان كيف تعاني
الخيال يشوقني برقه ليا راعيته=خص من منشاه لن جا للرعد دنداني
الوفا مدّة وفا مدي اليا مديته=لنّي اللي نايد البراق ما عنّاني
نعم ابو فيصل زبون الطيب لاناديته= ينتخي بالموقف اللي لازهمته جاني
يمدحه شاعر علم وانا بعد ماريته=مدحة الطيّب لراع الطيب زود احساني
المشاعر صادقه والشعر لن خاويته=اتنقّا ما كتبت المفرده من داني

الله اكبر الله اكبر يابو عبدالله يسعدني ان اسجل اول حضورلهذه الشامخه ...وصح لسانك مدد بلا عدد...مجاره رائعه
للمعالـي عـد وانتـه للعـلا عديتـه=والمعاني عند ابن جدلان كيف تعانـي

اعلا تقييم *****

تحيتي

بيض الله وجهك يابو محمد الشامخ والله مرورك وتواجدك يالذيب

والكلام الطيب انت اهل له والتقييم منك مقبول

صح لسان ابن جدلان على قصيدته الطيبه في رجل كسب العلوم الغانمه
وبيض الله وجهك يابوعبدالله وصح لسانك على هالمجاراه الطيبه
قصيده وافيه وكافيه من شاعر جزل
وليس غريب عليك يامحمد غازي الجزاله والقوة
تقبل اعجابي ومتابعتي لما تكتب
وابو فيصل يستاهل المدح والطيب كله
.

اخي ابن الشاعر الطيب هو مرورك يالذيب وبيض الله وجهك على الكلام الطيب

صح لسانك يابوعبدالله
بصراحه ابداع ماله حدود

صح لسان الشاعر سعد بن جدلان وصح لسانك أخوي محمد غازي الميزاني

صح الساااااااااااااااااان الشعار

يعطيك الف عافيه

تقديري لك

فعلا ابداع يابو عبدالله ..............مجاراتك لشاعر علم مثل ابن جدلان

وانا اعلم ان في جعبتك الكثير فلا تبخل علينا يالذيب..

بالنسبة للاخ ولد الشمشم ...فاسمحلي اخوي كلا القصسدتين (حصرية) لمنتديات النخبة وليست منقولة
وتقبل فائق احترامي...ياذيبان


مايهاب

صح لسانك يابو عبدالله مجاراة قوية ولا تقل جزالتها عن قصيدة الشاعر العلم
ابن جدلان ..