ياضايعٍ فالدرب بالله على وين=عنّيت نفسك فالشقا يالشقاوي
حنا بنات العز حنا المزايين=حنا العزاوي يوم وقت العزاوي
ان كان فالشّعار سجن ومساجين=فالشعر لا أجامل ولايمكن آوي
واللي يعاندني يذوق الأمرين=حتى ولو أنه بعيد الهقاوي
السجن مايمسك بنات الشياهين=اللي لهن فالشعر باعٍ رهاوي
الي مع القيفان وزن وعناوين=والي مع الوقفات وقت النخاوي
وبالشعر أفك أزمات وأعدل موازين=وأسنّع الملقوف وأرد غاوي
قريت في صفحات بعض المجانين=شيٍ يفج الراس والراس خاوي
ماني بعم الكل ناسٍ مساكين=تركض على شبّ الفتن والبلاوي
الله الله ياشويهنة ابيات تشكرين عليها حقيقه في قمة الابداع
تقبلي مروري
« آخـــر الـــمـــشـــاركــــات »
غير متواجد حالياً
رد: أسنع الملقوف وأرد غاوي
