قصيدة سوار الذهب في الدوشان ( الثانيه )

هذه القصيدة اغضبت الكثير لقوتها وحصل مراقبة ومنع لتداولها عبر الاشرطة .

قصيدة تنبض قوة ورصانة وشعرا يستحق ان يكون معلقة الى هذه الرائعة القليل في حقها هذا الوصف بل هي درة في سماء الشعر .

سلام الله سلام مايحول من سماه نجوم = رفيع مستواه وهيبته من دون واجبها
يشرفني وانا في واجبه ومسانده ملزوم = لزوم واجبه والواجبه ماني مجنبها
سلام ماتضيقبه الصدور ولاش فيه ثلوم = تلبله العقول اللي على المله يخاطبها
هبوبه عامره بالورد والريحان واليشموم = ونوره كوكب ذري غطا الصمان واطربها
علي روس الشيوخ مجيرة الخايف حجا المظيوم = صناديد الرجال وفعلها يثبت مناصبها
حمول الخيل فرسان الملاقا مشبعين الحوم = مروين الرهاف اللي مذهبة مقاضبها
منزحة العدا عوق الخصيم وسيفهم ملحوم = تعي بنصرها لو كان طايفة تحاربها
ليا ثار العسام وجاء بريد الموت فالحلقوم = عوايدهم يعزلون الجماجم عن مناكبها
علي محوالهم مثلالصواعق في نحور القوم = وتكسر بارق القومان وتشتت شعايبها
وسادوا في الجزيرة قبل حكم الشايب المرحوم = ويرعون الخطر والخوف في نجد ومضاربها
بهم حم الذرى ترعى نبات الوادي الماسوم = علي مشهاتها شرق الدير والا مغاربها
ولايخطم عليها لان تاخذ قيسها المعلوم = علي مشهات خطرها ونبت ارض يناسبها
تحت سيف الدويش اكبر زعيم القايد الزيزوم = يقطع روس افاعي نجد ويخفس عقاربها
يجر البارق اللي ما حظاه الا قوي عزوم = عبر شبه الجزيرة والعراق افنا مصايبها
وسادة هيبة الدوشان مافالعلم حب خشوم = كواكب مستقله في سماها من يواكبها
الا يانجد من ماضيك في صحراك نقش رسوم = ابا اقبل رسوم فيك تجذبني مجاذبها
واعيشك يازمان العام ذكرى في زمان اليوم = ابذكر مفخرة ماضيك واحضنها واعيش ابها
ابسري تحت شعت نورها ليل الدجى المعتوم = تنور لي طريقي في مساري واستدل بها
وتعرف يمه البحر يالساري المنجوم = وتنزل بالغروب اللي تناضح مع جوانبها
وتبرى عينك الرمدى ويبرى قلبك المسقوم = وترفى الرجل وتدراي عليها ماتنشبها
تميز فالامور ان كان في بالك وهم وهموم = ترى ضيم اللحى واذلالها دقمة شواربها
ركون امجادنا ماتندثر وكتابنا مفهوم = على طول الزمان وشمسنا محد يغيبها
ظهر فالعلم فراعه وفزاعه ونفذ كموم = فزوع ماعرفنا وش ظرفها من تعصبها
تزاحم بالمحازم والليالي جوها مزحزم = ليالينا حمول جمالها تكسر غواربها
والاياليتها تصحى وتكشف سرها المكتوم = وتصمت ما تعاتبنا وحنا مانعاتبها
وياخذ غاية الحق النصيف السايل المحروم = زمن لايعرف المره علي الفاقه يجربها
تحت كبد السماء برق ورعد في مدلهم غيوم = تمر الديره المضماه ماهلت سحايبها
هذا علم وخبر والسر سلكه فالخفى مبروم = تعبره الثقاه وتعبر الغبه مراكبها
بعد ماجابنا صوت المنادي في رحب واسلوم = سلوم الرجال معروفه مذاهبنا مذاهبها
كلام الشاعر اللي بالفصاحه والحكم ملهوم = بحر غالي درر وامواج تغرق من يميلبها
وانا مثل البشر مااعلم غيوب ولا اخلق المعدوم = لكن عقول خلق الله تميزها مواهبها

الشاعر / عبد الله غازي الميزاني

صح لسان الشاعر الكبير .. عبدالله بن غازي الميزاني . الملقب بـ ( سوار الذهب ) .. وتسلم يمينك اخوي سالم رباح .. على هذه الجزله ..تحيـاتي سلطان الميزاني.

منزحة العدا عوق الخصيم وسيفهـم ملحـوم=تعـي بنصرهـا لـو كـان طايفـة تحاربهـا
ليا ثار العسام وجاء بريـد المـوت فالحلقـوم=عوايدهم يعزلـون الجماجـم عـن مناكبهـا
علي محوالهم مثل الصواعق في نحـور القـوم=وتكسـر بـارق القومـان وتشتـت شعايبهـا

والله ونعم وسبعة انعام بالدوشان يستاهلون المدح والعليا كيف لا وهم من سادو أواسط نجد والحجاز وشرق الجزيرة في أيام كانت السيادة فيها عسيرة على أكثر الرجال ....

وصح لسان القحم (سوار الذهب) على هذه القصيدة الجزله......وسلمت يمناك على نقلها لمنتدياتنا

اخوك ابن مصاول

بيض الله وجه سوار الذهب وصح الله لسانه

يستاهلون اخوان جوزا


تسلم يمينك ياالناقل ولا عدمنا نقلك الراااائع

قسم بالله انها تستحق ان تكون معلقة وأكثر من معلقة

رحم الله ايامك ياسوار الذهب



يضرب بعنف من تحت الحزام


(( ظهر فالعلم فزاعة وفراعة ونفذ كموم ))

نعم هذا الزمن لهم

(( ليالينا حمول جمالها تكسر غواربها ))

نعم الفحول الأصيلة أصبح الحمل أثقل من استطاعتها وكسرت غواربها أعانهم الله فقد أخذت باردة مبردة لمن لم يكن له فعل وكان حويشي يوم زمن الفحول بل كان ثور مزرعة

(( تمر الديره المضماه ماهلت سحايبها ))

نعم تمرها ولاتمطر عليها وتعداها لأنها نقطة حمراء واهلها شرسين ويخوفون , خيرها بغيرها

والخير كله لديرة الضعوف

(( وياخذ غاية الحق النصيف السائل المحروم ))

نعم سائل محروم ونصيف بل ربيع وأقل من الثمن لكنه الآن يأخذ غاية الحق وافي وجدانه من البقر الى الحرمة وحنا ياكد مالك خلف

(( زمن لايعرف المره على الفاقة يجربها ))

نعم طعم مايحصل مر ومثل أن تاكل المره على الريق فهي أشد مراراة , اعانك الله ياسوار الذهب انت ومن يقرأ

(( تحت كبد السماء برق ورعد في مدلهم غيوم ))

تصوير رائع ياابو غازي لوضعنا


لكن رغم ذلك تضل أمجادنا تليدة يااهل الحرب والضرب والسيف والفعل

(( ركون أمجادنا ماتندثر وكتابنا مفهوم ^^^^ على طول الزمان وشمسنا مااحدا يغيبها ))

نعم فالمجد الذي صنعناها أكبر بكثير من أن ينكسف


أدام الله الأمن والآمان وأعزنا بالأسلام .


اسأل الله ان يعافي سوار الذهب فقد ظلم نفسه وظلم كل قبيلة مطير بفقدان شاعر بوزنه

( الا ليت الزمان يعود يوما )

ركـون امجادنـا ماتندثـر وكتابنـا مفـهـوم ........ على طـول الزمـان وشمسنـا محـد يغيبهـا

صح لسانك يا سوار الذهب
ولا هنت على النقل يا سالم رباح

بيض الله وجه سوار الذهب وصح الله لسانه

مشكور يالغالي سالم ابن رباح وماقصرت

[all1=CC9933]

الشاعر / عبد الله غازي الميزاني[/all1]

	[blink] [/blink]

صح لسانه وصح يمينك على النقله
يعطيك العافيه ماقصرت

صح لسان راعيها وسلمت يد نا قلها