قصائد مختاره لشبل مطير الشاعر/يوسف الشيب

بسم الله الرحمن الرحيم

//

//
اسعد الله أوقاتكم بكل خير

//

//

هذه قصائد مختاره من أروع قصائد الشاعر/يوسف الشيب (شبل مطير) أتمنى أن تنول أعجابكم


//
//

أترككم مع ألابـداع والجـزاله

//
//

(لاحياة لمن تنادي)

وش بقى ياناس لو مرتحت في حلو الرقادي = ساهـر ٍ دام المسافـه للحبايـب جرهديـه
الجروح بوسط قلبي مايداوي هن ضمـادي = والقدم مبطي تمشى فـي دروب المهمهيـه
آه لاشفت عيونـي شفـي وغايـة مـرادي = من فرحها بالغظي يمكـن تهـل الهاشميـه
الهنوف اللي غلاها ساكـن بداخـل فـؤادي = أعجز أوصف غلاهـا بالحـروف ألابجديـه
جادل ٍ مامثلها مخلوق فـي كـل العبـادي = تجذب العشاق خلقـه بالطبـوع النرجسيـه
ترفة ٍ بطبوعهـا لكـن مغويهـا العنـادي =خشف ريم ٍ لعنبوهـا تلحـق الكيـه بكيـه
العيون وساع سحريه وكاسيهـا السـوادي = واعذابـي كـل مالـدت نواظرهـا علـيـه
لاتلوموني وطير العشق بالاغصان شـادي = بدوي ٍ عاشق ٍ وأموت فـي بنـت بدويـه
تسرح الافكار فيها وانحدر في وسـط وادي = وأنظم القيفان وأجـر اللحـون السامريـه
بلغوها غيابها لاطال ماهو شـيء عـادي؟ = يمكن اني في يدين الشوق اصير أكبر ضحيه
والله أني بالمحبه لاحيـاة لمـن تنـادي..! = مثل ما قيس أبتلاء في حب ليلى العامريـه

//
//

(صفحة الماضي)

أبطوي صفحة الماضي وأكيد أن القلوب أصحاح = و أبشعل شمعة الفرحه وأبطفي شمعة أحزاني
مادام أنى تلاقينا وراسي عالي ٍ ماطاح = أكيد أنك ليا دورتني بالهون تلقاني
تحملت العنا والضيم لكن ما أتبع اللي راح = و لا أسمع في كلام اللي مع العالم تقفاني
اخذ مني وعد والسد في دنيا الشقاء ما باح = ابى وردك للجمه ليا من صرت ضمياني
ترى والله جروحي مايفيد ابها دواء الجراح = و كل اللي كتبته من بيوت الشعر يقراني
أنا لا تحسب أني في غيابك عايش ٍ مرتاح = تزيد هموم قلبي لين تأمرني وتنهاني
أنا لأجلك سهرت الليل شوق ٍ بالحشاء ذباح =و رجلي يم دربك يامناة الروح تحداني
تمادى قلبي المجنون في حبك وبرقه لاح = تعال وخل وجدانك تعانق كل وجداني
و أمانه وأحتفظ فيه وأكيد أن القلوب أصحاح = أبي منك توادعني ليا قررت تنساني

//
//

(دلة الاشواق)

الا يافهد بالهون مالي ومال الناس = تولعت به من صغر سني وحبيته
حشاء ماحسبت حساب بيت ٍ بليا ساس = مدام أن بين ضلوع قلبي عمر بيته
أعرفه ويعرفني عريب ورفيع الراس = ولا ينحني راسي من الوقت لاجيته
صحيح أتوجد لاسطى فكري الهوجاس = أغني لحوني وهو للشوق غنيته
يسج الفكر يمه ولاني مع الجلاس = يهيم بهواء عشقه مناي وتمنيته
حرام أنتفارق والسبب خاين وبلاس = تراني ولا لحظه بعمري تنسايته
يجي طيفه أمزير ليا هب لي نساس = إرحب وإهلي فيه وأن غاب ناديته
أقوم بمواجيبه مع صادق الاحساس = ومن دلة الاشواق والود قهويته
حقيقه وأنا بالوقت مالي ومال الناس = تولعت به من صغر سني وحبيته

//
//

(حبر القلم)

حبر القلم جف في غيبتك وبعادك = متى على الله تجي ياسباب غربالي
لاتحسب أنك بهجرك تاصل مرادك = بالعكس غالي وتبقى بخافقي غالي
المشكله لو تجيني تارك = عنادك باقول خلك بقلبي يابعد حالي
أما تجيني وتقدح قدمي زنادك = باقول فارق بليا حكي وجدالي
طبعي كذا ماتغير واسئل فؤادك = قله ترى خابر ٍ طبعي ولازالي
يذكر وتدري من اللي عمر أمجادك؟ = أمجادي.! أن كنت عنها داله وسالي
هيهات هيهات هجرك غاية مرادك = بالعكس غالي وتبقى بخافقي غالي
أن كان شوفي تسمى ثلاث اعيادك= تعال بسم الغلآ ياسباب غربالي

//
//

يسعدني مرور ألاخوه الكرام

تقبلوو تحياتي

أرجو التثبيـت

ابداع ابداع
صح لسان الشبل يوسف الشيب

واشكرك جزيل الشكر ياصقر الحجاز على النقل المميز
واهلا وسهلا بك في منتديات الموازين >ارحبوووو تو منور المنتدى بحضورك،، العطر

صح بدنك والشاعر / يوسف الشيب ( شبل مطير )

شاعر يستحق الدعم من ابناء القبيله حيث أنه شاعر جزل ومبدع ومتألق بالمحاوره والنظم


فهد بن صحران أسعدني مرورك شكرا ً جزيلا ً

صح لسان الشاعر ولا هنت على النقل والشاعر يوسف نسمع به ولكن ينقصه الظهور الإعلامي والتركيز أكثر على الإنتشار ..

القصيدة الأولى(لاحياة لمن تنادي) هي مقاربة لقصيدة الشاعر ضيدان بن قضعان العرجاني (الهنوف)

وقصيدة حامد زيد (الجريمه)

جميلة جداً القصيدة.وصح لسانه


القصيدة الثانيه شدني البيت الذي يقول:

أقوم بمواجيبه مع صـادق الاحسـاس=ومن دلـة الاشـواق والـود قهويتـه

صورة رائعه جداً..لله دره

القصيدة الأخيرة (حبر القلم)

القافية في صدر البيت هذا:

المشكلـه لـو تجيـنـي تــارك
عنادك باقول خلك بقلبي يابعد حالي

غير صحيحه فالقافية الصحيحه هي:

المشكلـه لـو تجيـنـي تــارك عنادك
باقول خلك بقلبي يابعد حالي

الشاعر رائع ومبدع ونحن ندعوه ليكون ضيفنا

وعندها من الممكن ان نثبت له موضوع به أشعاره كما فعلنا مع الشعراء الآخرين ..

ولكن تثبيت قصيدة صعبة فنحن لم نثبت قصائد فحول الشعراء فكيف بنا نثبت قصائد شاعر مبتدئ !!


وحياك يا صقر

أبن مصاول

أبن مصاول


توارد افكار أو ماشبه ذالك .. وشبل مطير مبدع برغم صغر سنـه ..
ولم يتفرغ للأعلام .. ثق تمامـا ً .. عن قريب سوف .. يفجر الساحه الشعبيه ..

ومرورك أسعدنـي جـدا ً جـدا ً ,,, صقر الحجاز