في مجلسه صفر الدلال المباهير=وفي مدهله سعد الكفوف المحناه

يا مطير ربعي والفخر كله مطير=رجال يوم الضيق بالمال والجاه
أهل الشيم أهل الكرم والمغاتير=الضيف لا جاهم على الطيب مركاه
يحق لي أفخر بهم يا أهل الخير=وحمر النواظر كل واحد له اسماه
الصارم الفارس زبون المخاسير=ذاك الكريم الشهم يا طيب ملقاه
في مجلسه صفر الدلال المباهير=وفي مدهله سعد الكفوف المحناه
يا عزوتي يا مطير كلي تباشير=والخير منكم يأهل الطيب ملفاه
يشهد علي الله وإنا عزوة مطير=أمشي على ديني و لا خنت مبداه
ما هي بنا اللي تحني الراس للغير=ولا هي بنا اللي تتبع الذنب بخطاه
بنت الرجال أخت الرجال المناعير=أمشي بدرب الزين والشين ما اطاه
ما همني حكي الضعوف المعاثير=اللي مجالس هم بها الغبن تلقاه
أفخر بذوي عبيدان ربعن مساطير=وابن اللويحق شيخ للعز مرقاه
يا لايمي في مطير جعل المقادير=ترميه في درب السباع وتعشاه

صح لسانك شاعرتنا سهام
ابدعتي قصيده رائعه
وعندي ملاحظه بسيطه يمكن تكون من التنسيق؟!

يا لايمي في مطيـر جعـل المقاديـر

ترميـه فــي درب السبـاعـه تعـشـاه

قصدك السباع وتعشاه ؟؟!!
اتوقع هو كذا يصير(السباع وتعشاه)

المشاركة الأصلية كتبت بواسطة سهام م

يا مطير ربعي والفخر كله مطير=رجال يوم الضيق بالمال والجاه

صح لسانك ملايين ياسهام واعتلى شانك على القصيده هالشامخه وتستاهل امطير هالمدح

صح لسانك اختي الشاعره المميزه سهام وقصيده شامخه والله يعطيك الف عافيه
على هالقصيده الجزله بمعانيها وصياغتها ومطير تستاهل ولالنا فخر في مدحنا للقبيله
لحيث امجاد القبيله وطيب رجالها لانوفيهم حقهم ولاكن تشكرين اختي على كل ماكتبتي اتجاه هذه القبيله العريقه
والنعم ببن لويحق وربعه وانتي شاعره قديره ولايلحقك منقود ونحن فخورين بشاعرات امطير
مثلك ومثل من سبقهن من الشاعرات القديمات
تقبلي تحياتي وتقديري

صح لسانك شاعرتنا ودائماً مبدعه ورائعه ....

تغيبين أياماً ثم تمطرينا شعراً رائعاً من بنات أفكارك ومعانيك الرائعه التي لا تجيدها إلا سهام...

صح لسانك شاعرتنا حتى ترضي

صح لسانك ملايين اختي سهام على هالقصيدة الشامخة

صح السانك يا الشاعرة سهام
ماشاء الله عليكي ابدعتي في هذة الابيات الرائعة
مطير عزوتنا تستاهل كل الثناء والتقدير
لا هنتي أختي الغالية

صح لسانك شاعرتنا المميزه / سهام وقصيده رائعه

تقبلي اعجابي

صح لسانك اختي سهام على هاذه القصيده الشامخه وتستاهل امطير ان الشاعر يكتب فيها قصايد

رائعه جدا ياسهام وننتظر جديدك بكل شوق ...تقبليي مرور اخوك/بناخي الزحزوح

صح لسانك يا الشاعره سهام ولاهنتي على القصيده