الرئيسية التسجيل البحث جديد مشاركات اليوم الرسائل الخاصة أتصل بنا
LAst-2 LAst-3 LAst-1
LAst-5
LAst-4
LAst-7 LAst-8 LAst-6

 
 عدد الضغطات  : 27648
 
 عدد الضغطات  : 38676

« آخـــر الـــمـــشـــاركــــات »
         :: شيلات الشاعر عبدالرحمن العقيلي باصوات افضل المنشدين (آخر رد :عبدالرحمن العقيلي)       :: مرثية الشاعر عبدالرحمن العقيلي في والده الشيخ متروك بن صالح العقيلي رحمه الله https: (آخر رد :عبدالرحمن العقيلي)       :: مرثية الشيخ تراحيب بن صالح العقيلي رحمه الله1440هــ (آخر رد :عبدالرحمن العقيلي)       :: حفل الشاب سعود عبد الكريم العقيلي عنيزه (آخر رد :عبدالرحمن العقيلي)       :: حفل الشاب نور بن زبن العقيلي (آخر رد :عبدالرحمن العقيلي)       :: حفل الشاب عبدالله مرداس العقيلي (آخر رد :عبدالرحمن العقيلي)       :: مرثية الراحل الاستاذ عواض بن نور العقيلي رحمه الله (آخر رد :عبدالرحمن العقيلي)       :: عودة بعد غيبة ليست بالقصيرة واعتذار (آخر رد :عبدالرحمن العقيلي)       :: موقف الشيخ هدايه الشاطري شيخ شمل الشطر مع العتيبي والحابوط (آخر رد :الخضيراء)       :: الشيخ هدايه بن عطيه شيخ شمل الشطر مع العتيبي (آخر رد :الخضيراء)      



الشعر العام والفصيح يخص الشعراء الكبار وقصايدهم والشعر الفصيح والقصائد المنقولة للشعراء من غير قبيلة مطير

موضوع مغلق
انشر الموضوع
 
أدوات الموضوع
غير متواجد حالياً
 رقم المشاركة : ( 1 )
<img src=
رقم العضوية : 54
تاريخ التسجيل : 15 05 2007
الدولة : ذكر
العمر :
الجنس :
مكان الإقامة :
عدد المشاركات : 32,017 [+]
آخر تواجد : 20 - 03 - 24 [+]
عدد النقاط : 29
قوة الترشيح : أبن مصاول is on a distinguished road
الأوسمـة
بيانات الإتصال
آخر المواضيع

التوقيت
افتراضي حنيف بن سعيدان (ربع مطــــــــــــــــــــــــــــــير)

كُتب : [ 14 - 06 - 07 - 08:21 PM ]

حنيف بن سعيدان علم من أعلام مطير البارزين في الشعر ....إلا وهو حنيف بن سعيدان الصعيري من ال علي البريهي المطيري


الشاعر الفحل حنيف بن سعيدان(( حطيئة الشعر الشعبي ))

وهو حنيف بن ضيف الله بن سعيدان الى نهاية نسبه مثل ماذكرت...

ولد في منطقة الصمان عام 1860 م وترعرع فيها وكان كثير التنقل بين الكويت وشمال الجزيره ونجد....


عاصر ماقبل توحيد المملكه وعاصر الملك عبدالعزيز..
ومدحه بهذه القصيده:


عسى نهار اليوم يطرد نهار امس=والله يبدل كودها في رخاها
حراً طلع للحوح من مطلع الشمس=يقداء جموع ما عرفنا حصاها
جر الجموع وجر جنسٍ على جنس=وعينت قوم حسين في ملتقاها
ولم ولام الحرب فوق النضى الكنس=وخيلاً على البيداء تسالس حذاها
حراً يزوم ويصفق خاطره عمس=.داراً بها الدا: لين داوى دواها
بمهدفات حدها ما يبي اللمس=يجلى عن الكبد العليله وباها
ومصقلاً له مقضباً يزحم الخمس=لين الديون المرمسات اقتضاها
والفضل للي فرض الكف للخمس=اللي اليا اخلاها يريع ملاها
محصي مخاليقه مع الجن والانس=اللي بسط سبعٍ وسبعٍ بناها


......................................

وله هذا الموقف مع ابن سقيان..حيث كان كريما أبن سقيان اقصد:

وكان إذا جاءه الشخص يطلب شيئاً وبدأ هذا الشخص بالقصيد لم يتركه يكمل القصيدة ويوقفه من أولها ويقول : طلبك مجاب ، وش تبي .
لأنه في يوم من الأيام أتاه الشاعر حنيف بن سعيدان ، وقال :


بين الحميدي وابن سحري وهذال=وعلاه من كـل الثلاثـة ملامـة

قال فيصل : بس ، بس يا حنيف ، وإللي في خاطرك حاصل .

ومن طرائف شاعرنا ما تناقله عنه العامه :

بخمسة عشر فنجال ..

وسالفة هذه القصيده وما اتى بعدها أن حنيف بن سعيدان كان له صاحب يمازحه دائماً من أهل منطقه ( حرمه) المجاوره للمجمعه يقال له(ناصر العبدالكريم) فدعاه الى القهوه ويريد ان يعرف كيف يرد حنيف (وقد عرف عنه الفكاهه) وقد ملئ مجلسه من الحضور........فحدثت هذه المساجله:
فقال ناصر العبدالكريم:


خمسة عشر فنجال لحنيف صبيت=لو أن بطنه قربت(ن) كد ملاها
فأجابه حنيف قائلا:


لاتحسبني من دلالك تقهويت=ماتنقه الشراب من كثر ماها

قال ناصر:


ياحنيف أنا في حمستي ماتدنيت=والدله الصفراء نكثر مناها

فأجابه حنيف:


وراك ماسويتها يوم سويت=مثل العميم اللي يزين سواها
ناصر ألا مني على البيت سجيت=يرخص حلاله ماحسب مشتراها
وبن عقيل اللي يهلي أذا جيت=مشرع البيبان للي نصاها

قال: ناصر


سبيتها يوم أنت للضلع لزيت=ضيافتك ياحنيف هذا جزاها
ودلال ربعك يوم بالزين ماريت=هم ربعنا قبلك طوال(ن) خطاها

فأجابه حنيف منهي الحاوره بينهما بهذه الأبيات:


مانيتي سبت هل الجود والصيت=والملعبه حنا نقوم سناها
ياموصي الحرمه على صكت البيت=تقول ماهو فيه ونته وراها
ياناصر بحرمتك ويش سويت=يوم المره تعسرت في ضناها
قالت له ألحق ياعشري تضنيت=ومسس ولدها لين ينظف غثاها
علم الردى يظهر ولو به تتقيت=علم(ن) وكاد ويشهدون أقصراها
ياخيبة أمك يوم قالت تمنيت=ياخيبة أمك ياقطيعة نماها


فهذا هو حنيف سريع البديهه قوي المعني وفي وقته..ولم يمهل هذا المزاح

ويقال ان صاحبنا هذا المزاح قام وقبل رأس حنيف وتعذر له في الحال..

ويقول في الهجاء:
مما يروى عنه أيضآ أن أحد أمراء أحد القبائل الكبيره بنجد متزوج بأبنة بن بصيّص أمير الصعران

قبيلة حنيف ولم يرفده عندما أسترفده فسبه كعادته بقصيدة مقذعه منها ..

ليت الأصـيله مـاخـذاها زلابه=أللــي عيــونه كلـــبوهـا مــداواه
من قارب الخنزير يطمل ثيابه=لو يغتسل من ما البحر ماأنظفه ماه

..................

ويقال بأنه صار بينه وبين جماعته خلاف فنزح الى الثبتان من عتيبه وبعد فتره شدوا الثبتان ونزلوا بمنازل قومه الأوله فتذكر قومه وقال:


يدار وين مبهجين الشواريب=عقب الطرب مافيه زولن يحومي
هذي مرابط خيلنا والأصاحيب=وهذي مرابط كل قباء قحومي

وعندما سمعها نايف بن هذال شيخ الصعران ارسل له ليأتيه فرغب بالرجوع وابلغ عبدالرحمن ابن ربيعان ....ثم أخذ ابله ورحل وكان معه حاميه تخرجه من ارض الروقه وقد خانوا به واخذوا نصفها عنوة فرجع الى ابن ربيعان يخبره بما حصل فأرسل بن ربيعان للبحث عن ابل بن سعيدان فبحثوا عنها مره واثنتان وثلاث بطلب حنيف وفي الخير قال له ابن ربيعان ابلك ماهي عندنا فأصر حنيف بان ابله قد اخذها ربعه.....فغضب بن ربيعان وضربه بالحاجونه فأدمى رأسه فحلف ان لا يمسح الدم إلا عند الدويش(فيصل) وهذا ما حصل فسأله الدويش عن الدم فقال:


الذود عله فدوتلك عن البآس=ياشوق من كن القمر في لبابه
ماعفتوهن عند زينات الاجناس=ولا البكار اللي لهن أنحطابه
عدوكم يفرح على كسرة البآس=وصديقكم يفتق زرار الجيلبه

و قال في المناسبه:


مني مطرشهن على منقع الطيب=نايف ولد هذال ملفى العلومي
يدمحلنا الزله وندمحله الغيب=نبيه عن ضداتها والزحومي

وصبحهم الدويش على (رضيمة المستوي) وكانت الغلبه لحمران النواظر....وطلب فيها الأسودان(البيوت والغنم) وقد كان لحنيف رأي فيها بامر من الدويش حيث حول الطلابه من العتبان على حنيف ...فأعطاهم حنيف الأسودان وقد استرد حنيف حلاله...

ربع مطير:
ويعرف حنيف بلقب(ربع مطير) والسالفه أنقلها لكم من كاتبها الأصلي:

(وفي يوم من الايام أجتمع الامام عبدالعزيز بن سعود بالأخوان في المجمع (أم الذيابه) الواقعه الأن جنوب للشرق من أم الجماجم وكان موجد بالأجتماع حشد كبير من الناس وشيوخ القبائل وكان الأمام عبدالعزيز مراكي للشيخ فيصل بن سلطان وكان من ضمن الحضور شخص من روق يدعى /مرزوق الغميسي وكان (مفوه) وكان محدث المجلس في ذالك اليوم وكان يرمي على فيصل الدويش ويكذب ويهذر ويقول ماذا فعلنا فيكم يوم الرضيمه أين فعلكم في ذالك اليوم يالدويش ومزال مستمر في الكلام ولوم الدويش وكان الدويش لايرد عليه نظرا لأن الدويش أمير وهذا شخص عادي فأتى حنيف بن سعيدان ألا مخيم الدويش وسأل أبو حواس عبد الدويش
عن فيصل الدويش وأين هو فرد قائلا أنه بالمجمع ذهب حنيف للمجمع وبعد أن وصل عقل الذلول ودخل على الجمع وسلم ولاكن لم يرد عليه أحد لأن الناس مشغوله تستمع للغميسي مرزوق وهرائه فأتى حنيف لمرزوق وقال له يامرزوق أنك تهذر والشيخ فيصل الدويش
لم ولن يرد عليك لأنك شخص عادي من عتيبه فهرب الغميسي من امام حنيف وأختفى في ضول جمع الناس فقال حنيف يأيها الناس أن مرزوق الغميسي لم يقول الحقيقه ولاكن أسمعو ماحصل في ذاك اليوم فأنشد يقول:

لا قيل وين مطير


لاقيل وين مطير وأخفن الأرماس=الراس بين محقبه واللهابه
كزولهم من غب الامطار عساس=وتباشرو بالصلب كثرة شرابه
يتلون أبن سلطان قطاع الأرماس=دينن على ولد الدويش أوفابه
يا ميرنا مالك حليٍ مع الناس=كونك صباح أو كون غيرك نهابه
أسمك على جسمك وفعلك على ساس=وفعول أهلكم من عصور الصحابه
تقاودوافرسانهم قب الأفراس=وحطو جنيح شدة(ن) من حرابه
أمهارهم في غبت العج غطاس=ويمانهم ترمي العشاء للذيابه
لباسة الماهود والدرع والطاس=ومذلقن تدني المنايا ذبابه
يقدى جموع(ن) كنها ناب الأطعاس=وصم الحوافر ماعرفنا حسابه
هذا صباح(ن) منه الأجناب تقتاس=ألا لفى الطرقي الأخر حكابه
جازت لنقال الصدى ذلقة الماس=وكون(ن) تقطع بالرضيمه ضبابه
الخيل راحت بالرباعيين غلاس=ماعفتوهن ناطحين الحرابه
ماهو ردى في مرذية كل عرماس=لاشك جوهم خارقين المهابه
خلو على مرحانهم حمر الأكياس=والبن الأشقر ماهتنو في شرابه
من ضرب علوى خيلهم تمرس أمراس=أمراس صيد(ن) مقتفيته ذيابه
ميحارب الدوشان كود أنقر الرآس=الله يمن خوف من لا سعابه

بعدها قام الامام عبدالعزيز طيب الله ثراه وقال أنا أخو نوره أنا أنقر الراس وقال له الشيخ فيصل الدويش أخوي ترى ذلولك
أنطلق عقالها يأبن سعيدان ففهم حنيف وهرب من المجمع ألى خيمة الشيخ فيصل الدويش وجلس حتى أنفض مجلس الامام
وأتى الشيخ فيصل الدويش ومن معه ألى المخيم فلما دخل فأذا حنيف في وجهه فقال لجماعته اللذين كانو معه وهو يشير ألا حنيف
ترآه ربعكم يامطير والحاضر يبلغ الغايب وكان هذا الفعل وهذا الحدث هو تسمية حنيف بن سعيدان (بربع مطير) )

..........................
في القهوه..
وفي قصيدة تطرق فيها للقهوة يقول:


لا قيل هات ابهارها قيل مشيول=من بقشةٍ نقش البريسم عرجها
ابهارها جاهم من الهند مرسول=واحذر تزوعه فوق حامي وهجها
البن الاشقر للمعاميل مزلول=من دلة حوافها ما طهجها
فنجالها للوصف ماهو بمجهول=اخضاب عذرا طامحه من غنجها
فنجالها عده لزول وراء زول=لثنين والثالث مروي زرجها
ولحنيف هذه القصيده يصف ما آلت اليه القهوه وانها صارت للنساء في الضحى دون الرجال:


صارت فناجيل الضحى لأم ديدين=اللي تملي ثوبها من لبنها
اللي اليا جا تالي اليل ليلين=تزعل اليا من الفحل ما نطحها

هذه قصيده لحنيف ويبدو انها اخر ماكتب من القصائد وهي تقريبن في اوخر الاربعينيات من القرن السايق

وكان حينها موجود في مغرزات شرق الرياض وارتقى اثناء الليل رأس جبل وشاهد البرق على الصمان وقال:



عديت مرقابن طويلن هلالي=رجمن ومن عداه لازم يشوقه
اخيل براق الحياء بالشمالي=واشوفلي نوّ (ن) تكاشف بروقه
بمغرزات يوم شفته زمالي=ذكر على قلب المعنى فتوقه
امطر على متطلقات الحبالي=على جهام وما نتثر من عروقه
وحدر على الصمان وامطر وسالي=وخلي السدر ماه متعدن وسوقه
ملي البرايك كلها والمكالي=وكل دحلن ماه متعدن شدوقه
منوتك يا راع النياق الغوالي=الى صار مايجيه عوقن يعوقه
ويقاد للمظهور مثل الغزالي=وينزل على وقم الثمانين نوقه
وبالكف كنه من فحول المتالي=حرن سراويله تعدي سبوقه
الى دملج العوشز وجاله ظلالي=وتناتفه برق الدواغر عذوقه
مع ظف بدو ياسمون الهلالي=واخوان جوزا مطلعينن حقوقه
ياويل اجانيبن يجونه مدالي=من كل دابن فيه سمن يسوقه
والله يالوهن ينفضن الجلالي=يالاجنبي صمانهم مايذوقه
ليروح الاقصى يدرق بالموالي=البر كله ضايقن فيه سوقه
ليضيق صدره كل ماجا مجالي=يرثع قعوده ناشبن بمعلوقه
مارن للحاكم عليهم ظلالي=الحر الاشقر يدرج الحوم فوقه
نوخ بقطاع الزراج الرمالي=امذوقه ضربة لوايع صفوقه

,,,,<<<<<<<<<<<<<<<<,,,,,

تعرضت له احدى النساء الجميلات وقال فيها قصيده يصف فيها جمالها:


لعل ورد الما يغله ويكويه=مامور ورده لو كثر للنفادي
هذا يقود وذاك ورد ضواميه=وهذا يحدر والمصوت ينادي
على ظهر كل صميله يرويه=تهلهلوا با لري والكل قادي
اللي نطحني فوق الاشقح يصغيه=اول عذابي قال وين انت غادي
يا ناس قلبي حاير وين ابا اغديه=اما افزعوا ولا عطوه الستادي
والا عطوه مغيزل العين يبريه=يوزيه من بين النحر والثنادي
بين النهود وبين الاسلاب حطيه=واقصيه من بين النحر والفوادي
داري عليه بموقع زين سا ويه=غاديه ينبت له عراوي جدادي
ترى الحظيظ اللي عشيره يصافيه=والا رديفه فوق عصم الايادي
الى بغى له حاجة ما يناديه=الى التفت مادونه الا الشدادي
يرخى المليثم ما يصدد با شافيه=يرخى المليثم ويسفرن الثنادي
ثم انطلق قرن على المتن غاذيه=قدم اربعه وخلاف ماله عدادي


وحنيف بن سعيدان ( ربع مطير) له منزله عند الدوشان كبيره وخاصه عند الشيخ محمد بن فهاد الاصقه الدويش ولازالت مكانت السعيدان من ابناءحنيف محفوظه عند ابناء الاصقه....

وله في مدح الشيخ محمد الاصقه قصيدتين من اجمل ماقيل في المدح


ياعد علك بأول الوسم شختور=من نوٌ براقن تقافت عشياه
نفرح ليا قالوا من الوسم ممطور=وفزيتله كله علشان من جاه
ياعد مامروك بهلال عاشور=وتقودا مثل الفهود المغذاه
مثل الفهود وفوقهن كل مصطور=والكل منهم وافين شبر يمناه
اهل بيوتن كنها شامخ القور=أليا جيتهم مخترت هذا على ذاه
والله يالاولى الفرق ما عانق الخور=يومن كلن راح في راس يمناه
أني ماهيد ولافقه الشور بالشور=لو أن نوم المخاليق ذقناه
من غيرهم ماني على السهر مصخور=أليا صرت مرقد باوله نمت بتلاه
أنا لو أدله عن محمد يجي دور=دلهت بس الحب ماودعني أنساه
أنا اليامني تولعت مامور=العين تبكي من نفعها وتجزاه
محمد زبون اللي عن الحق مقصور=كم واحدن بذوابة السيف نجاه
الناس تعطي ضيفها كل ميسور=والا محمد يذبح الفرق والشاه
له منسفن دايم على العسر مجرور=دايم وعصمان الشوارب تنصاه
أنا اليا أستشهدة مشهد على الزور=أقول شين يوم بالعين شفناه
-------------------------------------------------------------


وله


لا ضاق بالي يم الاصقه تمشيت=لو أن مندونه ثمانين شبٌاب
لو النشاما دون بيته تعديٌت=كنه يلوحلي على النار جذٌاب
نارن سناها كل ما صبحت وأمسيت=دأيم لها زبر الرياجيل هرٌاب
يجدع لنا حمر الكيس والشلاليت=ولأ نسري الا مع سهيلن اليا غاب
وأليا جاء زمان أشهب تقل جلد خرتيت=للحيل ذباحن وللسمن صباب
ومنفله عن لآبته رفعة البيت=وذبحه اليا جاه الدهر جرد الأرقاب
وأنحل ضرب مصقلات المواريب=يركض مراكيض لاباء زيد وذياب


..............................


واهديكم هذا الرابط بطريقة الإنشاد لقصيدة حنيف (لا قيل وين مطير واخفن الأرماس)
أضغط هنا

اصل المقطع من الساحات...والتحميل من قبلي على مستضيف خاص...

وهذا رابط من منتدياتنا




المصادر ماسمعناه عن حنيف...

منتديات القبائل على النت..

منتديات مطير..

منتدى السليل...

علمتني الحياة : انني إذا أردت أن احلق مع الصقور ,فلا أضيع وقتي مع الدجاج.
قمة الغباء .. أن تحاول أن تكون عميق .. في زمن أصبحت كل أشياؤه سطحيه.
سُئل هتلر : " من هم أحقر الناس الذين قابلتهم في حياتك؟" فأجاب: " أولئك الذين ساعدوني على احتلال بلدانهم"
غير متواجد حالياً
 رقم المشاركة : ( 2 )
عـــــضو شرف مــــــهم جداً
رقم العضوية : 1
تاريخ التسجيل : 11 04 2007
الدولة :
العمر :
الجنس :
مكان الإقامة : الرياض
عدد المشاركات : 2,611 [+]
آخر تواجد : 10 - 11 - 14 [+]
عدد النقاط : 10
قوة الترشيح : سلطان القحم is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : حنيف بن سعيدان (ربع مطــــــــــــــــــــــــــــــير)

كُتب : [ 14 - 06 - 07 - 08:40 PM ]

يعطيك العافيه..
على هذه النبذه لحنيف بن سعيدان..
ونقل قصائده ..
رحم الله ابن سعيدان ..
شاعر مطير الملقلب ( ربع مطير )..
تقبل مروري وتقديري اخوي أبن مصاول..
اخوك سلطان الميزاني .

غير متواجد حالياً
 رقم المشاركة : ( 3 )
<img src=
رقم العضوية : 54
تاريخ التسجيل : 15 05 2007
الدولة : ذكر
العمر :
الجنس :
مكان الإقامة :
عدد المشاركات : 32,017 [+]
آخر تواجد : 20 - 03 - 24 [+]
عدد النقاط : 29
قوة الترشيح : أبن مصاول is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : حنيف بن سعيدان (ربع مطــــــــــــــــــــــــــــــير)

كُتب : [ 15 - 06 - 07 - 04:49 AM ]

لا شكر على واجب اخوي سلطان في ان يكون لي الشرف بنقل وجمع قصائد هذا الشاعر الفحل الذي لا زلنا نتغنى بأشعاره ويحفظها أبنائنا قبلنا وخاصة قصيدته المعلقه (لا قيل وين مطير) لدرجة اني أبني ضيف الله يحفظ منها أبيات ليست قليله...

ابن مصاول : ليت حنيف يطلع ويشوف ماذا حصل!!!!

علمتني الحياة : انني إذا أردت أن احلق مع الصقور ,فلا أضيع وقتي مع الدجاج.
قمة الغباء .. أن تحاول أن تكون عميق .. في زمن أصبحت كل أشياؤه سطحيه.
سُئل هتلر : " من هم أحقر الناس الذين قابلتهم في حياتك؟" فأجاب: " أولئك الذين ساعدوني على احتلال بلدانهم"
غير متواجد حالياً
 رقم المشاركة : ( 4 )
عضو فعال
رقم العضوية : 55
تاريخ التسجيل : 16 05 2007
الدولة :
العمر :
الجنس :
مكان الإقامة :
عدد المشاركات : 479 [+]
آخر تواجد : 19 - 09 - 08 [+]
عدد النقاط : 10
قوة الترشيح : ابو سعران المريخي is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : حنيف بن سعيدان (ربع مطــــــــــــــــــــــــــــــير)

كُتب : [ 16 - 06 - 07 - 11:32 AM ]

يعطيك العافيه يا ابن مصاول على نقل قصايد حنيف وسيرته
وحنيف شاعر معروف
تقبل تحياتي




غير متواجد حالياً
 رقم المشاركة : ( 5 )
جديد
رقم العضوية : 809
تاريخ التسجيل : 26 10 2007
الدولة :
العمر :
الجنس :
مكان الإقامة :
عدد المشاركات : 6 [+]
آخر تواجد : 27 - 10 - 11 [+]
عدد النقاط : 10
قوة الترشيح : السيف المحناء is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : حنيف بن سعيدان (ربع مطــــــــــــــــــــــــــــــير)

كُتب : [ 27 - 10 - 07 - 12:17 AM ]

له ايظاً قصيده اخرى في سهجت فيصل الدويش للرباعين لم احفظ الا شطر هذا البيت
(طقت حنيف جابت للظواري عشاها)

غير متواجد حالياً
 رقم المشاركة : ( 6 )
<img src=
رقم العضوية : 54
تاريخ التسجيل : 15 05 2007
الدولة : ذكر
العمر :
الجنس :
مكان الإقامة :
عدد المشاركات : 32,017 [+]
آخر تواجد : 20 - 03 - 24 [+]
عدد النقاط : 29
قوة الترشيح : أبن مصاول is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : حنيف بن سعيدان (ربع مطــــــــــــــــــــــــــــــير)

كُتب : [ 14 - 11 - 07 - 11:21 PM ]

وهذي قصيده في مدح المللك عبدالعزيز


عسى نهار اليوم يطرد نهار أمس=والله يبدل كودها من رخاها
حرٌن طلع للوح من مطلع الشمس=يقداء جموعن ماعرفنا حصاها
جرٌ الجموع وكل جنسن على جنس=وعينت قوم أحسين في ملتقاها
ولٌم ولأم الحرب فوق النضى الكنس=وخيلن مع الريدا تسالس حذاها
حرن يزوم ويصفق خاطره عمس=دارن به الداء لين داواء دواها
بمهدفاتن حدها مايبي لمس=يجلي عن الكبد العليله وباها
ومصقلن له مقضبن يزحم الخمس=لين الديون المرمسات اقتضاها
والفضل للي فرٌض الكف ّللخمس=اللي ألى أخلاها يريٌع ملأها
محصي مخاليقه من الجن والأنس=اللى بسط سبعن وسبعن بناها


وله في مدح المرحوم سعود بن عبد العزيز


أمبدن المولي على كل من كان=أقولها وأنا بومر المشيٌه
ياسعود يامعطي طويلات الاثمان=ياما عطيتهم حايلن صعيريٌه
طويلة الوركين وأطول بيعان=تفزٌ من حسٌ الوغش والوحيٌه
الى ركبت شدادها الصدق برهان=الفضل والمعروف منكم عليٌه
من فضلكم تشبع ضعافي وعميان=وعداد ماياطا على جاهديٌه
ماجابن الخفرات مثلك ولا كان=لا من تحت الخٌد ولا ضاهريه
تشاهدوا قبلي من الناس شيبان=ماجابن الخفرات مثلك ضنيٌه
أشقر تخلي وافر الريش عريان=خبطت يدك تورد حياض المنيٌه
هذي مناصيبك ورا الطور وعمان=رجال السٌداراء أهل الوجيه النقيٌه
قطٌاعة الزٌيزوم وفعلن بالايمان=من راح منهم صار مقدم سريٌه
وصلاة ربي عدٌ موحين الاذان=وعداد من صلا ويقرا التحيٌه


وله يمدح الملك خالد بن عبد العزيز

ياراكب اللي نازح البعد تطويه=قطع الديار الكايده من مناها
يومن أبوهالأمها تاعبن فيه=باغيه ينجبها على مستواها
حمراء الظٌهر وقم الشٌقق يوم أحلٌيه=كن البريسم يوم أوصف حلاها
ما فاتها التنبيل لوٌ صاح راعيه=شقراء تفوته سلٌم الله عضاها
أمشي نهاري واول الليل ساريه=وخالد عريب الجد عروة مساها
خالد عريب الجد دامت لياليه=ملفي مراكيبن طوالن خطاها
أحمدك ياللي للمخاليق هاديه=وألى أصٌطفق نارن يحرٌق سناها
ولد الرفيع ومنسبه تاعبن فيه=يجي على العادات وألا وراها
والفعل مثل النور في وجه راعيه=خزن الرٌجال اللي يطول لحاها
والحر الاشقر رابحن من صقر فيه=وألا التبوع مخيبة من غذاها

وله عندما أسس فيصل بن سلطان الدويش هجرت الأرطاويه


واشيخنا وأن شافت النار ناره=ألى من كلن حطفه ومسيوق
كم واحدن ينوي وفيصل دماره=على النقا مافيه سارف ولا بوق
واليوم فيصل ساعين بالتجاره=صكوا عليه الحضر يمشي مع السوق
مار القمحي ياسابقه كل غاره=وذودن يبي مع طيحة الوسم زملوق

وله يمدح فيصل بن سلطان الدويش


البارحه جاني عن النوم محراب=والعين يقلاها عن النوم قالي
قمت أتفكٌر رالبلاوي وألأسباب=وزبنت ضلعن من بعيدن زمالي
ولا نومن ألاٌ في هفاهيف مرقاب=وتراه مزبٌنا على أوٌل وتالي

وله في مدح عبدالله بن سعد السديري


ياراكب أربع واربعن كلهن حول=عذروبهن طول الخطى والحيالي
لآقايلن صره ولا قيل مبهول=ولآضربن حتى تولد هجالي
مرباعهن بمحقبه مدهل الشول=وفي مرجع السوبان زين المفالي
يشدن معز ريمن بلأدق وفحول=بيض الفقاح ألى أعتلاهن جفالي
ماربعن بين البرازات وسهول=مع نشر بدون ياسمون الهلالي
حاذور يركب فوقهن كل مفلول=عط أم ركبه طيبين العيالي
شيلوا عليهن وأرتووا كل شهلول=ولاتشربون ألا القراح الزلالي
يلفن عبدالله على سرحة الزول=مضيف عبدالله تراه الموالي
ملفاك بيتن من هل الجيش مدهول=اللي تومر بالعلأ والعوالي

وله يمدح ناصر السعد السديري


ياراكب اللي يرتع الفقر عامين=سنامها غقب الرابيع نابي
مقيضها من نقضت الجزو تسعين=وبانت نجوم الوسم وزلٌ السٌحابي
مدهالها بالقيض بالماقع الزٌين=وتشرب صفيه يوم طاح السحابي
تشدي ضليمن جافلن شايفن شين=ألى تذيٌر مع طمام السٌرابي
والاٌ لشيهانن علقله كراوين=بيى العشاء يوم أسفل الشمس غابي
هي منوت المشفق محب المحبين=شايب على شيبن تجيب الغيابي
لقيتهم قدٌام ناصر موٌطين=أمغتبرينن يدخلون الزٌهابي
في دكٌتن يطربلها القلٌب والعين=وصفرن على جال المناره عذابي
ماتبرد الدلٌه ولا يبرد الصين=هاذي مقلطها وهاذي تجابي
مع منسفن شالوه لضيف عجلين=عليه شاة مروبين الغرابي

وله يمدح أحمد السديري


ياراكب اللي يقطع البعد موٌاط=أشقر ضياحٌين يتل الخطامي
شدٌ الرسن تراه للحبل فرٌاط=يعطيك منكب عن صليب العطامي
من عندنا يسرح ويمسي هل الغاط=أهل شعيبن يرخصون الطعامي
يزيه نوٌ الثريا والأشباط=تسعين ليله ما يكف الغمامي
ملفاك بيتن تدهله حمٌ الأوباط=معزبك بين ياقليل الرحامي
ملبوسة الجوخ الحمر والزٌقلاٌط=وصاف الحديد اللي يقص العظامي

وله في مدح محمد فهاد الدويش


لا ضاق بالي يم الاصقه تمشيت=لو أن مندونه ثمانين شبٌاب
لو النشاما دون بيته تعديٌت=كنه يلوحلي على النار جذٌاب
نارن سناها كل ما صبحت وأمسيت=دأيم لها زبر الرياجيل هرٌاب
يجدع لنا حمر الكيس والشلاليت=ولأ نسري الا مع سهيلن اليا غاب
وأليا جاء زمان أشهب تقل جلد خرتيت=للحيل ذباحن وللسمن صباب
ومنفله عن لآبته رفعة البيت=وذبحه اليا جاه الدهر جرد الأرقاب
وأنحل ضرب مصقلات المواريب=يركض مراكيض لاباء زيد وذياب


وله في مدح محمد فهاد الدويش


ياعد علك بأول الوسم شختور=من نوٌ براقن تقافت عشياه
نفرح ليا قالوا من الوسم ممطور=وفزيتله كله علشان من جاه
ياعد مامروك بهلال عاشور=وتقودا مثل الفهود المغذاه
مثل الفهود وفوقهن كل مصطور=والكل منهم وافين شبر يمناه
اهل بيوتن كنها شامخ القور=أليا جيتهم مخترت هذا على ذاه
والله يالاولى الفرق ما عانق الخور=يومن كلن راح في راس يمناه
أني ماهيد ولافقه الشور بالشور=لو أن نوم المخاليق ذقناه
من غيرهم ماني على السهر مصخور=أليا صرت مرقد باوله نمت بتلاه
أنا لو أدله عن محمد يجي دور=دلهت بس الحب ماودعني أنساه
أنا اليامني تولعت مامور=العين تبكي من نفعها وتجزاه
محمد زبون اللي عن الحق مقصور=كم واحدن بذوابة السيف نجاه
الناس تعطي ضيفها كل ميسور=والا محمد يذبح الفرق والشاه
له منسفن دايم على العسر مجرور=دايم وعصمان الشوارب تنصاه
أنا اليا أستشهدة مشهد على الزور=أقول شين يوم بالعين شفناه

وله في مدح نايف بن بصيص


هذي منازل ربعنا والاصاحيب=وهاذي معاذر كل قبٌن قحومي
يادار وين مبهجين الشراريب=عقب الطرب مافيك زولن يحومي
يا هيه ياهل سايجات المحاقيب=حمرن عليهن من شحمهن قدومي
أمشارعاتن في حلول التشاريب=أسبق من اللي بالجناحين يومي
داروا عليهن سوقكم بالمراقيب=كلمة وخلوهن عساكم سلومي
ماكزٌهن خطو الرجاجه مناديب=والن فحٌامن عريض الخصومي
كزيتهن مني على منقع الطيب=نايف ولد هذال ملفي العلومي
زيزوم غلبا يوم تمشي جناديب=أطرافها تأطا الغبأ والحزومي
أكوانهم كد بيحة بالأجانيب=وكد بيحت سد الحصان العزومي
نجرن توال الليل يلعي كما الذيب=يفرحبهم اللي قايمن عقب نومي
على ثلاث دلال بيضن مرابيب=ما هن من اللي في طرفهن وسومي
أمبرزاتن عن جميع العذاريب=على طفر ودلال غيره تصومي
اليا جت نجوم الليل مثل المشاهيب=تلقا لبذله في صحونه رسومي
وأن غار ورد قصيرين المجاذيب=كنٌك على هدٌاج جمٌه يزومي
يدمحلنا الزله وندمحله الغيب=نبيه عن ضداتها والحزومي

وله في مدح هلال المطيري عام1909م


ياراكب اللي يقطعن التنايف=أكبار اللحوم أشباب حيلن مشاعيف
لاهن بلا فطر ولا هن عسايف=حيلن مصعبهن نبات النغانيف
اليا روحن مثل النعام الصفايف=ومن الدجاني ممسياتن على سيف
مرواحهن يشدن جولن خفايف=جولن شلع جولن غداله غطاريف
محدن طمعهن من جميع الطوايف=ولاحدن يعارضهن ليا قيل لحنيف
أيضن ترى ماني عليهن بخايف=ولآحدن يعارض كاملات التواصيف
هات الشده وأقبلوا بالكلايف=حفوا على مثل السباع المهاريف
خوذوا عليهن يالنشاما خرأيف=وهلال ملفي ضامرات العجاريف
يازين خبط أرقابهن باللطايف=قدام بيت الاجودي مكرم الضيف
بيتن تعكه موميات السفايف=ذلي لهن حاجه وذلي مناكيف
قال أقلطوا يم الدلال النظايف=بيضن يشادن الحمام المشاريف
فنجالهن يبري خوا الراس كايف=في دكتن يطربلها راعي الكيف
يوم أنت بالبحرين وأنا مسايف=أقول وأطري جراله صواديف
واليوم بالوطان مالي حسايف=يا عاد لاشاحذ ولامن تخاليف
صوغة رفيقن من رفيقن مشايف=بمقفلاتن ماتعصب على الليف

وله في مدح نايف بن هذال بن بصيص


ياهيه ياهل هايفات المثاني=القفل زاويهن سوات الدوانيق
القفل زاويهن على أول وثاني=كبار الظهور مجاذبات الخنانيق
أمتيهات من زمان لزماني=الكل تجفل من ضلال المعاليق
أعصي أهلهن لين الخيزراني=حمر العيون ملاحضات المساويق
خضع الرقاب معشباتن سماني=أيقطفن أرقاب عشب الزماليق
أسبق من الشيهان والهيقطاني=ومذلق ألأطراف مع فكة الريق
حرايرن والا بنات العماني=ركابهن لو يضرب الخوف ماعيق
ردوا كلام أحنيف يأهل الثماني=القول قول أحنيف مافيه تبريق
أن كان فيكم يالدلايل ذهاني=اللي يحق الشوف يبد الشواهيق
عد الجبيل وتي تشوف المباني=ولوايحن تجذب سوات المشلريق
وبيتن اليا شيد كبير المباني=يشادي كما اللي نايفه من صغافيق
ونارن تشادي للفنر بالبياني=وعند العشاء تسمع لنجره تخافيق
ونجر لهيشان الخلا مرحباني=أتلى لغاه يشلق القلب تشليق
بحب اليمن والهيل والزعفراني=يعبي لبيضن مثل وصف الغرانيق
شيخن ضلوعه للخساير متاني=لولاب حاكمن يفج الصناديق
والي أعتلا من فوق بنت الحصاني=بحد السيوف الي تقص ألأشانيق
يوم السبايا كنها الديدحاني=يركض على الصابور مع لوذة الريق
وبعض العرب في جدودهم ما غواني=اللي يبون من الفوايت ملاحيق

وهذي قصيده في نايف بن بصيص قال لحنيف أن يقتلها خوفن على نفسه من القتل. ولا أعرف منها ألا


نايف هو اللي قولت الشيخ تزهاه=وتزهاه بنت مخلٌى المراج عريا
دايم وأهل عوص الركايب تنصاه=وتفرٌقوا من عند بيته بالاريا

وله في محسن الفرم من حرب 1937م


عديت بالمرقاب من ضيق جولي=واقول في راس الحجاء ماطرالي
في مرقبن مافيه زولن يزولي=وفيضت أنا في راس رجمن لحالي
أزريت أميز وين تنحر ذلولي=ما والله أدري وين تعزى الرجالي
ياهل الركايب ريضوا واقهرولي=أخذ جوابن من فؤادي زلالي
صدولي أرقاب النضى واربعولي=كلمه وسيروهن عساكم عجالي
من يوم أبو جلال ماهو بحولي=من دونه الجازي تربي الغزالي
واليوم أبي أطرش يوم هم قربولي=للفرم ملفى موميات الحبالي
ماله مثيلن بالكرم والدلولي=اليا جن مثل مخزمات الجمالي
بقطع الزراج وعزلكم للعزولي=وتفرح اليا رد البرا والعماالي
لك منزلن مايتقي بالنزولي=أنتم هل القلات بأول وتالي
أنشهدنه قد مضالك فعولي=تمدح جنوب ويمدحونك شمالي
البيض غيرك مايبن الفحولي=يبن مثل الفرم زبن التوالي
أبي المعونه يوم ماتت ذلولي=اليا علقوا قلصانهن بالمدالي
اليا طالت وقل البلولي=حمرن تسوج عصيها والحبالي
اليا جت من دوٌن يرابه يهولي=هي منوت المشفق بعيد الآهالي
أنا هوية طيبين الفعولي=أهل الصخى مكرمين الدلالي
اللي عليهن جايزاتن ذلولي=أجي على الشيمات وأروح غالي
واليا ركبت أشدادها تم قولي=يهرج اليا جاء للنشاما مجالي

وله يمدح جماعته الصعران


أنا اليا غنيت من ضيقت الجول=أحيه من نفسن تفرٌق نهجها
مثل الصٌلاة وفرضها باغن أقول=مثايلن مارضى عليها عوجها
ياهل النٌضى خذوا من القيل منقول=وعن الصٌدوف أنتم بعالي برجها
ثم أرتووا من كوكبن ماه شهلول=ودوحوا قربهن من برايد فلجها
خبرا ومزيها من الوسم زهملول=من ثلاث الأتوام سيله سهجها
لا عاد لا سايل ولاني مسيول=نحرت من كبد السير بهجها
اليا قيل هات بهار ما هو بمشيول=من بقشتن نسق البريسم عرجها
والبن صافي للمعاميل مزلول=من دلٌتن حوافها ما طعجها
فنجالها بالوصف ماهو بمجهول=صفرن تزعوج فوق حامي وهجها
يصبٌها متمشلحن كل بهلول=خضاب عذرن طافحن من غنجها
فنجالها يعدٌي لزولن ورا زول=لثنين والثالث مروٌي زرجها
سقها على اللي بالدهر يذبح الحول=واللي جواده للمتلٌي عرجها
واللي يقفٌي عزلها كل مرحول=أمنفله قطعت خرايم فرجها
يفرح بهم ذودن ورا النشر منتول=من فوق عجلاتن سريعن فرجها
وأن جا نهارن فيه فاعل ومفعول=كم واحدن خلوه في معجلتها
من عقبهم كني خلوجن وراء الضول=من شافها يدعي على من خلجها
ومن الرٌهق تذكرت كل مدلول=حنت على لامأ حوارن لهجها

وله يمدح جماعته الصعران


ياراكب اللي يقطع الدو ممشاه=جزٌاع يومن العصاه وقٌعتبه
يشدي ظليمن جافلن من معشاه=يشكٌ يومنٌ الهبوب لفقتبه
على السٌلوم وزاع من بعد مرماه=وعلى السٌلوم وعاد يوم ألتفتله
وألأ لبتٌيلن مهبٌه تقفٌاه=مع غبٌتن مراكبه دلبحتله
أصدٌ القعود ونابف العرقٌ عدٌاه=والمستوى شاف الطوارف جزتله
ملفاك بيت أعبيد بالك تعداه=ومنارتن جزل الحطب وقٌدتبه
منارتن تجمع مسايير وبداه=ودلال من مالا قلك بهرتبه
ليٌا قيل عشبن بين ذولا وذولاه=تذكر بيوتن بالخطر بنيٌتله
يرعونه الصعران ظفران وعصاه=كم واحدن قلاتهم بيحتبه
حطوا على كبد العدوا كيٌ عرقاه=ليٌا بريٌ مرقاعها زيٌدتبه
وكم من حصانن راح والرمح ينساه=أما أنذبح وألأ خطير أنعفتبه
خلٌي لخفاق الجناحين يشلاه=ودقلاتهم شهب الطيور أشبعتبه
سلٌم عليهم عد وأسمن نثر ماه=وعداد ما هبايبه صدٌقتبه
ومثل نهارن بالخرم مانسيناه=أيشيٌب الشٌبٌان يوم التقتبه


وله في مدح الفغم أثر وقعه حربيه


أمبدن المولى على كل ما كان=ومن سأل ربك ذاك لا تستسيله
والدين مبني على خمسة أركان=وهدي النبي ياهل القلوب الهبيله
واليا صرت في مدح الاجاويد مشتان=لا تمدح ألا اللي خطاهم طويله
لا تمدح ألا مثل هايف وجفران=ضياغمن من ماكرن ينعنيله
المرٌ زام وقوم الشيخ عجلان=وخيٌم وغوٌر لين حصٌل حصيله
ماني بناسن يوم كون بن عشوان=يوم اللواء يرفع ولاحدن يجيله
نهم جموع بريه وبريه ظفران=وجمع الضياغم مثل نون رفيله
كونن على الجبجوب ماهو بالأكوان=كلن يثارى لين داواء غليله
وترى المثل بزن وراء باب دكان=ويا مضيع المفتاح عندي مشيله


وله متذكرن فيصل بن سلطان الدويش


يامزنتن غرٌا تفاقت لها ضوح=تبرق وترعد لين هلٌت مطرها
مار أقمحي ياديرتن مابها نوح=طفى السراج وغاب عنها قمرها
يومن فيصل فيك ماجاك ساموح=كل ألأفاعي سالمه من خطرها
يقفي ويقبل دام بالروح له روح=زيزوم غلبا يوم ثوٌر كترها
وحنٌا مطير اليا حضرنا حضر نوح=عاداتنا غدابها من حضرنا


وله عندما كان في السوق ورائ سيف وسأل من راعي السيف فتطاول على ذالك البياع الشاعر عبدالله حمود بن سبيل وقال:هذا السيف يصلح قبضته لضهور بني عمك الدوشان.
فقال حنيف:


السٌيف يومنٌه يسوي نصابه=يجوز لدوشان تخز الفراعين
صويبهم ما عاد يجبر صوابه=وعلوى مطٌوعت العوج يعتدل زين
اليا جاء نهارن فيه كون وضبابه=تلقى قلايعهم سوات الحراثين
مثل مشاري شوق جالي عذابه=اللي كسب عشرين يوم الرباعين

وله في لغز القهوه


ملٌ قلبن بيٌد القيل بيده=بين الضٌلوع اللي عداها فداها
قالوا بعيد وقلت ماهي بعيده=الرجل تمشي لين تاصل هواها
ملٌ قلبن لولحت فيه عيده=لولاح دلٌون لولحت من رشاها
لو لاح دلٌون بالمقوط الجويده=من عميلن مايلحق الشوف ماها

وله أيضا


يشوقنا برق الحياء يوم شفناه=عله على الصمان يركز متونه
علٌه على قاع الغبيا نثر ماه=والى أمتلأ أبى الهول علوى يجونه
سال النظٌيم وجو ساقان يملاه=وعلى المنيسر ضافياتن ركونه
وسكر مهبٌه وأوله يرقب أتلاه=تكوره النسري على الرجم دونه

وله في الغزل

ياتلٌ قلبي تلٌتينن على تلٌ=تلٌ الرشاء من فوق خطو العسيفي
على محالن زلٌ فوق اربعن جلٌ=خلٌن غزير الجمٌ يذرف ذريفي
سواقهن ماكلٌ والليل ماملٌ=وغروبهن أصماد ورشاه ليفي
على عشيرن بالهوى سلٌني سلٌ=كما يسلٌ القاع سيل الخريفي
راعي جديلن هلٌ طولن على جلٌ=مايلبس ألأ كل بزن نظيفي
أشهدنٌه بالهوى مٌلني ملٌ=ملٌمال خبزن ململوه النٌكيفي
أركوا عليه الجمر والنٌار تشعلٌ=عيشه شعير وشيخ قومه خفيفي
دعسان(بن حطاب) يامشكاي والهرج للكلٌ=أنا أجنبي واجناب قفٌوا بريفي
جيته على عوص النٌضى وقفة الظلٌ=شيب الغوارب نايسات الحفيفي


وله مسندن على أبنه عبدالله عندما طلب منه الذلول للخروج بمغزا ورفض حنيف خوفن على أبنه والذلول.
وأخذ أبنه الذلول سرن وعند ملاقاة الاعداء ذبحت الذلول .
وقال حنيف



أقول يابني فاطري لاتجيها=ماكل يومن للرجال جميل
لي فاطرن يفرحبها ضارب الخلا=اليا صار بالمضمى ولاش صميل
خطرن عليها من أوماية العصاء=من خفتن فيها وزود جفيل
تفزفزت خادعن اليا جفل=اليا شمن الحذرات ريح فتيل
كد خطرت من عقلتن صوب عقله=وممسى النضى ماجالها مقيل
لعل قفشن ماثنى دون فاطري=عليه حدبان النسور تميل

ورد عليه أحد المشاركيين بالغزوا .
الشاعر زيد بن جريد المطيري وقال:


ذلول بن سعيدان من عرض غيرها=من عرض هجنن مالهن مثيل
وأبوي يايومن علينا وعنهم=الدم من بين القبيلين يسيل
وأبوي ياثمانيتن خلافها=مثل الخشب في جاضع السيل
غداء هذال وعقاب شوخنا=وأجمالنا يوم الجمال تشيل

وله في ساعة أمتحان عندما قال أحد الشعراء


خمسة عشر فنجال لحنيف صبيت=لو أن بطنه قربتن كد ملاها
ورد حنيف وقال



عزالله أني من دلالك ماتقهويت=مايٌنقه الشراب من كثر ماها
وراك ماسويتها يوم أنت سويت=مثل العميم اللي يزين سواها
ياموصي الحرمه على صكت البيت=تقول ماهو فيه وأنته وراها
وأخيبة أمك يوم قالت تظنٌيت=ياخيبة أمٌك واقطيعة رجاها

وله ممازحن


صارت فناجيل الضٌحى لأم ديدين=اللي تملي ثوبها من لبنها
اللي ليا جاء تالي الليل ليلين=تزعل ليٌامن الفحل ماطحنها

وله عندما كان مسير عن الحمادين . وكان يدخن وقال له من معه أنتبه هناك مطوع من الأخوان
وقال أحنيف


قابلتلي مطوع عند الحماديين=أمطوعن وأتقول فيه أنقلابه
أما من السكان وألا العيابين=والا وهيطين خواله غرابه


منقول .....


أبن مصاول

علمتني الحياة : انني إذا أردت أن احلق مع الصقور ,فلا أضيع وقتي مع الدجاج.
قمة الغباء .. أن تحاول أن تكون عميق .. في زمن أصبحت كل أشياؤه سطحيه.
سُئل هتلر : " من هم أحقر الناس الذين قابلتهم في حياتك؟" فأجاب: " أولئك الذين ساعدوني على احتلال بلدانهم"
غير متواجد حالياً
 رقم المشاركة : ( 7 )
جديد
رقم العضوية : 1071
تاريخ التسجيل : 23 11 2007
الدولة :
العمر :
الجنس :
مكان الإقامة :
عدد المشاركات : 45 [+]
آخر تواجد : 06 - 12 - 09 [+]
عدد النقاط : 10
قوة الترشيح : واحد is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : حنيف بن سعيدان (ربع مطــــــــــــــــــــــــــــــير)

كُتب : [ 07 - 12 - 07 - 01:22 AM ]

للد درك يابن مصاول
بيض الله وجهك

ردد معي
سبحــــــــــــــــــــــان الله وبحمـــــــــــــــــــــــــــــــــده
غير متواجد حالياً
 رقم المشاركة : ( 8 )
<img src=
رقم العضوية : 54
تاريخ التسجيل : 15 05 2007
الدولة : ذكر
العمر :
الجنس :
مكان الإقامة :
عدد المشاركات : 32,017 [+]
آخر تواجد : 20 - 03 - 24 [+]
عدد النقاط : 29
قوة الترشيح : أبن مصاول is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : حنيف بن سعيدان (ربع مطــــــــــــــــــــــــــــــير)

كُتب : [ 07 - 12 - 07 - 04:04 AM ]

ووجهك اخي واحد وأشكر لك مرورك وعسى ان اكون بهذا الموضوع قد خدمت شاعر وعلم كبير مثل حنيف بن سعيدان(ربع مطير)..

علمتني الحياة : انني إذا أردت أن احلق مع الصقور ,فلا أضيع وقتي مع الدجاج.
قمة الغباء .. أن تحاول أن تكون عميق .. في زمن أصبحت كل أشياؤه سطحيه.
سُئل هتلر : " من هم أحقر الناس الذين قابلتهم في حياتك؟" فأجاب: " أولئك الذين ساعدوني على احتلال بلدانهم"
غير متواجد حالياً
 رقم المشاركة : ( 9 )
ممنوع
رقم العضوية : 1167
تاريخ التسجيل : 06 12 2007
الدولة :
العمر :
الجنس :
مكان الإقامة : ][ الرياض ][
عدد المشاركات : 72 [+]
آخر تواجد : 06 - 02 - 09 [+]
عدد النقاط : 10
قوة الترشيح : هاملية مطير is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : حنيف بن سعيدان (ربع مطــــــــــــــــــــــــــــــير)

كُتب : [ 07 - 12 - 07 - 04:18 AM ]

الله يرحم الشاعر حنيف بن سعيدان

علم كبير من اعلام القبيله

/

كل الشكر ابن مصاول على الطرح المميز والثري لعلم كبير


ودي ووردي

غير متواجد حالياً
 رقم المشاركة : ( 10 )
<img src=
رقم العضوية : 54
تاريخ التسجيل : 15 05 2007
الدولة : ذكر
العمر :
الجنس :
مكان الإقامة :
عدد المشاركات : 32,017 [+]
آخر تواجد : 20 - 03 - 24 [+]
عدد النقاط : 29
قوة الترشيح : أبن مصاول is on a distinguished road
الأوسمـة
بيانات الإتصال
آخر المواضيع

التوقيت
افتراضي رد : حنيف بن سعيدان (ربع مطــــــــــــــــــــــــــــــير)

كُتب : [ 07 - 12 - 07 - 07:23 PM ]

حياك الله أختي ...هاملية مطير وسرني مرورك وتعليقك,,, وربع مطير يستاهل من يكتب عنه كتب لا موضوع ورحم الله أموات المسلمين

علمتني الحياة : انني إذا أردت أن احلق مع الصقور ,فلا أضيع وقتي مع الدجاج.
قمة الغباء .. أن تحاول أن تكون عميق .. في زمن أصبحت كل أشياؤه سطحيه.
سُئل هتلر : " من هم أحقر الناس الذين قابلتهم في حياتك؟" فأجاب: " أولئك الذين ساعدوني على احتلال بلدانهم"
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حلفي خنذف أو خندف وشبابه أبن مصاول تاريخ مطير وأنسابها 30 04 - 03 - 12 05:35 AM
هامور جنيف وصل يبارك لكم بالشهر الفضيل هامور جنيف منتدى استقبال الاعضاء واخبارهم 4 07 - 09 - 08 02:00 PM
مع هامور جنيف مافيه خبر يتأخر ( نتائج الكليات العسكرية بطريقها للأعلان ) هامور جنيف المنتدى التعليمي 1 03 - 09 - 08 04:34 PM
تواصل الأخطاء في مسلسل نمر بن عدوان بسرقة بيت لــحنيف بن سعيدان(ربع مطير) أبن مصاول تلفزيون وسينما 3 12 - 11 - 07 03:26 AM


الساعة الآن 11:45 AM.


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم

إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها