الضيوف الهم حصانه

بودي نتسلى مريت القسم وشوقتني المحاورات

ياسلامي والعتب بين خلق الله مباح=والضيوف الهم حصانه هذا سلم العرب
الخصيم بوجه خصمه يلوح بالسلاح=يالله تكاف المواذي وعرضات النشب

صح لسانك أخوي حمود ...وبداية قويه ونعم الضيوف الهم حصانه

صح بدنك أخوي يابن مصاول


شاكر مرورك وطيب منطوقك

تحيتي

العتب حسب الميانه وحسب الرتياح
والحصنه ترفع احيان في وقت الطلب
استريح ولاتخاف السهوم ولارماح
دام مشيك يالعتيبي مايضر العصب

صح لسانك يالدولي وإستلم لاهنت

أنت مستعجل على ويش معك اليا الصباح=ماترد لنا التحيه بترتيب الادب
ما حكمنا جد رمي العصا والا مزاح=بين ابو طالب علي والشقي ابو لهب

ياحمود الله وكيلك ظلام الليل باح
والمشاكل والحاشاكل تجيبلنا العجب
ياصحيبي لاتشيل العصا بليا جناح
العصا للي عصا والذهب وزنه ذهب

ما نقضت اللغز باسلوب نهديك السماح=لو نشوف الميل بالعين واصل للركب
ما أنثى عزمي وأنا وارد الجم القراح=لو سرى بالليل ابو فأس يجمع فالحطب

صحت السنتكم شعراءنا وبيض الله وجيهكم ما قصرتوا الله يعطيكم العافية

الزمن هذا الذيابه يهجهجها النباح
والاسود اسود لواحتمت فيه الذئب
من ورد هداج تيما يبا يفلح فلاح
ومن يحس النار ياحمود بياكله الهب

من كلامك تستحق الشهاده والوشاح=دوبنا ماهل شعبان باقي من رجب
ياسمي كلٍ وفاله فجوج الله فساح=مايزر الثوب بيداه مشلولٍ عضب