أأأأأقتتتتتتتتتراح!!!

والله إنكن صادقات ياسنا برق وريم

فيه بعضهن والله ماتغطى خير شر لافه الطرحة المطرزة ومطقمتها مع تطريز العباية والشنطة والجزمة والتنورة طبعا العباية مفتوحة من قدام . . وإذا كلمتهن تلفظن علي والله أتمنى تنشق الأرض وتبلعني ولا أسمع كلامهن .


هن رايحات يورن الناس إنهن يعرفن يكشخن ولا رايحات يقضن أشغالهن ؟ ؟

المفروض الهيئة إذا شافت هالأشكال تمنعهن دخول السوق ولا ياخذون عليهن غرامة بمبلغ طائل عشان ما يتعودنها مرة ثانية . .


الله يهديهن ويصلحهن . .

شكرا ابن مصاول على التفاعل ...أنا من رأيى أنو كل الطرفين لازم يتقيدو بالاخلاق (وبعدين معاك يابو ضيف الله أنت وقلبك الأخضر متى ييبس)؟؟؟؟؟

شكرا ريم ولي عودة

أختي ريم أسعدني تواجدك ..وكلامك صحيح كذا مرة نشوف زي المناظر الي ذكرتي ونقول يالله المستعان ...والله هالبنات ماعندهم رجــــــــــــــال ؟؟؟؟؟؟

سنا برق اشكرك على الموضوع القيم والمبدع كذالك


بالنسبه لمشاكل الشباب كثيره وراح اذكر الي انا شفته

قصات الكدش لبس البناطيل مثل طيحني وبابا سامحني

لكن في ضاهره اشوفها وتحرق اعصابي والكل يسويها ولد قبيله ولا غيره

والي هي ان الواحد ياخذ اخته ويكشخ بها بالسواق والهدف انه يغازل

ظاهره انتشرت عند الشباب والعكس الاخت تكشخ بخوها

بالنسبه لسواقين مثل ما ذكرن الخوات

قبل الي عندهم سواق كانو يستحون انهم يقولون ان عندنا سواق لكن الان الوضع اختلف

صارو يفتخرون ان عندهم سواق والي يمشيه الحريم من ام او بنات والرجل ضايع

الوقت الحالي البنت الي ماعندهم سواق ضعيفه او مسكينه ضاهره منتشره عند البنات

لكن في اشياء تذكر والحقيقه اني ما شفتها والحمدالله وعساني ما اشوفها

البنات البويه والاسحاقيات والقروبات منتشره بالرياض والشرقيه وجده

الحقيقه اشياء نشوفها لا يرضاها لا دين ولا عقل ولا مجتمع

لكن ارجو من الاعضاء النقاش في اشياء اكتسبناها من الغرب مثل

عيد الحب الذي لم نعرفه من قبل وشبابنا وشباتنا مع الخيل يا شقرى يلبسون الزي الاحمر ويالله عاد دوران ورقص

عيد الميلاد وعيد الام الكفار دينهم لم يحفظ لهم كرامت الام ولكن ديننا يدعونا الي البر بهم والاخلاص لهم
عشان كذا اتو بعيد الام والعرب اول شعوب العالم بالتقليد

المجال واسع والكلام فيه طويل ومواضيعه كثيره

واتمنى ان اكون وفقت وقدمت شي يزيد من تفاعل الاعضاء بالموضوع

مداخلة جدا جميلة أخوي ابن مصاول الصغير . .

صدقت والله إن أشوف السوق قبل الأعياد تكثر فيه هالحركة البنت ماخلت على نفسها شي من الزينة إلا وحطته وأخوها كاشخ وراز عمره جنبها ومتمسكين بيدين بعض ولا حاط يده من ورى على كتفها ( وين حنا فيه ؟ ! ! ) في شي اسمه احترام الأدب والذوق العام . .



هذولي وين أمهم وأبوهم ؟ ؟
يعني راضين بوضعهم . ولا مايدرون عنهم . .

أو أنهم ما تربوا على المبادئ والقيم الاسلامية . .

وأزيدكم من الشعر بيت . . بعض الأسواق اللي يمنع فيها دخول الشباب إذا جت بنت وشافت شباب برى قالت لهم اللي بيدخل معي على أنه أخوي يعطيني مبلغ وقدره . . عاااد هم ما يصدقون على الله أهم شي يدخلون لو دفعوا اللي وراهم وقدامهم. .

طيب السوق للعوائل مافيه مستلزمات رجاليه هو بالله يدخل
وش يسوي ؟ ؟ ! ! ! !

يا أخوان الموضوع عنوانه (أقتراح) وهذا الموضوع يطبق أقتراحاته بفتح مواضيع منفصله لا ان نضع عباس على دباس ..

نرجو من المشرفين على هذه الأقسام مناصحة الأعضاء بفتح مواضيع منفصلة كي تكون الفائدة أكبر ويكون التركيز على موضوع واحد ..

أرجو من المشرفة المميزه أرجوان أن تجمل هذه الظواهر في آخر الموضوع مثلاً..

1-الكدش..

2-...

3-.....


وهكذا ثم تغلق الموضوع ونوجه الأعضاء بفتح مواضيع حتى يتحرك منتدى النقاشات الإجتماعية بمواضيع تركز على موضوع واحد في كل مرة ..


أبن مصاول

أخوي ابن مصاول .. يمكن لأنا منقهرين من هالظواهر تحمسنا وكل واحد طلع اللي بقلبه من هاللي يشوفه واختلط الحابل بالنابل .

بسم الله الرحمن الرحيم



أخواني وأخواتي الأعضاء ..





من خلال نقاشنا السابق خرجنا بعدة قضايا تخص الشباب والفتيات ألا وهي "

1- خروج الفتيات بكامل زينتهن للأسواق

2- وجود الشباب بلا داعي في الأسواق قبل مواسم الأعياد .

3- عيد الحب .

4- عيد الميلاد .

5- عيد الأم .

6- البنات المسترجلات ( البويات ).

7- الشباب ونسفهم لصفات الرجولة ( بوضع المكياج , لبس الإكسسوارت , تطويل الشعر والقصات الغريبة ,تضييق الملابس ...)

8 - تخلي الأب عن مسؤليته و تسليم السائق زمام أمور الأسرة .


******************


هذة قضايا وكل قضية لابد لها من أسباب أدت إلى ظهورها .. ولا بدمن وضع حلول لكل مشكلة ..


أخواني وأخواتي .. من أراد طرح إحدى هذة القضايا فل يطرحها في موضوع مستقل حتى تتم مناقشتها وتعم الفائدة .






وشكــــــــــــــ أرجوان ـــــــــــــــرا لكم ..







الموضوع مغلق