الصداوي

الصداوي

البارحه ما غمض الطرف بنعاس = سهرت مع همي وحيد خلاوي
مابين تفكير وما بين هوجاس = وقلبي لمن واجهت غادٍ نحاوي
أبو عيونٍ سود ورموش نعاس = مزيونةٍ تخلف قليب الهواوي
صدفه تصادفنا ومع لمة الناس = في ديرةٍ بين الحفر والصداوي
ناضرتها وأنا هواوي وحساس = ولدت بعينٍ مثل عين النداوي
نظره ومنها طاح من كفي الكاس = والروح يكويها من الهم كاوي
كني كليب وعينها رمح جساس = رمح فتك بكليب ماله مداوي
كلمتها قالت سلامات لا باس = وصدت وراحت فوق جمس سماوي
راحت وأنا بقيت حاير ومنحاس = وطويت حبل الياس ماني رجاوي
أبكي عليها كل ماهب نسناس = وأعوي عواء ذيبٍ حدوه الشواوي

[/poem]

شاعر الغربه
شبل عصيم المطيري

[/SIZE]

صح لسانك ياشاعر الغربه
قصيده مميزه ورائعه
.

صح لسانك اخي شبل واعانك الله على ما واجهت من هذه صاحبة العيون السود المزيونه

القلب خضر يا شاعر الغربه ههههههههههه

صح بدنك والقلب اللي ماهو خضر يموت يابن مصاول

صح بدنك والف شكر على المرور المميز دئما يا ابن الشاعر

صـــح لسانك

صح لساانك اخوي شبل عصيم ويعطيك العافية

الله يعطيك العافيه وقصيده وبكل صراحه تدل على شاعر سوف يكون له شان في الشعر

شكرا لك خاطري حساس وشكرا للعبدلله والف شكر اختي العنود على مروركم المميز