محاوره بين الشاعرين رحمهم الله عبدالله العير المطير وو نواف العازمي

الشاعر الكويتي/ المعــــروف نواف العازمي

وهو يطلب العير رحمه الله في اعنف واشد المحاورات والفتل والنقض

اليكم بعضا منها





نواف العــازمي




سلام رديّه تذر الكحـل بعيـون الحسـد ,,,, تلفي مجال اللي يحاولها ولاهـو حولهـا
السبت قدام الاحد واللي ورى السبت الاحد ,,,,, اقولها واللي معـه فكـرٍ سليـم يقولهـا



عبدالله العير المطيري




يامرحبا ياسعود يوم انك تغني مـع سعـد ,,,,, اهل العقول البيض مدري وش دخل بعقولها
تراك يانواف ابن منور غريب (إ)عن البلد,,,,, والمقفليّـه عنـد رجـالٍ يحفـظ قفولهـا



نواف العــازمي




دام البقاء بسعود خيّال الجهام المعتمـد ,,, ما اقولها لأهل الطبول اللي تدق طبولها
استغفر الله يوم قلت ام الولد جابت ولـد ,,,, يوم انها قامت تشيل الجمر وسط حثولها



عبدالله العير المطيري




إليا قنب سرحان في الظلماء ورد والا شرد ,,,, والصايحه تنخى وكـل النـاس مالدولهـا
عين المهلهل عقب اخوه كليب والفها الرمد ,,,, والناس قامت يم .... حروثها تعن خيولها



نواف العــازمي




انا ادري انك علةٍ صرمى ولاادري وش بعد ,,, المشكله حليـاك حلياهـا وزولـك زولهـا
ترعد وتبرق سالفتكم جعـل مافيهـا بـرد ,,, يالله عساها المزنه اللـي ماتسيـل سيولهـا



عبدالله العير المطيري




ابن الحلال اللي حرث عنها تورط وانقرد ,,, انته تحاليهـا وانـا حملتهـا بحمولهـا
الله واكبـر يالعـوازم ياقوييـن الجهـد ,,, ان كان فيكم خير سربتنا الصباح اقفوا لها



نواف العــازمي




ان جيت مازاد العدد وان رحت ماتنقص عـدد ,, تبغى الصحيح اضحك على ناسٍ خفاف عقولها
عزالله انـك فـارسٍ قطـاع لـو ماترتعـد ,,, والا العـوازم خابريـن فعولكـم وفعولـهـا



عبدالله العير المطيري




انا ليا جيت اخزي الشيطان والواقـف قعـد والا انت ابو جره مايعروف ثومها من فولها
فعلت لك فعله ولاحصلّت منهـا الا النكـد يوم العرب هجت وكبـت قشهـا ونعولهـا

تسلم يمينك على النقل وائل الله يرحم العير والعازمي


تقبل مروري ووودي

مشكور اخوي على المرور ويعطيك الف عافية

عسى الله يرحم العير والعازمي

تسلم يمينك اخوي الغالي على هذا النقل الموفق تسلم وتدوم

يعطيك الف عافية اخوي الحمدلله اني مطيري وماقصرت على المرور

محاوره رائعه لشاعرنا الراحل ( العير ) مع الشاعر نواف العازمي ..

الله لايهينك على النقل ياوائل الميزاني ..

سلطان الميزاني.

رحمهم اللـــه وأسكنـــهم فسـيح جنــاته...لآهـنت ياوائل

مشكورين اخواني سلطان وشليان على المرور ويعطيكم الف عافية

تسلم يا وائل على نقلك يالغالي

مشكور اخوي محمد الفايدي الجهني على المرور واسرني تعليقك