|
||||||
|
||||||
|
||||||
|
 |
 |
 « آخـــر الـــمـــشـــاركــــات » |
|
|||||||
| شــــعـــراء منتديات الــمــــوازين كل مايخص بشعراء الأعضاء في منتديات الموازين , قصايدهم النظم وسيرتهم الذاتيه. |
 |
| انشر الموضوع |
|
|
أدوات الموضوع |
 غير متواجد حالياً
|
رقم المشاركة : ( 1 ) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
حييت من عقب القصيده ذِيْ وألا ما حييت / قصيدة مدح في قبيلة مطير
كُتب : [ 09 - 03 - 11
- 08:38 PM ]
مساء الخيرآآت والمسرآآآآت . ثاني مصافحه بقصيدة مدح في قبيلة مطير مع إعتذاري عن تواضعها وبإذن الله راح تنزل صوتية قريبآ بصوة أحد المنشدين المميزين وبالتأكييييد رآآح أزودكم بالنسخه الصوتيه
البارحه ليلي شكى وانا من الغبنه شكيت=من زلتٍ جتني كذيْا جاهلٍ بسبابها وش علم ابو راشد يرجعني عقب ماني سريت=بالرحله اللي باتة الحيه بوسط اركابها دريت عنها كان والله يالسنافي ما دريت=وافسدة سم الحيه اللي يمتلي به نابها فيني حميا من يقاشر عزوتي فيه إفتريت=وشلون عاد إن وصلت شرهه بحكم ترابها واللـه ما أنقل بندقي لن كان عنها ما أنتخيت=وإن ثارة البندق تشوش مطير من مضرابها ماني من السنحان كاني بالملاقا ما أنثنيت=من دون حمران النواظر لين تهدى أعصابها ولاني من المطران كاني بالمعارك ما سطيت=وبنيت خيمه للفخر خمسين عد أطنابها حييت من عقب القصيده ذيْ وألا ما حييت=عندي تساوة دنيةٍ شاين بنا هندابها يوم إستوى هجسي على الجزله من العصر استويت=من فوق عصماً تطوي البيدى لعين أحبابها لين إقترن راسي مع سهيل اليماني وإعتليت=صرح المديح بعزوةٍ يا طيْب عرق أنسابها مشيت يمْ مطير ببيوت الفخر وألا عديت=عز الله إني ما وصلت إلنقطةٍ بكتابها لكن جهدي ببذله لو كان والله ما وفيت=والعذر يسبقني لشمْطان اللحا وأشنابها أنا ولد عباد وأنعم غصب في حال إعتزيت=بالعبدليه ينتخي راسي على حرابها عبادله بالباس والله كونوا بالحرب صيت=بالفعل ترسي ما تلفت للعدى وخطابها وإن دق ناقوس الخطر ربعي من الطنخه تبيت=ما همهم ذيبٍ عوى بالليل وسط شعابها وإن قلت علوى والله إني من فعايلهم طغيت=قومٍ تولاهم ترى سرب الطيور اولابها زعيمهم خاشر زعيمٍ مِرْتوي من فوق هيت=وأرسى بسيفه عرش حكمٍ يوم هَزْ بغابها وقت اللزز يوم الخطر فوق الجزيره ما نشيت=عنوان بالصمان حنا حاكمين هضابها وان قلت يا بريه السعد عاني من الطنخه رقيت=سيرة بطولاتٍ ولي العرش بس ادرابها فرسانهم يوم اللقا يا ناس والله كيت كيت=ما دبْروا بل وردوا ( والنار من شبابها ) لين العدى صارة تردد ليت يا ربي يا ليت=يوجد بنا فارس يورد يوم كلٍ هابها أنشهد إن مطير تَبْدى في عروقي لا بديت=واحتار مدري كيف ارتب بالبيوت القابها حمر النواظر من ظفرهم سميوبه واستميت=علامة الجوده لنا بالعين كحل اهدابها وحنا هل الردات لا فرة وكرة جيت جيت=أعلْم العذال كيف مطير كيف عقابها اهل الثلاث المعجزه اللي بها يا ما كويت=ناسٍ تَلَبْس مشلحٍ طايل على جلبابها ردي لهم في كل مجلس يدخلونه ويت ويت=المعجزه غير المطيري من هو اللي جابها هذي لنا زعلت وإلا جعل عمرك ما رضيت=تاج الفعايل قسمنا وألا أنت قسمك كابها هلحين ابحجز لك على بغداد حجز طرانزيت=في رحلتٍ ما تحتمل هرجك فقط تقرابها وليا وصلت النهر عادي بس لامنك حكيت=إسئل ودور لين تلقى بالدلايل بابها وإذا لقيت الباب يا ابن الناس في جنبه لقيت=مكتوب قصه غيرنا شاهد على كَتْابها إن المطيري عن ميت فارس بفعله وإن بغيت=قول السناح إن كانها كذبه ترى كذابها هذا الشنب ما هو على رجال لا منك ضويت=وانكرتني في قصةٍ معذور لو ترتابها مطير ديرتهم من الحره اليا حد الكويت=عجزة طواغيت البشر بالحرب محدٍ صابها حتى الموحد يوم حارب ما دلق بالنار زيت=جانا بدعوى طيْبه وشلون ما نرضابها وقدنا الجيوش اللي إدك الحصن دك الديناميت=وتقابل إجيوش العدى ولا تحسب إحسابها لين أسلمت شبه الجزيره كلبوها بيت بيت=ليمامنا عبدالعزيز اللي حكم بصحابها الله يبيحه صفحته بيضا ولا عمري قريت=في سيرته شيٍ من القسوه وفعلٍ شابها الحاكم اللي لا ذكرته بالثرى ميت دعيت=يا رب جعلك رازقه رحمتك عبر اسبابها وحْدْ ثرى كفكف دِما في دعوتي لا مَكتفيت=جعل الولي نفسه جنان الخلد عنْا ثابها والهارف اللي ناصره بالحق والله ما نسيت=أدعي له إبحسن الجزى في جنةٍ يسعابها فديت والله عزوتي بالدم من قلبي فديت=إترك شواعيرٍ عن العزوه تصك ابوابها قال المثل في ما مضى لا جيتها ثم إستحيت=حليلتك تبطي ولا ناش الثرى منسابها ويوم البلاوي جاتنا من بلوةٍ فيه إبتليت=والله ما اجامل جملةٍ جتنا خطى بعرابها رديت شاعر مجتهد حسب العوايد وارتكيت=على هجسوسٍ بالمواقف وقفته يدعابها حميت جنبي بالبيوت اللي تروع واحتميت=ربعٍ تمنيت المنايا قبل سمع إعتابها انا لو إنه سبني عن سبته والله سهيت=وأشب ناري واصطلي وأدفن هنا مشهابها لكن فيكم والله إني ما رضيت ولا رضيت=ألا بوسط النار يشْعمْ راس من غنابها والا تراني من قديم الوقت لامني بنيت=اموت في بدع الجزيله والردود احيابها البارحه وسط اللقا مطلوب فيكم ما عطيت=شلفاي عيْت لا تفك الخمس طيْب إنصابها وختمتها قبل الغروب وعدّها خمسين بيت=وبنيت خيمه للفخر خمسين عدْ اطنابها وسسلالالالامتكم وإعذروووني على القصور يا مطير تستاهلون أكثر
|
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
