قصدة اللكزس موجهه اللى الشيخ *مسير عبدالرحمن نايف الدويش

غير متواجد حالياً

السلام عليكم ورحمة الله وبركاته

LEXUS

راكب اللي صممت في شكل بنت غنوج=بالحلا تفتن قلوب البشر وتتللها
انسيابي شكلها لا ركون و لا طعوج=اوله من نوعها ما ورد شكللها
كنها موجت بحر لامعه من دون موج=اكثر الناس اتعداه ما يفطنللها
كمبيوترها معه من بلاده كتلوج=والقياده كل من قادها ما مللها
تنهصر للسايق اذا ركب مدري تموج=هصر خصر اللي تغلا على رجللها
واسمها اللي له بريق مثل برق لعوج=أجبر أصحاب الرفاهه تصير أهللها
لكزس اسم له فالأسواق ثقل وله ولوج=والأناقة رمز عنده وهو رمزللها
مركب ما لاق لهنود حمر ولازنوج=لايق للي علوم الوفا ياصللها
مركب الناس الطحاطيح راعين الدروج=قومن بكثرالدراهم دول تحتللها
من عروس البحر الاحمرتطيع امرالخروج=في رعاية عين ربي تسابق ظلها
وجهها توليه شطرالرياض بلاسجوج=لين حتى ديرة شيوخنا تدخللها
ديرتن بالطيب راياتهافوق البروج=الوفا طبع اهلها والكرم سلملها
الشيوخ ابنا الدويش اهل الفكر النضوج=ذخرعودن كايدات العقود يحللها
شيخ حمران النوظر معدل كل عوج=مانقص لمطير هيبه وهوشيخلها
ويارسولي وصل العلم للحر النهوج=مسير اللي طاغيات الضروف يذلها
قله اني بين قبضة زماني واللحوج=وسط صدري ناراً اتململه ويملها
والله اني كاني اللي مخدر بالبنوج=او كما اللي من غبونه دموعه هلها
بين غار ونار ضاقت بي وساع الفجوج=والدروب الي تودي عجزت ادلها
جعل حظي بين الاجواد شكله مايدوج=كل ما قلت اطلع لحاجةً ينزلها
والمثل ايقول ما قل دل امن الهروج=بس غيرك عقدتي عاجزاً عن حلها

صح لسان الشاعر الكبير/ ** دخيل الله بن فاطم الميموني

ولكم تحياتي