ويلاه ياقلبي من الحب ويلاه=ويلاه شف حبك ذبحني وانا حي
لولاه قلبي ما يصافيك لولاه=لولاه بعيوني ماتسوى ولا شي
عزاه يا فرقا المواليف عزاه=عزاه يا حظي طواه الزمن طي
فرقاه يا حكم المقادير فرقاه=فرقاه ظلما والظمأ يسأل الري
لاماه ليت الوقت يسمح بلاماه=لاماه من جرح الزمن لي تشفي
دنياه يا دنيا المقاسيم دنياه=دنياه زانت له وإنا عزرت في
مركاه يابخت المجالس بمركاه=مركاه مركا الطيب عز وفخر لي