غنيم ابن بطاح...والأخوان....وعام الغصيبة

والقصة.......


من المعروف أن فيصل بن سلطان بن الحميدي الدويش هو زعيم حركة الأخوان في بداية تأسيس حكم الدولة السعودية الثالثة.....

في عصر مؤسس المملكة الأمام عبدالعزيز بن عبدالرحمن بن فيصل آل سعود صقر الجزيرة وشيح المجرة.....

ويعتبر فيصل الدويش هو أول مؤسس هجرة لحركة الأخوان وهي مدينة الأرطاوية.....هدفا لاستيطان البادية......

فقال الدويش لبني عمه بريه بيعوا حلالكم....وانزلوا بالارطاوية واطلبوا الله وصلوا وصوموا بالديرة مع الجماعة.....


ردت عليه ابريه قالت احنا لبعنا حلالنا متنا من الجوع يا الدويش ومنين ناكل......ولا احنا بايعين حلالنا ولا احنا نازلين بالارطاوية..... ولانبغا التحضر وبنبقى بدو...


جاهم الخبر ان الدويش زعل على ردهم لأمره ونوى يغزيهم...وهم بالصمان مربعين... اما ينزلون الديرة والا بياخذ حلالهم اللي رافضين امره عشانه.....



ومن القصص المرادفه لها......والطريفه


كان مطلق البجادي العبيوي يشرب الدخان..... والدخان اللي يشربه عند حركةالاخوان بزعامة الدويش.......... مهدور دمه.... وعقابه.... الطق لين تطلع روح شرابه.....


ركب البجادي رايح للكويت مع امطير اللي بالكويت........... وبقت مرته مع جماعته العبيات.....


فارسل قصيدة مسنده على غنيم ينشده عن العرب وش صار عليهم ويذكر مرته...........

ومنها.....

والحقيقة اني ماني حافظها الا بعض المقاطع الغير الكامله....

ويقول من عرض قصيدته.....


علمي بهم يوم العرب بارتهاجي........؟؟؟؟؟؟؟؟؟؟؟؟؟

(أي العبيات)

وعليها من نوع الظبا وصف وغره....على اوضح لمشا يمشي رواجي

(وعليها يقصد فيها مرته)






فرد غنيم ابن بطاح العبيوي على البجادي يقول..............



يا راكب من عندنا فوق حره.............. حمرا زواها القفل والحبل ساجي

تلفي البجادي في جواب يسره......... في مشمع يشدي زبادن بعاجي

ويبشر بشوقه ويترك الهم مره......... شووقه جابوه فهود الزراجي

وقله خذت ضعاينا مع الحزم كره..........وجاه الحرار ولا بقى الا الدجاجي

وقله ترا البالود عود بحره.............. حرن بين الضلوع اللواجي

وسيفه على شين الفوالج يجره............ جروه براسه بعض المحاجي

يوم جونا الأخوان تقل خشم حره............سلاحهم خضر النمش وام تاجي

وسلاحنا اللي يزهب المشط مره............مشوكن ضربه يبذ المداجي

حنا وخالد تيس الجوازي نجره........... وضيانا بالليل مثل السراجي

والله يا لولا الشيخ شيخ المجره.......راعي النقا معطي السبايا خراجي

إنا لنعطي من بغانا مضره......لو كان ناصل يم دار العواجي

مير أن ابو تركي جنابه مبره........ حكمه قراح وحكم غيره هماجي







وللمعلومية غنيم قال هالقصيدة قبل سقوط حايل على يد ابن سعود.....والعواجي ديرته شمالا غرب من حايل حدر حكم ابن رشيد.....وغنيم يقصد انه لو القصد الأخوان تناوخنا معهم ولا همونا.......... ورحنا يم ابن رشيد....ولكن من محبته لابن سعود وحكمه....مايبون الروحه لابن رشيد.....وفضلوا الانحداره عن الاخوان يم الكويت.... لانها فتره وتنتهي ويرجعون لحكم ابن سعود ووطنهم.....




ويقصد غنيم بابو تركي بالقصيدة...الملك عبدالعزيز ابن سعود


اما سعد البالود فهو عبيوي من الأخوان.......وحطه غنيم بالقصيده...شرهان عليه وفيها من العياره عليه.........كيف انك اعبيوي وابن عمنا وجاي مع الأخوان تغصبنا على امر مانبيه ولانبي التحضر.....




أما خالد المذكور بالقصيدة....فهو خالد ابن مخلد الديحاني ....وهو ابو يوسف المخلد عضو مجلس الأمة الأسبق





وللتاريخ أيضا .....

سمي هذا العام بعام الغصيبه.......حيث ان الدويش بغا بريه تنزل بالارطاويه غصب ورفضوا أمره ......





وفي الاخير لا الدويش غزا على بريه.....وبريه رجعت من بادية الكويت للصمان بعد عام واحد فقط....وبقوا بدوا.....وظلوا بريه عز للدويش في مغازيه كلها..........لين مات.....رحمة الله على الجميع

مشكور على الكلام الرائع