إن قلت [ تعبان قلبي ] جـد ما أمزح .. !

ما هي غريبه إذا في خاطرك تجرح
قلبي تَعَـوَّد على النسيان وجراحه

سوَّدت وجه الغلا / ويحق لك تفرح
والراحه والله أبشرك ضاعت الراحه

ملِّيت أجْمَعْ طموحي وحضرتك تطرح
والقلب يسأل : دخيلك , وينْ مفتاحه ؟

إن قلت [ تعبان قلبي ] جـد ما أمزح
الهَمْ دمَّر حصون القلب , وإجتاحه

جيتك مثل ( آدمك ) في جنِّتي أمرح
وإنتَ .. وش إنتَ ؟ أكيد تكون تفاحه

ما كنِّك إلا البحر , وماعرفت أسبح
غدار طبع البحر .. ما فيـه سبَّاحه

وما كنِّك إلا طعوني , وطعنتك تذبح
في ذمتك شفت واحد حَب ذبَّاحه !؟

وشلون أحبك وأنسى غلطتك وأسمح ؟
مو كل شـي لا تكسَّر تقدر إصلاحه

خسران أدري لأنـي ما عرفت أربح
يا خلف اللـه , على قلبي وأفراحه

ما فيه داعي لعذرك ما أبي تشرح
ما دام قلبك خذا من جرحي أرباحه

إبعد طلبتك وأنا في خير راح أصبح
إن رحت عني تكون أعصابي مرتاحه

القافله تسير دايم , والكِلاب تنبح
ويا كثر ما به كِلاب بداخل الساحه !





راقت لي

لقد راق لي ما راق لكِ يا أرجوان ... واكثر بيت عجبني هو هذا

ما كنِّك إلا البحر , وماعرفت أسبح
غدار طبع البحر .. ما فيـه سبَّاحه

تحياتي ...

تسلم أخوي الفارس . .

اسعدني كثيرا تواجدك . .

الله يعطيك العافية ع المرور . .

شـكــ وبارك الله فيك ـــرا لك ... لك مني أجمل تحية .

مشكوور أخوي فهد ع المرور ..

لا هنت ع التواجد ..

اختيار رائع اختي أرجوان وماراق لك راق لي

تسلم أخوي ابن مشدد .. تواجدك هو الرائع

الله يعطيك العافية ع المرور ..

رائع ما نقلتي اختي أرجوان مع ان بعض الأبيات غريبه ولكن أعجبني كثيراً:

وما كنِّك إلا طعوني , وطعنتك تذبح
في ذمتك شفت واحد حَب ذبَّاحه !؟

قول الشاعر في القفله :

القافله تسير دايم , والكِلاب تنبح
ويا كثر ما به كِلاب بداخل الساحه !

هو يبغى يقفلها بالقول المأثور (القافلة تسير والكلاب تنبح) ولكنني أعتقد انه أفسد القصيدة بهذه القفلة الغريبه فمهما كان لا داعي لهذه العبارة في قصيدة عتاب..

سلمتي وسلم نقلك المميز

لقد راق لي ما راق لكِ يا أرجوان ... واكثر بيت عجبني هو هذا

وما كنِّك إلا طعوني , وطعنتك تذبح
في ذمتك شفت واحد حَب ذبَّاحه !؟

تحياتي

الله يسلمك أخوي ابن مصاول . . ولا هنت ع التعليق


تسلم أخوي عيد .


الله يعطيكم العافية .
اسعدني تواجدكم العطر .