يالله يــاقــابـــل صـــــــلاة الـمـصـلــيــن

غير متواجد حالياً

الله وأكــبــر يــبــدي الــنـــور ويـبــيــن=الله وأكــــبـــــر لابـــديـــنـــا وقـــلـــنــــا
يالله يــاقــابـــل صـــــــلاة الـمـصـلــيــن=يــاربــنــا يــالــلــي عــلــيــك اتـكــلــنــا
يامـنـزلـن ســــورة تــبــارك ويـاسـيــن=إنـــــك تــديـــم إيـمــانــا فـــــي وطــنـــا
يـالـلــي لـيـاقـفـا مــــن الـلـيــل ثـلـثـيـن=أبــــواب عــرشــك لـلـدعــاء يـفـتـحـنـا
يامـسـتـجـيـب لــدعـــوة المستـقـيـمـيـن=مـتـوسـلـيــن إلـــيـــك يــــــارب عـــنـــا
الـراكـعـيــن الـسـاجــديــن الـكـفـيـفـيـن=الــلـــي إيـديــهــم لـلـسـمــاء يـرفـعـنــا
تـحــت المـنـابـر رافــعــات الـمـواذيــن=بالله وأكــــبــــر تــحــتــهــا نــطــمــأنـــا
نـاصـر رســول الله فــي بـــدر وحـنـيـن=اسـراجـنـا الـلــي زال ظـلـمــة جـهـلـنـا
تــهـــد حــيـــل الــزمـــره المـسـتـبـديـن=وتــهــد حــيــل الــغــاوي الــلــي فـتـنــا
هــــدام صــــدام الأمــــن والـبـراهـيــن=آمــــــال شــعــبــه بـــعــــد مـاحـقـقــنــا
أنـهــار واسـتـولـت عـلـيـه الشيـاطـيـن=وفـوقـه ابلـيـس الـعـود هــدرس وغـنـا
مـلـعـون والـلــي يستجـيـبـه مـلاعـيــن=ويـخـسـا ضـعـنـهـم مـايـبــاري ضـعـنــا
لاديــــن لاشـيـمــة عــــرب لاقـوانــيــن=لافــكـــر لاتـمـيــيــز لاحـــســـن ظـــنـــا
قــومـــن ولاة أمــورهـــم مسـتـخـفـيـن=لايـمــكــن إنــهـــا بـالـســعــاده تــهــنــا
صــدام فـكــر فـــي سـطــور القديـمـيـن=شــف كـيـف كـنـت وشفلـنـا كـيـف كـنـا
حـنـا نعـرفـك بـــس مـانـعـرف حـسـيـن=وإنـــا تـعــرف الــنــاس أبــانــا وحــنــا
تـهــبــون مـنــتــو قــدنـــا يـامـسـاكـيـن=مـن زعـل منكـم مــن رضــي ماشحـنـا
يابـربـر أنـتــم ويـــن والممـلـكـه ويـــن=مـاسـمـنـك يــكـــود فـضــلــت صـحــنــا
يــاطـــول مـاحــنــا عـلـيـكــم مـغـطـيــن=والـحـمــس طــلــع ريـحـتــك يابـصـلـنـا
أبــــوك حــنــا للـضـعـافـاء عـطـوفـيــن=ومـــن صـكـتـه غـبــر الـلـيـالـي زبــنــا
ولا يـخــوفــنــا هـــديــــر الــبــعــاريــن=تخـشـى جـمـال الـقــوم هـــدرة جمـلـنـا
عـاش الزعيـم اللـي رفـع رايـة الـديـن=هــو عـزنـا هـــو نـورنــا هـــو زحـلـنـا
بـطــل الـخـلـيـج وخــادمــن للـحـرمـيـن=قــايـــد مـسـيـرتـنــا مــحــقــق أمــلــنــا
دنــيــا وديــــن وسـلـطـتـن للـسـلاطـيـن=وفــيــك الـخـصــال الـطـيـبـه يـوجــدنــا
عزم وجزم وأصل وفصل ياأحمر العين=نـصـر وقـصـر فــي قـطـر ظـلـك سـكـنـا
عيـنـك قــدم وخــلاف ويـسـار ويـمـيـن=وشـبـرك يـعـدي راعــي البـطـش عـنــا
ولــي عـهـدك مخلـصـن مـعـك وامـيــن=رجـــل الـوفــا فــــي طـاعـتــك مـاتـأنــا
وبـالـحـرس تـشـهـد عـلـيـه الـدواويــن=ونـشـهـد مـعــه مـــن شـامـنــا لايـمـنــا
قوة حـرس عاصـر بهـا العسـر والليـن=ويـصـعـد بـهــا فـــوق الـعــلا واعتـلـنـا
والـنـايــب الـثـانــي كــعــام الـمـعـاديـن=مـحـبـتــه وســـــط الـضـمــايــر تــبــنــا
قــاد الـدفـاع الـلـي تـخـوض المـيـاديـن=ودافــع عــن حـيـاض الـوطـن ماتـهـنـا
وفضلـك يابـو فيصـل علـى المستحقيـن=بـيـنــت نــابــه يــابـــو فـيــصــل وبــنـــا
الــلــي بـذلـتــه لـصـدقــاك الشـقـيـقـيـن=كـويـتــنــا تــحــمــد عــلــيـــك وتــثــنـــا
يــوم الحـريـم مــن المـلابـس عرايـيـن=وأطـفــالــهــن بـكـفـوفــهــن يـلـعـجــنــا
ثـم أعلنـوا بالصـوت ويـن العـرب ويـن=الـجـســم عــــاري والـتـجـفـف قـتـلـنــا
قــال الفـهـد نـعــم الـفـهـد والعضـيـديـن=يــامـــن نـخـيـتـونـا تـــرانـــا وصــلــنــا
تـبـشــروا بـالــعــز ذلـحــيــن ذلـحــيــن=الــمــال يــصــرف والـمـسـاكـن تـبــنــا
مـــده سـخـيـه مـــن يـديــن الكريـمـيـن=وقــال الفـهـد بـســم الـسـعـودي بـذلـنـا
وحـنـا بفعـلـك يـابـو فـيـصـل فـخـوريـن=وأعـمـالـك الـلــي بـالـشــرف طــورنــا
وحـنـا جـنــود الله فـــي خـدمــة الـديــن=فـــي خـدمــة الـقـايـد وخــدمــة وطــنــا
تـحـت العـلـم نحـمـل شـعـار الـفـداءيـن=لــك يافـهـد ولـنـا الـشـرف فــي عملـنـا
نـعــم المـسـمـي والـرجــال المسـمـيـن=سـمـيـتـنــا وإنــــــا حـمـلــنــا وشــلــنــا
وحـنــا لــرهــن إشــارتــك مسـتـعـديـن=الأمـــر مـنــك وطــاعــة الأمــــر مــنــا
أنــت ولـــي الأمـــر وحـنــا المطيـعـيـن=جـنــود أبـــو فـيـصـل ومـــا قـــال قـلـنـا
في صـف واحـد مايجـي الصـف صفيـن=لـــو كـــان نـمـشـي فالـخـطـا ماسـألـنـا
أبنـا الوطـن وأبنـا العـرب والمسلمـيـن=نـؤمـن وإلـــى شـلـنـا الأمـانــه مـاخـنـا
أبـنــا القـبـايـل بـالأحـاسـيـس واعــيــن=ولا نـجــنــب عـــــن تـقـالــيــد أهــلــنــا
نـخــوه وغـــاره واعـتــداد الجـذوعـيـن=نـصـبــر ونــقـــدر وإن بـلـيـنــا فـعـلـنــا
بـعـقـولـنـا ولــيـــا بــــــدن الـحـفـيـفـيـن=نـنـســى الـعـقــول ولنـتـصـرنـا عـقـلـنـا
ولـــــولا مـجـنـنــا كـلـتـنــا الـمـجـانـيـن=تـطـمـع بــنــا الـجـهــال لــــولا جـهـلـنـا
هــذي طبايعـنـا مــن شـهــور وسـنـيـن=آخــــر زمــنــا مــثــل مــاضــي زمــنـــا
الـشـر ننـطـح بـــه وجـيــه الشـريـريـن=ومـــن قـــدم الحـسـنـات خـــذ مـاتـمـنـا
يعيـش أبـو فيصـل معـي قولـوا ءاميـن=بالله كـمـلــنــا ثــــــم بـــــــه أكـتـمـلــنــا
يـالـلـي سمـعـتـوا الأكـلـبـي ومتـوحـيـن=يرجـي السمـوحـه بـعـد هــدرس وغـنـا
الله وأكــبــر يــبـــدو الــنـــور ويـبــيــن=الله وأكــــبـــــر لابـــديـــنـــا وقـــلـــنــــا

الشاعر/سعد بن جدلان