الشاعر الكبير:محمد خلف الخس

يامرحبا يااللي لـك القلـب مفجـوج=عـداد نسنـاس الهبايـب ليـا فــاج
حطيت ريع بوسـط القلـب هجهـوج=ياعيـن حـر بالخضيـرا لـيـا راج
حبك طفح بي طفحت السـاج بالمـوج=ماعاد لي عن حبـك اليـوم مخـراج
اودعتنـي لاشـرب ولاكـل ولادوج=ولاستطعم المنطوق مـن كـل هـراج
لاغبـت عنـي دق بـي كـل دالـوج=قامـت تواردنـي هواجيسـي ازراج
قلبي يجينـي نـوج واضيعـه نـوج=يجيه مـن فرقـاك سجـه وسوهـاج
كن البنات الشقر عنـدي مـن الهـوج=ماكن به غيـرك علـى الارض دواج
عندي جميع السن بنات العرب عـوج=الا لسانـك فيـه لـي طـب وعـلاج
في هرجتك شئ من السحر ممجـوج=والنور مـن غرتـك يطلـع وينبـاج
وليـا ضحكـت بذبـل مابهـا فلـوج=مثل البرد مـن مزنـة تلعـج العـاج
واغضيت في سودن بها السحر مدعوج=ترسل سهوم الموت من حجره افـواج
تنثـرن شقـر مثـل كاسـي الغـوج=تاصل اليا ردف كمـا حـزف ديبـاج
جاني بـلا فالقلـب يسوجنـي سـوج=يتلنـي يمـك لـك الـروح تنـعـاج
كني اليا شفتك علـى انهـار وبـروج=والاملك شعبٍ علـى راسـي التـاج
واليا بديت بضحك وهـروج واغنـوج=قلبي غدا زبده على صالـي الصـاج
او مير كني بين الاضـلاع مخجـوج=بشلفا مثـل شلفـا غنيـم بـن فـراج
غنيم بن شبـلان مخلـن لـه سـروج=ليا صاح في تالي الرمك راحت امراج
تبـا تخلينـي مـن العقـل ممـروج=على العمـر شامـان تدرجنـي ادراج
ياروح روحي كـان مامنـك منتـوج=خف الغلا لاعـاد تحرجنـي احـراج
خليتني يازيـن الاوصـاف محـروج=صليـت فيّـه شـرق ماعـاد يحتـاج
لـو قلـت سيـر وخـذ عندنـا روج=جيتك على الاقـدام ممشـى ودفـلاج
اجـي وانـا مبهـوج واروح مبهـوج=ليا حصل لي منك لـو رفـة احجـاج

كلمات الشاعر محمد خلف الخس

صح لسان الشاعر/محمد خلف الخس.ولاهنت على النقل اخوي فاضل

صح لسان الشاعر الكبير محمد خلف الخس على هالقصيدة
ويعطيك العافية اخوي فاضل على النقل المميز

ابن صحران مشكور على النقل وصح لسان الشاعر

تقبل مروري ابن زهيد..

صح لسان الشاعر / محمد خلف الخس [شاعر البستان]

لاهنت اخوي فاضل على النقل المميز

الشاعر محمد الخس (البستان) كما أسماه الملك عبدالعزيز وهو شاعر وراوية ومحبوب من جميع القبائل وقد أشتهر بشعر الغزل فهو يعتبر (هزاني مطير) بلا منازع ويتميز شعر الخس بقوة الألفاظ وجزالة المعنى وأختياره للقافية التعجيزيه ومثاله القصيدة اعلاه التي وظف فيها كلمات نادرة لا تمر هذه الأيام ومنها

نــــــــوج : سرعة الرياح والشاعر يقول ان قلبه يأتي بسرعتها ويذهب لأنه لا يملكه

دالـــــــوج:فكره

الــخــضــيــرا: طائر وقيل هو الوروار

ازراج: تنطلق بسرعه

الـهــوج : من ينساها بسرعه لهوجها

ذبــــل: شدة البياض وصغر الأسنان .

تـلــعــج الـــعـــاج : تبرق


الــــغــــوج : الخيل

حــــزف

وفي الأخير لابد له من الرجوع للتاريخ فهو راوية ومؤرخ شهير حيث قال :

او مـيــر كـنــي بـيــن الاضـــلاع مـخـجــوج=بـشـلـفــا مـــثـــل شــلــفــا غــنــيــم بــــــن فــــــراج

وهو يقصد : غنيم بن فراج بن ظافر بن عفنان العارضى فارس مشهور في قبيلة العوارض من مطير.


وقوله

غـنـيــم بــــن شــبــلان مـخـلــن لـــــه ســـــروج=ليا صاح فـي تالـي الرمـك راحـت امـراج

يقصد غنيم بن شبلان الجبلي فارس مشهور.

دفلاج:منقاد



نعم هذا الشاعر يجعل أكثر النقاد ومتذوقي الشعر يتوقفون امام قصائده كثيراً لأنها كحوليات زهير أبن أبي سلمى..


الأخ فاضل سلمت على النقل ولا هنت

صح لسان شاعرها

ولاهنت ياخوي فاضل ع النقل الجميل

صح لسان الشاعر الكبير محمد خلف الخس
الف شكر أخوي فاضل عذال الميزاني
نقل أكثر من رائع

الله اكبر .............هذا الشعر الحقيقي ومشكور على النقل يابن عذل اسألك باله ان تحرص على اثراء هذا المنتدى العظيم بالقصائد العظيمه.
ومشكور على مرورك بابن مصاول ولتوضيحك لبعض الكلمات وهذا ان دل يدل على اطلاعك وثقافتك العاليه

تعديل لما سبق. وأسألك بالله