اقتباس:
المشاركة الأصلية كتبت بواسطة راس الضلع
ياااحووول يا سيارتي المسكينه اشتهت وتغني وتقووول اللي عطاهم بالكريك يعطينا بالملعقه هههه
موضوع 100% يعطيك العافيه
|
لا تيأس يا أبو احمد ...لاتيأس ...لا حياة مع اليأس ولا يأس مع الحياة
وأبي أقولك سالفه:
فيه واحد كانت عنده سيارة رايحه فيها وكان يذم حظه وحالته وفي يوم من الأيام ما شاف إلا السيارة تبكي
عاد هو طلق وحرم إلا يقلبها طياره ففرحة السيارة
ثم ذهب الى ساحر وقاله أبيك تقلب سيارتي الكركوبة الي طيارة فقال له سوف أقلبها لك ولكن وش تعطيني؟؟؟؟
قاله أبي أعطيك من قيمتها إذا بعتها ..قال: زين.
المهم عطاه عصا وقاله إذا جيت سيارتك الصبح قبل ما تشغلها وقف قادمها وقلها (هيلا هوب ) تبي تنقلب طياره...قال بس كذا قال نعم !!!!
وهو ياخذ العصا ويروح لسيارته ولان الوقت ظهر !!! قال آه يالقهر لو ان الوقت صباح كان ماهو مشكله!!!
المهم يوم جا صباح اليوم التالي طمر من فراشه <<<<أصلاً هو ما رقد ههههههههههههههه وراح للسيارة اللي موقفها قدام البيت(الشكل العام:الكفره اللي قدام منشقه,الزجاج الخلفي متشطب,الكبوت ربعه طالع برا,الصدامات ما بقى فيها محل لصدمه هههههههه) المهم يوم وقف قدامها...
قال: هيلاهوب !!!
وهي تنتفخ وتنتفض وترقا وتطلع ثم تفقع مرة وحده ولاهي صايره طياره ..فرح وراح ينطط حولها ويقول : يا هووووووووووووووووووووووووووووووه طياره .
المهم تجمعوا حوله جيرانه وأنهبلوا من هالطياره اللي قدم أبيوتهم وباركوا له ...وراحوا من عنده ولكن تبقت مشكله كبيرة وهي كيف تعود سيارته لحالتها الطبيعيه لأن الطيارة سكرت الطريق ..
فتذكر ان عنده تلفون الساحر فكلمه وقال: الحقني كيف أرجعها لحالتها الأولى؟؟؟ لأنها سكرت الطريق؟؟
قال: ماهو انت الى تقول: تبي طيارة وصاجنا؟؟؟
قال إلا بس هالحين أبي السيارة ترجع لحالتها حتى بكره لأنها مسكرة الطريق وبكره أبي أروح اوديها للسوق واجلبها
قال الساحر: طيب فيه عبارة أخرى إذا تقولها ترجع لحالتها الأولى وهي (يا حليله) قال طيب!!!
وقبل يطلع من عند الساحر
قاله الساحر : فيه حاجه اخرى أبي أقولها لك !!!
قال: ويش؟؟
قال ترى هالعبارتين (هيلا هوب ) و (ياحليله) تقدر تستخدمهم ثلاث مرات وانت تبي تستخدم منهم اليا رحت اول محاولة ويبقى لك محاولتين.
المهم راح لبيته وقال (ياحليله) فتراجعت الى حالتها الأولى.
وبقى له محاولتين !!
المهم في اليوم الثاني ذهب بسيارته لسوق بيع الطائرات وهو في الطريق مره واحد في الطريق وقعد يتمهزا به فقهره ...
فوقف جنب الطريق وضرب السيارة بالعصاء وقالا لها (هيلا هوب)...فصارت طائره فلمحه الرجل الذي كان يتمهزا به فتوقف ودق ريوس ورجع للوراء وتوقف عنده وقال له يالأخو هذا ويش؟؟؟
قال هذي طيارة ماهي سويورتك اللي سايقها وتتمهزا فيها علينا قال اخوي أنا آسف وابصم لك بالعشره قال روح في طريقك وإذا كنت حويشي لا تتحرش بالجمال ...
المهم رجع سيارته لطريقتها الأولى بــ(ياحليله)..
وراح لسوق الطائرات ووصل بعد جهد جهيد ودخل في الساحه
شافه احد المتطفلين وقاله يا الأخو وين رايح؟؟؟؟
قاله زميلنا: وانت وش لقفك؟؟
قال هذي ساحة بيع طيارات وانت ما تملك طياره بل كركوبه هههههههههههه
قال هذي طياره!!
قاله المتطفل : قم بس قم انت وجهك!!!
قاله زميلنا بعد ما ارتفع ضغطه!!! تتحدى !!
قاله إيبالله اتحدى انت وكركوبتك!!
فزاد زميلنا حنقاً وضغطا فضرب بعصاه على سيارته وقال لها (هيلا هوب) فانتفظت وصارت طائره
فطارت عيون المتطفل وانهبل وجا بالقرب منها قال هذي طياره قال أيه طياره وش انت شايف؟؟
فراح يلف حولها ويتامل فيها؟؟؟
وقال العصا اللي معك هذي وشهي؟؟؟
قال هذي عصاي اللي احرك بها طيارتي قال بالله عطنيها؟؟؟ فرأها عصاً طبيعيه فقال عفويا (يا حليله) ههههههههههههههههه فأنكمشت الطائرة
فجن جنون صاحبنا لأنها آخر محاولة فتهاوش مع صاحبه المتطفل ورجع لبيته بخفي حنين ويضرب يداً بيد والمقرود مقرود!!هههههههههههههههههههههه
وسلامتكم
السالفه من نسج ابن مصاول والحقوق محفوظه ههههههههههههه
ابن مصاول
« آخـــر الـــمـــشـــاركــــات »
غير متواجد حالياً
عمرك شفت طياره تغسل؟؟؟إذا ما شفت أجل ادخل وشوف أبن مصاول يغسلها!!
