لو تدور الدنيا ولو تمر بعدها سنين مانسيتة لو اشوف احفادي حواليني

تذكر يوم اقولك
جسد يحتوي روحين
واوعدك ما أخليك وتوعد ما تخليني ؟


أذكر يومها أشوف بالدنيا بس أثنـين ..
قلبي اللي يحبك وقلبك اللي يحويني ..


بعدها بأيام شفت ايدك تحتضن ايدين
وانصدمت يوم شفت انها غير ايديني


سكت لجل خاطرك وقلت مرحبا بالزين
مرحبا باللي القلب لجلـه حيل كاويني


مر يوم واسبوع وشهر وبعدها شهرين
وهو لازال مايدري بأني شفته بعيني


وأخاف اني أقوله له خاين وينجرح بعدين
واخاف أسكت وبسكوتي صمتي حيل يشقيني


واجهته وانا ابكي والعين تحتضن العين
سألته : ليه تنسـاني ؟ ولا ماكنت تغليني ؟؟


سكت ولفّ عني وخبى وجهه بالإيدين ..
اللي كانت تحضني وغيرها ما تدفيني..


سحبت وجهه ومسحت الدمع على الخدين
وقلت له والله أحبك ولو انك تخليني ..!


سكت فتره وقال لي : لازلتي تحبين ؟؟
بعد اللي تشوفينه لا زلتي تحبيني؟؟


ابتسمت وقلت أجلك ماعرفت للحين
اني أحبك حيل واللي يرضيك يرضيني ..


سكت فتره وانا أعاود فرحة بقت لسنين
وتركته وتركت حبه اللي بقى فيني


وصارت الدمعـة اذا هلّت أقول أهلين
والبسمة هجرتني ونست دربها فيني ..


بعدها بأيام سمعت خبر والله شين..
سمعت انه مات وهو يطلب يلاقيني


ويوم اني رحت.. وصيته لي بورقتين
الأولى بها أسمي كتب بدمه يغليني ..


والثانيه يقول فيها: أبي اوضحلك شيين
الأول أحبك حيل وماسكن غيرك شراييني


والثاني أمانه لا جيتي لأهلي تعزيّن
لا تنزل دموعك لي طلبتك لاتَبْكِينِي


كل اللي أبيه انك بالخير لي تدعين
وانك بالشهر مره بقبري تزوريني ..


واللي أبيك تعرفيه ومهم انك تعرفين
اللي شفتيها معي كانت بموتي تبشّرني


انا اللي خليتك من كيفي عني تبعدين ..
لجل ما ينجرح قلبك بلحظة موت تحويني ..


تكفين لا تظنين اني خنتك يا الغلا تكفين
واذا لازلتي تحبيني دايم بالخير أذكريني ..


سكت وقلت : ياليتني ظليت معك يازين
وشفت الموت ياخذك مني ولاكذا تخليني ..


تظنون اني نسيت أو الدمع جف بالعين؟
لا والله الين اليوم وهو معي يخاويني


لو تدور الدنيـا ولو تمر بعدها سنين
ما نسيته لو أشوف أحفادي حوالينـــــــي0


دمتم بكل حب

م/ن

مشكوووررررررررره ياالغلا على هذاا الاختيار وفديتك انتي وقصايدك اللي كل وحده احسن من الثانبه مع خالص حبي {شمووووووخه}

تفــــــــداك العافية ياغلاتي ومشكورة يالغالية على المرور

وين الردود

واجهته وانا ابكي والعين تحتضن العين
سألته : ليه تنسـاني ؟ ولا ماكنت تغليني ؟؟


سكت ولفّ عني وخبى وجهه بالإيدين ..
اللي كانت تحضني وغيرها ما تدفيني..


سحبت وجهه ومسحت الدمع على الخدين
وقلت له والله أحبك ولو انك تخليني ..!

لموووووووعه ابيات جميله وراقتلي كثير
نقل مميز من تميز لمووووووعه

ودي قبل ردي اختي

العفو ومشكور على المرور

منقول جميل اختي لمعة الماسه واشكرك على النقل

منـقول جميل لمعه

الله يعطيك العافيه