يمه الغربه وفرقاك ملتمة للمبدع المنشد فهد مطر

يسعد مساكم اخواني واخواتي

حبيت انقل لكم انشودة اعجبتني من صفحة المنشد فهد مطر وان شاء الله تعجبكم



المنشد فهد مطر: يمه الغربه وفرقاك ملتمة ...دمعة العين هذي مالها داعي ..

ارجو ان تعجبكم وتحوز على رضاكم خاصة الاخوة والاخوات الذين يعيشون بعيدين عن امهاتهم ..

http://www.fhdmtr.org/voices.php?action=show&id=220
يمه الغربة وفرقاك ملتمة ...من الحان عندلينا - مكتبة الصوتيات - الموقع الرسمي للمنشد فهد مطر - power
www.fhdmtr.org
شيلات وأناشيد منوعة


كلمات الانشودة : للشاعر المبدع ناصر القحطاني

يمه الغربة وفرقاك ملتمه

دمعة العين هذي مالها داعي


يابعد راسي انتي ليه مهتمه

الوجع لي سواة الناي للراعي


آخر أخباري الذمه هي الذمه

والوصايا هذيك تقدي شراعي


مابه الا السواد يحاود اليمه

ولا به الا البياض اللي ورا أضلاعي


وأشعل ما يفارق ليل حضن امه

وأخضر كل صبح من أول أتباعي


يتعب البرق ما أتعب النظر يمه

وانشديهن بعد ما قلت أطماعي


أنجبن لي عروسة حلم أضمه

أو بعد توها تشرب عطش قاعي


واذكري كيف كان العود ابو عمه

ايتعلى صهيله وأرخي أسماعي


امنياتي بدرب ودي أتمه

آخره صعب وأصعب منه مرجاعي


يوم كلن فزع له خاله وعمه

يكفي اني وردت العد بذراعي


أرفع الراس بين الروس ما همه

وأتباهى وأنا الغرقان بأوجاعي


يمه الحر طبعه يعشق القمة

وأنتي اللي فطمتيني على أطباعي


الهواء دام راسي حي ويشمه

والله اني لاسوق هناك ذعذاعي


غربة تلوي ذراع أشجع الخمه

لا تخافينها لو تقلب أوضاعي


يمكن تبعثر الرجال وتلمه

بس بدري عليها تلوي ذراعي

منقووله

صراحه بيض الله وجهك قسم بالله جبتها على الجرح


يعطيك الف عافيه على نقلك المميز

يعطيك الف عافيه ..
انشودة رائعه بصوت جميل ..

أنشودة رائعة من المبدع فهد مطر الميزاني والف شكر لنقلك لها اخي كلي احساس

وقد تم نقل الإنشودة لقسم الإنشاد ...مع الشكر

انشوده جدا رائعه
يعطيك العافيه اختي كلي احساس

اختي كلى احساس
نقل رائع لمنشد جميل بصوته العذب
دمتي بخير

قصيده رائعه ومؤثره
للشاعر المبدع / ناصر القحطاني
وعساه يسلم راع الشيله / ابو مطر
ومشكوره اختي كلي احساس
.

أسعدني مروركم لمتصفحي

انشوده جدا رائعه
يعطيك العافيه اختي كلي احساس

الله يعافيك أخوي