على لوحة الذكرى اثر ريشة الرسام
بقايا من ابداعة على الرسم وافكارة
رحل واتجة شرقي وحط الامل قدام
وقال الوفاء والحب عنوان مشوارة
تروح السنة وكل لحظة تساوي عام
تمر الدقايق تشوي القلب في نارة
على رسمة اللوحة مجاريح سود الايام
ملامح شبية انسان والناس زوارة
يمر الفرح قلبي وعيني تعيش احلام
لاشفتة يزيل الهم والقلب يختارة
نست لوحة الذكرى حبر ريشة الرسام
نست فكرة المبدع وفنة مع اشعارة
الجد زراقـي وحنـا زراريـق=والناس لنـا تعتـرف وتعرفنـا
مثل الجبال الشامخات الشواهيـق=ماهمنا صفق الهواء في طرفنـا
رجالنا معروف في ساعة الضيق=يكفي عن اللي غايبٍ من سلفنا
وافعالنا ماهـي دعايـه وتلفيـق=وتشهد لنا وقفاتنـا اللـي وقفنـا
خصيمنا يغشى من الغبن ويفيـق=لو يجتهد ماردنـا عـن هدفنـا
ماعمرنا خفنـا وعشنـا مدانيـق=الا من اللي كوّن الكـون خفنـا
يشهد لنا المعبود رب المخاليـق=اللي علـى تقـواه نحيـا ونفنـا