جاني وشفتة

يالي تغلا خل عني تغليك =انتة مجرد حلم جاني وشفتة
منتة بملكلي ولاني بشاريك=ياكثر ماجربت مثلك وعفتة
عرضت نفسك يوم ماني باغيك=وقنعت قلبي في هواك وجبرتة
يوم جيت تطلبني ومديت اياديك=مافية حاجز بيننا ماكسرتة
واليوم تددلع تبيني ارظيك=بالعكس كان الحب هاذا كرهتة
روح وتراني يبن الاجواد ناسيك=رقمك بجوالي تراني مسحتة
تلقى من امثالك كثيرن يصافيك=اما فضحك بهون والى فضحتة

صح لسانك اخوي
ارجوا اعادة النظر في هذا الشطر
يوم جيت تطلبني ومديت اياديك

صح بدنك اخوي ضيغم


ليش اعيد النظر بالبيت الي ذكرتة وضح

اذا كنت ناقد ونا يهمني من يبدي راية او نقدة الصحيح


ولاكن ارجو من ينتقد ان يكون فاهم بالشعر وبحورة

ؤوزانةعلى اساس من ينظر لنقدة الصحيح يتقيدبة

تحياتي لك

صح لسانك يالخافي اعظم قصيده جميله جدآ
ولا اشوف اي ملاحظه على البيت اللي ذكره
الاخ ضيغم يعطيك العافيه تقبل تحياتي

صح لسانك اخوي الخافي ويعطيك العافية على هالابيات

صح السانك

صح لسانك أخوي الخافي أعظم

صح بدنك ابوحسين

بما انك اجزت القصيدة فهذا دليل

على نجاحها فانت شاعر لك تجاربك

الشعرية وغني عن التعريف

لك مني اجمل تحية

بسم الله والصلاة والسلام على رسول الله اما بعد:القصيدة على وزن المسحوب
(مستفعلن مستفعلن فاعلاتن) والشطر المذكور بالتقطيع العروضي الذي يصعب علي شرحه الان يعتبربه خلل لزيادة حرف ال(و)في كلمة (يوم) .
ولاَ انك اخوي تنطق حرف ال(و)بعجل؟يعني تقول (يُم)فهذا خطا كذلك لان كلمة (يوم) في لهجتنا لايمكن ادغامها بالنطق.ككلمة (ماغير)يمكن نطقها(مغير).
اذا لم يُفهم هذا الشرح فيمكن نسيانه تماما.
اطرق القصيدة انا متاكد انك اذا وصلت للبيت المذكور سوف تتحايل على الكسربنطق ضمة بدل(و)في كلمة (يوم).
للمعلومية القصيدة الموزونة والمكسورة تُعرف بالسمع عند (المحترفين) في نظم القصيد ونقده .اتمنى تكون اتضحت الصورة .(ليس هناك كبيرا فوق العلم)
ولك التحية وسلم على اخوي الدجيما معك

عنود الصيد

ملاذ

ملكة القوافي ..

صحة ابدانكم ..
أأألف شكر على الردود الرائعة والمرور الكريم..

اخوي / ضيغم....

سلامك واصل وشرحك مفهوم
وأقدر شاعريتك وأنتقادك بكل صدر رحب
وكما أوضحت اخوي فنطق القصيده يختلف عن قرأتها
وتعرف بالسمع عند الشعراء ومتذوقي الشعر ..
وبما أنني أعيش في بيئة ذات طابع خاص بكل ماتحمله الكلمة
من شعر ومتذوقي الشعر .. من غير قصور في ذائقتك الشعرية
وبما انهم قد سمعو القصيدة وهي تلقى على مسامعهم ولم ينتقدوها بأي انتقاد
ولربما الأخطاء الإملائية اعطت القصيدة شيئ من هاذا القبيل ..
وكما وضحت أن القصيدة الموزونة والمكسورة
تعرف بالسمع عند (المحترفين) في نظم القصيد ونقده ..
ولا أبري نفسي من الخطأ فالكل يخطأ والكل يصيب ..
شاكراً ومقدراً أنتقادك
ولله درك يالغالي