ردي علــــى الشاعــــــــرملفـــــــــــي المــــــــــــــــــيـزاني

راكب اللي لاركبته ماتمله=ساع ماجابوه من صالة وكيله
يوم جابه قبل يكتب في سجله=اشتراه امير وهداه الفضيله
رنج روفر يوم سواقه دبله=كن شكمانه مولع به فتيله
بالوصايف كل وصف(ن) جايزله=وبالشكل واللون مانلقا مثيله
كن خشمه خشم ناقه مع مدله=ساق فيها يوم جازتله حصيله
ون وقف ميقاف ريس فنزوله=بينه وبينه شبه نفس الفصيله
ون قفيته سالم وسيفه يسله=ون نطحته كنك تشوف الجليله
منوة اللي ناوي الدار المزله=ماضواه الليل في حضن الحليله
من عنيزه يوم مال العصر ضله=وجهه لصاحب اللي ينعنيله
ملفي اللي كل مملك فدوتله=والله ان ودي بشوفه كل ليله
شاعر(ن) له طلتن ماهي بطله=مايعن من القصيد الا الاصيله
بالمعاني يستحل الشعر كله=اشهد انه شاعر(ن)مافيه حيله
والكرم والطيب في ملفي جبله=وش كرم حاتم وحاتم ينتميله
شايبه بالطيب قدمه واقفله=من رجال(ن) ماتجيب الا الجزيله
المشاعر هيضتني شيمتنله=والكثيره فيك ياملفي قليله
يوم جا مرسولك اللي مانمله=شاش راسي ثم جريت الطويله
والكلام اللي تقوله فاطنله=وعزتي للي يسبك عزتيله
ياصليب الراي شعرك في محله=والغزل مافيه ياملفي فشيله
كل شاعر يعجبه توصيف خله=ومنهو اللي مايحب ام الجديله
والله ان الحب فبنادم اجبله=والخليل يموت من فرقا خليله
كود ناس(ن) مالهم مذهب ومله=في نضرهم كل حاجه مستحيله

صح لسانك يابو حسين
رد وافي من شاعر وافي

صح بدنك يالبناخي ولاعليك زود
تسلم ولك مني كل التقدير

صح لسانك يابو حسين ولو اقول مبدع من هنى لين نجخ ومشرفه هههههههه
مقصر في حقك وحق هالقصيده ولاكن لا نتوقع من البحر سوى موج عااااتي
وتستاهل الخمس نجووووم تقبل مروري يالقرررررم
اخوك/ بناخي الزحزوح

صح لسانك اخوي

ويستاهل ملفي كل خير والله مافيه حيله

تحياتي لك اخوي

صح لسااااااااااانك يابو حسين وبيض الله وجهك
وماعليك زود,,وافي ومن رأس وافي ومهما قلت فيك يابو حسين لن أوفيك حقك
وانت مكسب لشاعر اللي يوجه لك قصيده وترد عليه
وقصيدتك يابو حسين مهما قلت عنها مقصر,,والله يرفع شانك ويعز مقدارك
وانا ما أستغربها من (علي الدجيما)لأني اعرف قدره علي الخياليه قبل يكتب اول بيت
ماقول الا بيض الله وجهك ورفع الله مقدارك,,وانا الكسبان برد شاعر بحجم(علي الدجيما)
تحياتي لك يابو حسين

صح لسانك يابو حسين واعتلى شانك على القصيده الجزله التي لاتاتي ألامن رجلا جزل في شعره
بيض الله وجهك ياعلي وشهادتي فيك مجروحه وانا من المعجبين في شعرك لاهنت

صح لسانك يابوحسين وعتلا شانك ودائماً لا تجيب الا الجزل وتقبل اعجابي بما كتبت ويستاهل ابو راكان المجاراة

كما عودتنا رد قوى
وليس بغريب عليك

صح لسانك مليون ولا يسدون

صح لسانك ياشاعرنا ومافيك حيلة وفالك التوفيق
مما راق لي من قصيدتك
كل شاعر يعجبه توصيف خله=ومنهو اللي مايحب ام الجديله
والله ان الحب فبنادم اجبله=والخليل يموت من فرقا خليله
كود ناس(ن) مالهم مذهب ومله=في نضرهم كل حاجه مستحيله

تقبل مروري:لمعة الماسة حساسة