محاوره

معناي باديه اولا وانت تهرب ماتبان = البدر حول البدر وانته عاكسن وخاتلها

هاذي بعيده عن شواربكم تحلم فالزمان = واليا صحيت واليا انت نايم ياعميلي فظلها

يالله أنا طالبك يارب السماء يالمستعان = أن الجمل حملته من بين العرب يشتلها
خل المعاند يالمطيري كان ثار الجبخان = ارتح وطبل للبشر وسط البلد طبلها

المشاركة الأصلية كتبت بواسطة خالد الوبيري الشمري

يالله أنا طالبك يارب السماء يالمستعان = أن الجمل حملته من بين العرب يشتلها

خل المعاند يالمطيري كان ثار الجبخان = ارتح وطبل للبشر وسط البلد طبلها

صح لسانك يابو سلطان

الظاهر أننا خلصنا ,,

شكراً لكل من مر ..

وشكر خاص لأبو راكان على المتابعه المستمره .

صح السنتكم وماقصرتم وبيض الله وجيهكم.وانتظر تنسيق المحاورة

صح لسان يالشمري دائما مبدع تقبل مروري

حنا في دار ال سعود اهل الوفا والامتنان = قولي وقولك ماحسبوله خلها بس خلها

الشمري يعد نفسه حاط في صدره امان = مادام انا طبلها ارقص وخلنا نفلها

صح بدنك ياوشاح الفخر ومشكور على التشجيع ..

المحاورة بتاريخ 4/1/1431هـ



سليط اللسان
سلام من شاعر موثق ناجحن فالامتحـان=عشره على عشره اخذها كلوبوها وحلهـا
اليا ابتدينا ابتدى المعنى على ماض الزمان=واليا انتهينا نرتجح والطايلـه فـا محلهـا

خالد الوبيري الشمري
يامرحبا وأهلاً هلا لو أنتم أصحاب المكان=من شاعرً يدري عن أسرار المعاني كلها
أليا أبتدينا لاتثنى مثل عـود الخيـزران=هات الجزيله والهزيله يالمطيري خلهـا

سليط اللسان
دام البقا ياللي ترحب جعل خدك للجنان=فل المعاني والمعاني فلهـا مـن فلهـا
الشجره اللي ما يضلل ضلها حتى المكان=الله يشيل الشجره اللـي ظلهـا ماظلهـا

خالد الوبيري الشمري
العشر تبقى عشر يارجال ماترجع ثمان=اعرف جميع دروبكم يأصحابنا وأدلهـا
العلم يطلع للعلا ماهو بينـزل للطمـان=لكن فرمل للدعـاوي ياولـد فرملهـا

سليط اللسان
انا خصيمك انتبه امطيري من بنـي ميـزان=لايابعـد حيـي تركـد وانتبـه فـي حلهـا
غاب البدر واثر البدر غايب له شهور وزمان=افطلهـا ياصويحبـي ياصويحبـي افطلهـا

خالد الوبيري الشمري
والله وعشر أنعام يالمطران مافيكم جبـان=أصحابنـا وأقرابنـا وعلومكـم ماملـهـا
اللي طويل لسان يبشر عندي بطول اللسان=حتى دموعه فوق خـده لاوصلـت يهلهـا


سليط اللسان
الله يبارك فيك وانتـم عندنـا الكـم مكـان=اقولها واللـي عقـد روس الحبـال يحلهـا
الذيب مايهرول عبث والشد في ظهر الحصان=حتى المجامح ماعرفنـا دقهـا مـن جلهـا

خالد الوبيري الشمري
أثرك مثل أصحابك اللي قبلك فلان وفـلان=ترسلك العالـم ولأنتـه عـارفً ترسلهـا
أنته تسولف من عقل ولا تسولف من جنان=ادياركم بأسهـل وسيلـه ياولـد نحتلهـا

سليط اللسان
معناي باديه اولا وانـت تهـرب ماتبـان=البدر حول البدر وانته عاكسن وخاتلهـا
هاذي بعيده عن شواربكم تحلم فالزمـان=واليا صحيت واليا انت نايم ياعميلي فظلها

خالد الوبيري الشمري
يالله أنا طالبك يارب السماء يالمستعانأ=ن الجمل حملته من بين العرب يشتلها
خل المعاند يالمطيري كان ثار الجبخان=ارتح وطبل للبشر وسط البلـد طبلهـا

سليط اللسان
حنا في دار ال سعود اهل الوفا والامتنان=قولي وقولك ماحسبوله خلها بس خلهـا
الشمري يعد نفسه حاط في صدره امان=مادام انا طبلها ارقـص وخلنـا نفلهـا

صح السنتكم وماقصرتم وبيض الله وجيهكم

ولاهنت يا ابوم ركان على التنسيق