قصيده في ابن اخي صالح فارس الدجيما

المشاركة الأصلية كتبت بواسطة علي حميدان الدجيما

على ذكر الايام القديمه وعهد(ن)فات= اقوم اتذكر ماطوت صفحة الماضي

اليوم قمت افتش فالارشيف وحصلت هذه القصيده التي قلتها قبل خمسة عشر عام وبالتحديد عام 1416هـ عندما توفى اخي فارس حميدان الله يرحمه ويرحم اموات المسلمين وهو من اهل الخير انشاء الله وهو رجلآ صالح منذو الصغر انسان

مؤدي للفرايض وصدوق وذوا اخلاق عاليه ومطيع للكبير والصغير وممن خفف من مصابنا انه توفى وهو ساجد فهذه خاتمه طيبه ولا نزكي على الله احد ولاكن نقول
نسأل الله العلي القدير ان ينزله منازل الصالحين ويتجاوز عنه
وكان احد ابناءه صالح وكان عمره عند وفاة والده حوالي عشر سنوات وقلت هذه القصيده آمل فيه انه يكون مثل والده والحمد لله صالح فيه خير ان شاءالله

ياصالح اسمع جعل يهديك خالقك= نصيحة اللي دايمآ في جنابك
صل وتطوع وطلب الله يوفقك=اطلب من المولا يطهر ثيابك
ان ماحسبك الله مغيره يحاسبك=وليا فعلت الخير تلقا ثوابك
وعلى الاوادم لو تعدد مصايبك=ترا مغير الله يخفف مصابك
الله عن ادروب المصايب يجنبك=ويهديك ياصالح من اول شبابك
ابيك تطلع مثل ماكان شايبك=الله على فرقاه يجبر صوابك
من شيمته كل الاوادم تشيمك=وانته رجل وبيك تحسب احسابك
وان صرت مثل اللي يروح على الدبك=قلت مقاديرك ولحدن يهابك
ولاتحلق اللحيه وقصر بشاربك=سنة رسول الله وقصر ثيابك
وجنب عن الشيطان جعله يجنبك=تراك لاطعته بناره رمابك
ابليس لامنه ركب فوق غاربك=في ليلة(ن) غدرا غدرك وسرابك
واحذر من الدخان شربه يعيبك=شربه حرام(ن) لو قليل(ن) شرابك
واحذر تضيع يالبناخي مذاهبك=خلك على هقوة صديق(ن)هقابك
واحذر تطيع اللي على الشر يندبك=يضحك عليك وفالمشاكل رمابك
وليا وقعت وصك من دونك الشبك=قعدت في بلواك محد(ن)درابك
واحذر ابو وجهين لابد ينكبك=قله يابو وجهين انا ويش ابابك
وراع النميمه لو ضحك لايصاحبك=اليوم يضك لك وباكر حكابك
بعض الاوادم لو ضحكلك وفزبك=تراه يسعى للقشر في غيابك
واللي رديآ منسبه لايناسبك=والمصلح الله وخل فيه احتسابك
والرزق لونه مع الناس تسلبك=كل(ن)على قطعه يبا صك بابك
وخلك كريمن قايمن دون واجبك=لاجاك ضيف الله تردد هلابك
ولاجيت فالمجلس توقع يزلبك=هرجن يسبب يالبناخي نشابك
والكبر لله لاتجي فيه يذهبك= وتصير في حفرة جهنم عذابك
وعلى دروب الكذب ماني معلمك =على الصحيح ابيك يصدق جوابك
لعل من جابك على الصدق ينجبك=وعساك في يمناك تاخذ كتابك

هذة القصيدة نقطة من بحر شاعرها غني عن التعريف بحر البحور -تحية للقصيدة وراعيها- واحترامي

هذه شهاده افتخر بها ليش لا وهي من شاعر كبير وخبير الا وهو صالح بن شداد

شاعر النضم والمحاوره وشادتك يابو شداد وسام ومرورك شرف لي

صح لسانكـ اخوي علي حمدان الدجيما

صح بدنك اخوي خالد تشرفت بمرورك

صح لسانك يا ابو حسين ولاهنت

والله يرحم فارس ويسكنه الجنه

ويصلح صالح

اعذرني على التاخير

يا / الـــــــبــــــــــــــحـــــــــــر

الله يرحم ابو محمد و يسكنه فسيح جناته وهو من اهل الخير ان شاء الله ولاتزال

صورته علاقه في ذهني حتى الآن لأنني عرفته منذوا صغري وحتى مماته واكن له

كل الموده والاحترام رحمة الله عليه وقد تأثرت بمماته كثيراً ولكن هذه حال الدنيا

(و من خلف ممات) وابناءه فيهم الخير البركه ان شاء الله

وصالح سوف يسير على خطاء والده ان شاء الله .

صح لسانك وعتلا شانك يابو جسين ولاهي غريبه منك هذه القصيده الجزله لأنك شاعر الجزلات .

الله يقبل منك يابو محمد ومعذور ولاهي بالشكات
تحياتي لك

ابن مشدد الله يعطيك العافيه يابو سعود ويقبل منك وانت اخ وبن عم
تحياتي لك

شـكــ وبارك الله فيك ـــرا لك ... لك مني أجمل تحية .

عسى الله يرحم فارس ويصلح ابنه صالح ويحفظه لاهله

وانت رمز للوفا يابوحسين لاهنت

دمت بخير