من دون قاصر بالقبايل كلها ربعي مطير=قوم ٍ تنومسني مع الذكرى كبآر آفعولها
اهل المهار المسرجه والكور و السيف الشطير=من سآحل البحر الحمر حتى الخليج انزولها
واهل الملاقا بالوغا نطاحة الجمع الغفير=لو هم ثلاثه واربعه كم سربة وقفولها
ماعندهم كايد يهون الوقت لو انه عسير=وليا نوو دار تبرك زملها بحمولها
لاقيل دن المسرجات وصاح صياح النذير=ياويل من توجه عليه الخيل حدر ازحولها
هازوهم الاتراك لكن ذاقو الشر الشرير=دوله بغت ركب وابادوها بقا مرسولها
المعجزات افعول ربعي ذكرها يبغى الكثير=تاريخ سجل في قلوب الناس قبل اعقولها
اشيوخنا تضربها الامثال وابصر يابصير=هاك الشيوخ الي ليا قالت وفت في قولها
تحت امر اخو جوزا يسطر فعلهم قدم النظير=يرونه الاجداد والاحفاد تاقف طولها
هم فزعة المظيوم لامنه زبن يبشر بخير=يلبس جداد الوقت و يحذف قديم اسمولها
العز من عند الولي والنصر من عنده قدير=وشجاعة الرجال في راسه ظهر مدلولها
واليوم في عز او امن ظل الطويل امع القصير=في خدمة الرايه ليا رفعت ودق اطبولها
جنود للدين الحنيف سيوف باليوم الكبير=و جنود ابو متعب ليا نادا الفصايل جولها
دون الوطن مانسمع المرجف ولا شور المشير=ارواحنا درع لها ومقفله بقفولها
وللي بقلبه غل مما قلت ياردله غدير=تطفح دغاليبه و دايرت عليه افصولها
وختامها مني صلاة عد ماطير يطير=على النبي المصطفى شفيعنا من هولها
سعيد الحريص
.
التعديل الأخير تم بواسطة ابن الشاعر ; 08 - 07 - 12 الساعة 11:38 PM