عبدالله ابن غازي الميزاني وملفي المورقي ( ماينبت القمح غير امن القميحه)

السلام عليكم ورحمة الله وبركاته

عبدالله

يا المورقي لاتنجم وانت منجووم = حكيت جنبك ورحت وفيك ريحه

ان قلت مازلت مثل اوخيك التوم = لاتحسبن القراح امن القريحه


ملفي

ماني بداري متى تصحي من النووم = النوم يا صاحبي كثره فضيحه

انا واخويه حرارن تبعد الحوم = ماناكل الميته ولا النطيحه

عبدالله

من رحمة الله عسى مرحوم مرحوم = من راح لله لعل الله يبيحه

اتطيح وتقوم لو منته من القووم = وش كثر دم الصواب امن الطريحه

ملفي

عساك من دعوتك منته بمحرووم = انكان دعوتك من قلبك صحيحه

عز الله انى مبا اللي يجرح الصوم = ان رحت مافطرت ابا ذبحلي ذبيحه

عبدالله

ابنا حليمه مغير احلوم وحلوم = ايدين متصافحه ماهي صفيحه

انتم براطم وروس اجباه وخشوم = ماينبت القمح غير امن القميحه

ملفي

حنا ترانا رجالن فعل وعزووم = وان شبت النار صوان وقديحه

وانتم عيونن وساع وشكل وهدوم = يا طيبكم عند تحلول المنيحه

عبدالله

انتم كما انتم بكم شجعان ورخووم = وانته من ايات ؟ ياراع المديحه

يا المورقي لاتزاحم وانت مزحووم = حنا نعبرك بعباره صريحه

الله يعطيك العافية يالشاطري .


مجهود وافر الله لايهينك عليه .


اتحفتنا بمحاورات رائعة لم يسبق للكثير منا سماعها ونعجز عن شكرك .

يعطيك الف عافيه

تقديري لك

رووووووووووووووووعه من رائع الشعر سوار الذهب

الشاعر سوار الذهب يتميز علي غيره حتا وان كان المعنا مكشوف

لكن ثقل البيت يتميز من سوار الذهب