صاحبي والطيب مدعاة والذلة قهر=والنذالة يا أبو بندر صواب ٍ ما يطيب
عيش في الدنيا وخذ درس وشروح وعبر= واصطبر والصبر ينفعك في اليوم العصيب
آه وعزاه ما كل جلمود ٍ صخر= والنوايا بنت لأفكار مخزون وشعيب
إن سكت مصيب وان بحت للموت الحمر= وان هرجنا هرجت الحق نجلد با العسيب
آه يا عين ٍ من العام مضنيها السهر =وآه يا قلب ٍ تجرع من أنواع اللهيب
الزمن يجري ولأيام تجري بالعمر =والليالي تلو لأخرى وراسك للمشيب
الخطر مرة ولأكل من خاطر ظفر=لكن البلوى إذا بار في يديك الصحيب
علتن تجعلك يا القرم ما ترقد شهر=علتن يحتار فيها المعالج والطبيب
من تعلمنا ألكتابه سطر وطمر سطر= في ألكتابه لكن الطمر يا المنجوب عيب
خابرك تفهم ومنجوب وعلومك درر=والمراجل شوق شرواك يا الحر ألبيب
لو يعرف الموت من مات ما داس الخطر= ومن يكب العسر يا صاح ما جاب الصعيب
والشجاعة ما طول ولا تقصر عمر = القدر جاري ولك في القدر حظ ونصيب
مير أنا أبا نصحك تكفى لا خويت استشر= احذر احذر والحذر من ذنب ذاك الذهيب
من خطب في منبر القوم قدام العصر =ستمع له بس ما كل من ينصح خطيب
هيه والدنيا تجاريب ودروس وعبر=وانتبه ما كل مجهد يا أبو بندر مصيب
آه يا عين ٍ من العام مضنيها السهر =وآه يا قلب ٍ تجرع من أنواع اللهيب
الزمن يجري ولأيام تجري بالعمر =والليالي تلو لأخرى وراسك للمشيب
الخطر مرة ولأكل من خاطر ظفر=لكن البلوى إذا بار في يديك الصحيب
علتن تجعلك يا القرم ما ترقد شهر=علتن يحتار فيها المعالج والطبيب