قصيدة حلوة

ليه الصراحه دايما تزعل الناس
وليه المجامل صـار عنصـر أساسـي

حتى لو نجامل على حساب الإحساس
ولو صار وضع االعاطفات إنتكاسي

دايم نمجـد واطـي الذكـر والساس
حتـى يحطـم كـل رقـمً قياسـي

ونرد رجال الشرف مثل الأنجاس
ولولا المخافـه يمكـن إنـه يداسـي

فينا غبا فاحش بلا حـد وقياس
وأمـا الذكـا تحـت الصفـر مايقاسـي

إنعادل الربعيـن بالخمسـة أسـداس
ولا نميـز فـي طبـاق وجناسـي


طموحنا محدود فلـه وجـلاس
وبنـات متعـه وآخـر الليـل كاسـي

والطيب اللي لا نوى يخرب الراس
شرى(غراء) وأربع قواطـي بباسـي


نحرص على الكشخه إلى حد الإفلاس
ونموت في لعبة موسيقى الكراسي


تقليدنـا للغـرب فـي شكـل ولباس
موضه،ولكـن دون دور ٍ رئاسـي


إنقدر اللي يشتـري لـول وألماس
ونستحقـر اللـي يعملـون بتكاسـي


ربعين منـا نقـدر نقـول لا باس
وربعيـن فاشـل مستـواه الدراسـي


متـى تعودأيـام عبـاس فرناس
ويبـدا تحـول وضعـنـا لإنعكـاسـي

ياخي متى نعقل مثل باقي الناس
وفي مجتمعنـا نصيـر عنصرأساسـي


ونصبح شبـاب وذكرنايرفـع الراس
هاماتنـا مثـل الجبـال الرواسـي

شكراً على النقل أخوي بحر الشوق
ملاحضة يجب كتابة منقول أو ذكر أسم الشاعر

يعطيك العافية اخوووي

الله الله الله االله
ماجمل الشعر الحقيقي عندما نقراه

مشكور على النقل