شاعر المحاوره/سعيد القحم

قصيده الشاعر /سعيد القحم(ابو صلال)
في المغفور له بأذن الله الشيخ/حامد بن حاضر القحم

يامل قلبن هجوسه تلته تلي = تلت غروبن مع المنحا سوانيها
يسوقني هاجسي وارقبت متعلي= في رأس رجمن سمومه من يواليها
روس المراقيب ياصلال ترسلي = وارقبت في روسها من قو داعيها
عديت رجمن طويل الحيد ومطلي = قمت فضاء بالحلايا يوم احليها
وقمت اخبر الضلع وابغا الضلع يفطن لي= واعلمه فالعلوم وفي خوافيها
تراي ياضلع ماني جاي متسلي = وعلوم في خاطري ياضلع اببديها
ياضلع ابنشدك وين اقفى عضيدن لي = والديره اللي نحرها ويش اساميها
جاوبني الضلع قال ارتاح في ظلي = دعواك داري بها وعلومك اوحيها
واخذ الخبر ماتدور شد بالكلي = ماعاد يرجع على الديره واهاليها
وانا جبل ماتعدا ماقعي ملي = مالي عيون ونظر والرجل ثانيها
واخذت في ماقعي لين النبأ زلي = ونشور رأس القرى بعيوني ارعيها
واشوف وقع اليماني وأم عصملي = وانا البنادق تشوقني مراميها
وأوحي رزيف الرعد والثعل متدلي = والقود ترزم لأبو حمدان راعيها
ترزم له القود كل الدق والجلي = راعي بيوتن على الطالات بانيها
لكن ياطير سلم لي على الصلي = واخذ الرساله من الصلي وعطنيها
رسالتن خطها مشحون بالفلي = عندي خبرها وانا يالطير قاريها
مالي هوى فالدلال وفي هوى الخلي = هواي خضر القبور ومن سكن فيها
عسى خيالن تنثر ماه وانهلي = يمطر على دار اخو حصه ويسقيها
يسقي قبورن عليها الرب متولي = المعتلي خالق الدنيا ومحصيها

صح لسان الشاعر الكبير سعيد القحم.ولاهنت يابو راكان على النقل . ونأمل تزويدنا بقصائد ابو صلال لاهنت. وتنقل للاشعار المنقوله لشعراء الموازين

صح لسان الشاعرها وسلمت يد ناقلها

ابو راكان لقد نقلت أجزل الشعر وأصدقه فبيض الله وجهك ورفع شأنك

وبيض الله وجه قايلها وصح لسان الشاعر الكبير سعيد القحم <الداب >

ورحم الله من قيلت فيه الشيخ / حامد بن حاضر القحم رحمة واسعة

سلمت يديك اخوي على نقل القصيده

وصح لسان الشاعر سعيد القحم

الله اكبر الله اكبر

يازين قصيده ويازين طاريه الداب الاسود

شاعر لايشق له غبار وقصيده مليئه بالحزن ورحم الله من قيلت فيه

صح السان الشاعر سعيد القحم . علم من اعلام شعراء امطير .
ورحم الله الشيخ حامد بن حاضر القحم رحمة واسعه.
وسلمت يدك يابوراكان على النقل المميز .

إحدى روائع الشاعر المخضرم سعيد القحم (أبو صلال) صح إلسانه ،وسلمت يداك يا شاعرنا أبا راكان

على هذ النقل ،ورحم الله (ابو حمدان )رحمة واسعة ، آميــــــــــــن....

دائما ابو صلال لا يكتب الى الجزل من الشعر ....... لاهنت ابـــو راكــــان على النقل الرائع

صح لسان الشاعر الكبير سعيد القحم <الداب >

ورحم الله من قيلت فيه الشيخ / حامد بن حاضر القحم رحمة واسعة