ثلاث أبيات من قصيده رائعه

[fot1]السلام عليكم ورحمة الله وبركاته ....وبعد....[/fot1]
سوف اكتب ثلاث ابيات لشاعر لاعرفه فمن لديه معلومه عن اسم الشاعر وزمانه وباقي أبيات القصيده فليفيدني بها وله الشكر والعرفان.
ولكم مني الأبيات وهي/
الليله هذي واضحه ليلة فراق
حاولت أعديها وعييت تعدي
فراق ماينطاق ولا راح ينطاق
صد الزمن ماهوب صدك وصدي
ودي اضمك واحظنك لحظة فراق
ياشيب عيني كل ماقلت ودي









ولكم تحاتي وأشواقي,,,,,,,,,,,,

حياك يا بن رومي ومرحباً بك وانت قد اتيت من الشعر بأعذبه للشاعر المبدع ثامر شبيب الدقباسي الرشيدي

الليله هذي واضحه ليلة افراق=حاولت اعديها وعيّت تعدي
اظروف ماتنطاق ولا راح تنطاق=صد القدر ماهو بصدك وصدي
تعال اخذني بين اياديك مشتاق=قبل انتفارق حط يدك بـ يدي
بجلس معك ساعه حبايب وعشاق=من بعدها كيفك ولو صرت ضدي
فيني خليط اشواق باشواق باشواق=واصل معك من كثرت الشوق حدي
ودي ألمك واحضنك حضنت عناق=ياشيب عيني كل ماقلت ودي
في خاطري ‍.. وش خاطري ؟ خاطري ضاق=الكون كله ضاق ماهو بـ قدي
حتى الدموع اللي استحت كبر واخلاق=تساقطت من فوق خدك وخدي
لوحة شعر تبكي على بيض الاوراق=بيّحت فيها من ردى الحظ سدي
ليلة جفا وافراق مامثله افراق=حاولت اعديها وعيّت تعدي

وحياك يا بن رومي

وهذه نفس القصيدة بالصوت وبعدها بصوت عبدالمجيد

بيض الله وجهك يابن مصاول وفالك الطيب




ولـكـ منــي الحب والتقديــر