ابيات في خادم الحرمين الشريفين علماً انها سوف تنزل في الجريدة ان شاء الله

سلام يا شيخٍ على الحق مقدام=ياقايد التوحيد رافع علمها
انت ملك لاكن جندي في الاسلام=لقبت بالبيتين وانت تخدمها
فالعلم والتعليم حققت الاحلام=خطتك في التعليم ماحدٍ رسمها
ترسل للبعثات عام بعد عام=حوافزً منكم تقوي هممها
صقر العروبه كافلٍ كل الايتام=قلبٍ حنون برحمة الله رحمها
وطرقٍ سريعه من شروره إلى الشام=ومن بحر جده للخليج يخدمها
والكهرباء تمشي على بيت وخيام=وسط الصحاري جابها من عدمها
والهاتف النقال مع راع الاغنام=وراع الضمان بكرتها يستلمها
واما عن الصحه مدن طب واقسام=فيها الرعايه والربيعه لزمها
وفي سرد حسناتك يجفن الاقلام=تشهد لكم عربانها مع عجمها
ملعون من بالدار ينوي بالاجرام=بجنودنا حزب الظلام نهزمها
أمن وامان وخلطها حمر الانعام=ياكثر منهو غيرنا محترمها


وسلامة الجميع

..

صح لسانك اخوي مسند وتسلم على هالقصيده الرائعه والجميله

صح بدنك اخوي [ أمير الروح ] ومشكور على مرورك العطر

صــح لساانك واعتلى شاانك يابن مـازن

وفي اي جـريده ومتى لــو سمحت

صح لسانك يابو نافع

وبانتضار اسم الجريده

تقبل مروري

صح بدنك يابو فيحان على مرورك العطر
على جريدة الجزيرة اما الوقت الله اعلم

صح بدنك يالفيصل ومشكور على مرورك العطر

الله درك يابو نافع قصيده جزله في ملك القلوب

والله يطول في عمره وعمرك

تحياتي لك

صح لسانك يا أبو نافع وقصيدة جزلة من رجل عرف بالجزلات وخادم البيتين ينطبق عليه ما جاء في ثنايا قصيدتك ويزيد بمراحل ...

أبن مصاول

ارحب ملاييين
من طول الغيبات جاب الغنايم
وهالقصيده تكفي
بيض الله وجهك وصح لسانك ولاهي غريبه على الزحزوح