ألحـزينة

المشاركة الأصلية كتبت بواسطة مسند مازن الزحزوح

يامل قلبٍ يشتكي كل الاوجاع=الهم خيم به وغطى فروعه
همٍ تغلغل في الحشا وسط الأضلاع=لحق فرح قلبي وطفى شموعه
اليا ذكرت حبيّب القلب ينلاع=دنيا لتفريق الحبايب خدوعه
منساه لين أحط في حفره القاع=حزنه سكن قلبي من اول اسبوعه
دنياً على غفله تكيللك بالصاع=عقب الحلاء تسقيك مر وتزوعه
لو زانت الدنيا وأخذت لك مرباع=صرم خضاره والهبايب تلوعه
من قصرها لو كان مسكنك بشراع=يكفيك عن قصر الترف والميوعه
واليا غنمت الدين مع حسن الاطباع=مافات من دنياك صعباً رجوعه
ولوالدينك يافتى صير مطواع=اول مبرتهم تراها المطوعه
وفالربع والانساب لاتصير قطاع=قطع اللحم لازم يفرق جموعه
وهرج القفى لـ الناس تخريب الاوضاع=نمام والنقال يرخي سموعه
منبوذ من صفوه هل الدين بجمـاع=اللي لحوم الناس دايم قدوعه



وسلإمتكم ....

ابو نافع صح لسانك ملااا يين والله لا يهينك على الجزله

تقبل احترامي

صح لسانك ابو نافع

أبو نافع صح لسانك على هذه الرائعه التي حملت بين طياتها رثاءاً+نصايح ...وجعل أيامك دائماً سعادة بعيداً عن الحزن والأحزان........

أستمتعت بقرأة هذه القصيدة الرائعه وننتظر المزيد

أبن مصاول

بنت ملوك مشكوره علي مرورك العطر واتعبير الرايع وها ذا من حسن ذوقك مني كل الشكر والحترام

ابن مصا ول الميزاني مرورك عطر مني كل الشكر والحترام

ابو ضيف ا لله مرورك فخر مني كل الشكر والحترام

ياسلام ياسلام عليك يابو نافع قصيده جزله

من شاعرن معودنا على الجزاله الله يعافيك

يابو نافع طيب ولا تجيب الا الطيب

تقبل تحياتي وتقديري

ابو نافع صح لسانك وشهاتي فيك مجروحه صراحه كل شي اخذ حقه من الرثاء والنصيحه
قصيده مرتبه بحيث الي يقراهاء يبحر معهاء من غير اي فواصل تقبل مروري واحترامي

صح لسانك ..
تقبل مروري

الفيصل مشكور علي مرورك تحيا تي