الحب اجمل شي

الحب اجمل شى اشوفه في الحياه
واشوف اجمل شي في الحب الألم
وإذا جرحك اللي تحبه من غـلاه
حاول بقدر إلاستطاعـه تبتسـم
بالعكس حب الجرح واتقبل جفاه
دامك تحبه حب جرحه واستلـم
جروحه الاخـرى وقبّلـه يـداه
ولايمنع إذا زدتها بوسـة خشـم
خلـك وفـي ولاتفكرفـي وفـاه
مهما يسوي فيك خلـك محتـرم
حتى لواخطا لاتفكر فـي خطـاه
تجاهله واضحك معاه وقول سـم
ولاتقـارن مستـواك بمسـتـواه
الحب مايعرف خشيـم ولاخشـم
صدقني توصل حل فالآخر معـاه
ويحس في يوم من الايـام بنـدم
هذا وانا احـب حـبٍ مـاوراه
حبٍ اعمى إلابعد ابكـم واصـم
ياويل قلبي من هوى عذب الشفاه
اللي مخليني بـلا لـون وطعـم
همه يزعلني واناهمـي رضـاه
والأمر من ذلك والأدهى والأهـم
إني معاه امشي على اي إتجـاه
من دون لا ايـن ولاكيـف ولـم
مني ليامنـه بغـا شـئٍ خـذاه
لويطلب نجـوم الثرياقلـت تـم
اظما واموت من الظما وايشح ماه
وشلون مايخدم بخيـل وينخـدم
ياحيرة الشاعـر ويابـذة خفـاه
لاعاش قصة حب والناتج وهـم



وسلامتكم

هل هذه القصيدة من ابداعك .

أو لشاعر آخر .

على كل الاحوال حتى في النقل ابدعت .

روني حبيب قلبي هذي من نظمي وحط في بالك اني ماراح اشارك بقصايد غيري مع اني موضدالنقل بس مع ذكر اسم الشاعر

الله الله الله ..

عبدالله الميزاني ..

صح السانك .. يالقرم .. عدد حروف القصيدهـ ..

وبيض الله وجهك ..

ولا تحرمنا .. من مشاركاتك العذبــه ..

وبنتظار جديدك ..

وموفق خير ..

ودمت بحفظ الله ..

اخوك ..



خالد الحمر ..

اخوي خالد الحمر تسلم كلك ذوق وعسا ربي يجملني

صح السانك .. .

وبيض الله وجهك ..