قصيدة لقيتها فالديوان بعد ما فتشته من القصائد القديمه وهي من ضمن الشيلات المسجله عبر شركة (فت)
ماني رفيق اضعوف
ماني رفيق اضعوف والى مساكين=ولالي معاهم جلسةً وستقامه
ولا همني فالوقت كثر الملايين=حالي مكفيني وساسي زعامه
امشي وخاويلي رجالاًسلاطين=على النقاء ممشي مع اهل الرخامه
قلبي عزيز ولا يحب الرديين=والمحترم يفرض علي احترامه
درب الرجوله ما مشوه الضعيفين=يبطي حداهم ما كسى الراس هامه
والطيب له ناساً زحولاً كريمين=ماكل من زاره كسب له وسامه
بعض الرجال بدون ميز وبراهين=كفيك عن حضرت جنابه كلامه
وبعض الرجال اليا هرجولك حكيمين=من هرجهم تشبع على كل قامه
ياطيب مجلسهم طوال الميامين=لاسولفولك بين عز وكرامه
اتشوش لطاله وناساً حشيمين=وكلاً بطيبه ما نقص من مقامه
ماهي سواليف الرخوم الدنين=كلاً على الاخر يسوق الملامه
ما كل رجالاً تعزوى قضى الدين=ولا يرفع الرجال لبس العمامه
والطيب فالطيب حزاماً بكفين=تلقاه فالطيب برمز وعلامه